نصيحة اسبرانزا a516

[SuperTest]

السلام عليكم

عايز اجيب عربية فى حدود 44 الف ،، شفت على دوبيزل لقيت a516 موديل 2008 فابريكه برا وجوا وعاملة حوالين ال 100 الف يعنى 95 الف و 120 الف اعلانات كتير تتراوح من 43 الف الى 47 الف

انا هجيبها تقسيط فمش عايز الف على ميكانيكية ومش هيتبقى فلوس اصرف عليها كتير

فهل هى اختيار افضل؟؟ وادور على موديل كام ؟؟ بقالى شهر بحتار وفى الاخر قررت الحمد لله ارجو المساعده هنا

وهى اتوقف انتاجها فعلا وهل ده هيأثر على حاجه ؟؟ من حيث قطع الغيار ؟؟

واكشف عليها فين علما انى فى اسكندرية

[دكتور خالد]

بصراحة ال516 لو نضيفة و حالة كويسة عربية روعة وتستاهل كل قرش يتدفع فيها

[دكتور خالد]

اما بخصوص قطع الغيار فهي متوفرة و فى نفس سعر قطع غيار الكورى زى الهيونداى و الدايو وده لينك لموضوع فى متوسط اسعار قطع الغيار

http://www.nilemotors.net/Nile/10424-a516.html

مع ملاحظة ان دى اسعار قطع الغيار الاصلية و حاليا فى بدايل تانية و قطع غيار درجة تانية وتالتة و ارخص فى السعر طبعا

[SuperTest]

طيب في حدود ال 45.. اجيب موديل كام فابريكه واشوفها عاملة كام كيلو ؟؟؟ يعني كام كيلو افضل.. و اكشف عليها في التوكيل وﻻ برا ؟؟

[amirz]

انا عندي نفس الاسئلة ارجو حد يفيدنا

[hugan]

هارد هنا بدل الموضوع التاني
شوف حضرتك ال 516 اشتغلت معايا 5ستوات
فحت وردم وشغل شقي
عربيه ممتازه فوق ماتتخيل
الهم زي ماقولت انهاالعربيه اللي توقعها تكون بحاله نضيفه ومش متهانه
ياريت الكيلو متر يكون اقل من 50 الف وانت نازل مش طالع
قطع غيارها منتشره في كل مكان لحد الاحياء الشعبيه
كل بتوع الكوري والياباني شغالين فيها
قطع غيارها رخيصه جدا جدا
عدا الكاتينه مكلفه شويه حوالي 800 جنيه
غير كده كل قطع الغيار الاستلاكيه ببلاش
ليها الميكانكي المختص بيها زيها زي الاوروبي
مش اي حد يشتغل فيها خلي بالك من النقطه دي لللاهميه
لاءن موتورها اصلا تصميم اوروبي
نفس تصميم مواتير فولكس بالضبط ل رجه ان الحساسات والكنترول والموبينا والرشاشات
كلها من بوش الالمانيه
التوكيل اضمن مكان تكشف فيه لو مفيش معاك حد ثقه وامين وبيفهم يكشف لك علي العربيه
في مركز المتحد علي الدائري في الطالبيه ممكن تكشف فيه وانت مطمن
العربيه دي زي كل الحديث ابعد المياه عن الموتور نهائي
ربنا يوفقك وتلاقي حاجه محترمه
لو عرفت تشوف عربيه من موديلات 2010افضل
تم تعديل الطاره واسبيولير نيكل علي الشنطه
وتعديل بكر التكييف التاتش يكون افضل جدا

[دكتور خالد]

