تغييير المقصات الأمامية

[rabet007]

بسم الله الرحمن الرحيم

انا معايا اسبرانزا 620
واخر مره كنت بعمل الصيانة في المتحدة طلب مني
ضرورة تغيير المقصات الأمامية بالجلب بتاعتها والكلام ده
المهم
روحت سالت عند قاصد كريم الي في اول فيصل
وسالت عن المقصات الي عنده
وقالي ان سعر الاثنين مقص
الواحد 275 *2 =550 الاثنين
جلب المقصات بسعر 160 جم

وكمان انا عندي مشكلة في تيش الدريسكيون

الي هو دارع ببيكون راكب في العجلة
تمام
عاوز يتغير لاقيته عنده ب 140
المهم

فيه ميكانيكي شاطر وانا مجربه لسه في عربية المدام
ومتخصص في جميع
انواع الصيني
في اول فيصل بردك
هاروح اغيره الحاجات ديه عنده ان شاء الله
بعد الشغل
ياتري
وده للاسباب التاليه
المتحده مكانها صعب اروح ليه الصراحه
ولازم من اول اليوم اكون هناك
وتاني حاجة
علشان هافك الحاجات ديه
اكيد اكيد هاحتاج اضبط الزوايا
وانا قولت اروح بريدج ستون
تبقي اسهل من فيصل
بدل حضرتك ما ابتهدل علي الدائري وكده

فما هو رايكم
؟؟؟؟؟؟؟؟؟؟

[ALshahba]

تمام ...... بالتوفيق ان شاء الله

[rabet007]

تم التغيير والحمد لله يا باشا
العربية فاقت الحمد لله
وكان فعلا المقص اليمين متدمر جلب وبيض
والحاجات بقت زي الفل

والمقص جيبته ب 275 الواحد وملحق بيه الجلب الخاصه به لم اقوم بشراء جلب

والتركيب اتكلف 100 جنيه مصري فقط لا غير

وضبطت زوايا في بريدج ستون
بعد كده وجيبت فردتين كاوتش
205/55/16
الواحده ب 675
ورصصت
وعملت نتيروجين

وبكده الحمد لله ابقه انتهيت من السيارة وعملت اجمالي الاشياء الي محتاجها
والحمد لله

[hemaa_82]

ابقي تابع حالة الجلب و البيض لان اللي بيجي مع المقصات منه فيه بيبقي زفت اخر حاجة .... لو ربنا كرمك ان شاء الله و طلعت حلاوة بعد المشي كتير ابقي انشر الخبر لان تبقي الراجل اللي جبت منه راجل نظيف و بضاعتة حلوة ....


انا لما ركبت المقصات اللي الفردة ب 200 جنية من عند زكي جرجس و كانت بجلب بس من غير بيض .. الجلب ماتت تماما و طلعت متقطعة بعد حوالي شهرين من التركيب ....
بمعني ان المقصات كحديد كانت كويسة انما ككوتش جلب كبيرة و صغيرة كانت زبالة .....
وقتها اشتريت جلب لوحدها و كبستها و الحمد لله ظبطت من ساعتها

[rabet007]

بص حضرتك انا بتعامل مع قاصد كريم في اول فيصل والتوفيقية فرعه التاني
عنده اى شي للصيني مستور وليس موزع
عنده من الابره للصاروخ
وكمان حضرتك عنده فيزا لو مثلا عاوز تدفع بيها
ناس محترمين وزي الفل

ومبارك علينا ان شاء الله

[ALshahba]

الف مبروك والحمد لله علي انتهاء العمل بالجميله 620 ..... ده وقت التجربه والانطلاق والمتتتتتتعه

ياريت تقولنا كده التكلفه الاجماليه وصلت كام

الف مبروك

[rabet007]

الشبح بنفسه هنا
يا هلا يا هلا يا هلا
بص يا سيدي

سعر المقص الواحد بالجلب المخصصة لها 275
يبقي عدد 2 مقص
550

سعر تركيب المقصات بالاكراميات
150 جنيه

125 تركيب

20 مصنعيات للناس الشغاله


وكده بقه تمام

[ALshahba]

الف مبروك والحمد لله علي الانتهاء

انا اقصد التكلفة الاجماليه للعربيه من ساعة ماشتريتها لحد ما خلصت لها صيانات

بالتوفيق

[rabet007]

التكلفة الاجمالية
اقول سيادتكم
1500 تكلفة اول صيانة سرفيس وكاتنية عند المتحدة ودية كانت تشمل ( الكاتنية والسيور كلها وفلاتر الهواء والبنزين وبوجيهات وغسيل الماتور وتربيط العشفه وجوز كبالن يمين وشمال وضبط المحرك كمبيوتر)
130 غيار الزيت
700 المقصات وتركيبها
1500 ل2 فردة كاوتشك مع ان الاربع كانوا جداد لكن العين دمرت فردتين
و 140 ضبط زوايا وترصيص ونيترو


الاجمالي 3970

بالضبط

والحمد لله العربية اصبحت افصل واحسن