هارد هنا بدل الموضوع التاني
شوف حضرتك ال 516 اشتغلت معايا 5ستوات
فحت وردم وشغل شقي
عربيه ممتازه فوق ماتتخيل
الهم زي ماقولت انهاالعربيه اللي توقعها تكون بحاله نضيفه ومش متهانه
ياريت الكيلو متر يكون اقل من 50 الف وانت نازل مش طالع
قطع غيارها منتشره في كل مكان لحد الاحياء الشعبيه
كل بتوع الكوري والياباني شغالين فيها
قطع غيارها رخيصه جدا جدا
عدا الكاتينه مكلفه شويه حوالي 800 جنيه
غير كده كل قطع الغيار الاستلاكيه ببلاش
ليها الميكانكي المختص بيها زيها زي الاوروبي
مش اي حد يشتغل فيها خلي بالك من النقطه دي لللاهميه
لاءن موتورها اصلا تصميم اوروبي
نفس تصميم مواتير فولكس بالضبط ل رجه ان الحساسات والكنترول والموبينا والرشاشات
كلها من بوش الالمانيه
التوكيل اضمن مكان تكشف فيه لو مفيش معاك حد ثقه وامين وبيفهم يكشف لك علي العربيه
في مركز المتحد علي الدائري في الطالبيه ممكن تكشف فيه وانت مطمن
العربيه دي زي كل الحديث ابعد المياه عن الموتور نهائي
ربنا يوفقك وتلاقي حاجه محترمه
لو عرفت تشوف عربيه من موديلات 2010افضل
تم تعديل الطاره واسبيولير نيكل علي الشنطه
وتعديل بكر التكييف التاتش يكون افضل جدا

مفيش بعد الكلام ده كلام

[amirz]

شكرا للافادة يا باشا جبت من الاخر بس الكاتينة بصراحة غالية جدا بس ليه كده وبتتغير كل قد ايه

[M I D O]

العربية كويسة بس العدادت الي بتقولها كبيرة يعني متعديش باي حال من الاحوال 50 الف كيلو عشان العربية تكون لسة بصحتها معاك و المبلغ الي معاك يجبلك 2008 و 2009 عداد اقل من 50 الف وحالة كويسة و العربية في المجمل ممتازة

[SuperTest]

شكرا استاذ هوجان. رديت ووفيت
وشكرا د. خالد طمنتنى والله
شكرا ميدو وقولى لو 2010 اقل من 50 الف كيلو تعمل كام حالة كويسة ؟؟

انا في اسكندرية لو هكشف في التوكيل.. هيكلف كام ؟

[SuperTest]

A516 سياره فبريكه برا وجوه .. مش محتاجه اى مصاريف ... بيع من مالك مباشره من غير اى توكيل... الرخصه ساريه فى العربيه ... مريات وزجاج كهربا ... الكراسى لسه بلبلاستك بتاعها ... حلتها ممتازه جدا .. موديل 2010 ... 50الف جنيه فقط لا غير للجادين فقط ... ماشيه 56 الف كيلو بس

تساوى دي ؟؟؟؟

[fourseasons]

تساوى طبعا يا باشا لو الحالة نضيفة.وممكن اوصفلك مهندس كان شغال فى التوكيل 5 سنين وفاتح مركز ليه دلوقتى ولسه مغير سير كاتينة و دينمو و زيت فتيس موبيل بس من غير البلية عشان قالى الأصلى حالتها احسن من ال حتركبها ب 520 جنية بالزيت الجيربوكس الموبيل و الأكراميات

[SuperTest]

اسمه ايه المهندس ده ومكانه فين يا باشا ؟؟ ولو بيكشف على عربيات بتكلف كام ؟

[amirz]

دور على النت وبلاش السوق وشغل التجار

[fourseasons]

اسمه المهندس هشام .وورشتة فى بحرى شارع حسنى و ابو اشرف ال قبل الشيخ وفيق.اول ما تخوش الشارع من عند البحر فى محل قطع غيار على اليمين اسمه هشام ده بتاعه و الورشة فى الشارع ال بعد منه و عنده جهاز كشف الأعطال و هما متخصصين اسبرانزا.وورشتهم ديه بقالها زيادة عن ال 30 سنة فى بحرى.