تجربة اسبرانزا انفى

[ELKHOLY22]

ربنا يباركلك فيها بس هوا فعلا الاسبيرانزا او الصيني بشكل عام في اعاده البيع بيخسر كتير ولا حسب انتشار العربيه مع العلم مش بشوفها الا بنسبه ضئيله جدا وايه اسباب اختيارك ليها معلش طولت عليك)اسبيرانزا انفي(

[tameramin77]

ربنا يباركلك فيها بس هوا فعلا الاسبيرانزا او الصيني بشكل عام في اعاده البيع بيخسر كتير ولا حسب انتشار العربيه مع العلم مش بشوفها الا بنسبه ضئيله جدا وايه اسباب اختيارك ليها معلش طولت عليك)اسبيرانزا انفي(

ربنا يبارك فيك عموما الصينى واخد تقريبا نفس خط الرينو بيخسر كتير وده راجع لثقافة المستهلك اما سبب الاختيار فكان لان العربيه اوسع اوبش اعلى معظم من قام بشراء اسبرانزا بيشكر هيا بتفرق فى الفنش الاوربى اعلى وحسب راحت حضرتك للعربيه الموتور عزمه شديد يعيب العربيه العفشه الناشفه بصفه عامه الحمد لله عربيه تمام ومفيش حاجه كامله اهم حاجه انت استعمالك للعربيه عامل اه صينى اوربى كورى

[S O P H O S]

ربنا يبارك يا باشا

[aftr]

الف مليون مبروك عربية جميلة تقفيل صينى افضل كتير من التقفيل المصرى نصيحة خليك متابع الصيانة فى التوكيل انا فضلت متابع مدة 3سنوات وغيرت قطع غيار كتير فى مدة 3 سنوات بصراحة افضل ضمان هو ابو الفتوح وخدمة ممتازه

[egyptian_eagle]

بسم الله الرحمن الرحيم
كنت استخرت الله فى شراء السياره الانفى والحمد لله اشتريتها وانا عضو فى المنتدى منذ خمس سنوات وكان معى سياره رينو سيمبول 2010 وكانت سياره ممتازه ولا يعيبها الاصغر الحجم والحمد لله بعتها وجبت اسبرانزا انفى 2013 فقلت افيد الاخوه فى هذه السياره وخاصة انى كان معى رينو يعنى سياره اوربى بعد قراتى عن السياره ومعرفة اشياء كثيره عنها من ناحية العفشه الماتور الصاج كونت راى وتوكلت على الله
1/ السياره الى الان ممتازه ولايوجد سياره كمله وسوف اقول لكم بعض العيوب اولا
السياره العفشه نشفه
خامات التابلوه جيده جدا وليست ممتازه
المساعدين كانت نشفه لكن بعد ماعديت 2000 كم بدات تتحسن
اعادة البيع سيئ مثلها مثل الرينو تخسر كتير
عندما ذهبت للتوكيل وضعوا لى 5 ك زيت وفلتر جديد وبس وبيقولوا انهم بصوعلى العربيه وربطوا العفشه ودفعت 480 جنيه صيانة 1000 كم
2/ المميزات
السياره ثابته على الطريق حتى وانا معايا ناس فى العربيه جربت العربيه لغاية 130 كم انا مبحبش الجرى
سنسور البرك الى موجود بالسياره بيساعد على ركن العربيه بسهوله نظرا لحجمها الكبير
سحب العربيه ممتاز ومع ان العربيه عمله 2200كم فقط ولكن بعد ماتخلص تليين ان شاء الله تكون افضل وانا بلين السياره حوالى 5الاف كم على الاقل لان كل ماتلين فتره اكبر تحافظ اكتر على الموتور السياره وسعه جدا الحمد لله
كل قطع الغيار موجوده داخل وخارج التوكيل حتى الزجاج موجود فى مصنع امان 6 اكتوبر سعره 250 جنيه كنت بالصدفه هناك مع احد الاصدقاء وسالت عليه للمعلومه
لن اذهب للتوكيل مره اخرى ان شاء الله لانى اقوم بعمل الصيانه بنفسى لارى ماذا يتم بالسياره
عن تجربه 4 سنوات زيت زادو ممتاز وبيجى لغاية البيت وسعره اقل من موبيل
البوجيهات سن 16 اشتروها من بان امريكان امام صيدلية الاسعاف برمسيس بسعر 70 جنيه الطقم امريكى تقفيل فرنسى 3 شمعه
بصفه عامه السياره والحمد لله الى الان ممتازه صاج السياره ممتاز جدا
ملحوظه 0000
لو كنت معاك عربيه قديمه واشتريت اسبرانزا انفى فطبعا العربيه هتبقى افضل كتير جدا جدا ومش هتشوف كل الكلام ده اما اذا كنت معاك عربيه اعلى هتشوف فروق بس مش الفروق الجامده
عموما جيب عربيه وحافظ عليها تعيش معاك تجيب مرسيدس واهمل فيها تبهدلك
وربنا يوفقكم لما فيه الصالح والله المستعان السياره امكانيتها بالنسبه لسعرها ممتازه وربنا يبارك لكم فى سيارتكم واهم حاجه تكون مقتنع بالحاجه اللى بتجبها وسيبك من اللى يقول صينى ويابانى وكورى اهم حاجه مراعاه السياره ايا كانت نوعها
وما كان من توفيق فمن الله وما كان من خطاء فمنى ومن الشيطان
اللهم اهدنا الى مافيه خير الدنيا والاخره


اللهم حصن السنتنا وابعدنا وكرهنا بالنميمه والغيبه

اولا الف مبروك عالعربية...انا من زمان بدور علي حد يكون جاب العربية دي لانها احدي السيارات المرشحة اني اجيبها ان شاء الله ولسة بفاضل بينها وبين BYD L3.

ثانيا انا عايز اهنيك علي اخر كلمتين ليك واللي بيدلو عالوعي العالي لحضرتك...انا متفق معاك مليون المية ان استعمال اي شخص لاي عربية مهما كانت ليه عامل كبير جدا علي ادائها وكفائتها,كمان متفق معاك تماما في نقطة العربيات الصيني اللي انا شايف من وجهة نظري المتواضعة انها لازم تاخد فرصتها وياريت نفكر برة الصندوق شوية و منبقاش منغلقين علي مجموعة افكار تقليدية,العربيات الصيني دلوقتي عاملة انتشار رهيب ونازلة باوبشنز خرافية وباسعار معقولة والاداء لحد دلوقتي كويس,ولو فيه عيوب ف ده طبيعي ومفيش عربية مفيهاش عيوب مهما كانت فئتها او نوعها او بلد تصنيعها,فالعيوب كلها لحد دلوقتي في المستوي المقبول.

ثالثا حضرتك كنت ذكرت ان العربية تقفيل صيني,,,كنت جايبها بكام؟؟وسعر التقفيل المصري كام؟؟؟وهل فيها اير باج ومالتي فانكشن ولا لا؟؟؟لو مش هي,عندك فكرة الفشة اللي فيها الاوبشنز دي بكام التقفيل الصيني والمصري منها؟؟


رابعا بقي ياريت حضرتك تقولنا ايه اخبارها معاك دلوقتي,,,اعتقد هي كدة بقالها مع حضرتك حوالي 7 شهور,,,ياريت تقولنا ايه اخبارها معاك واداءها عامل ايه وايه مشاكلها لغاية دلوقتي وايه اخبار توكيل ابو الفتوح,,,في انتظار رد حضرتك واسف عالاسئلة الكتير بس بجد انا ما بصدق الاقي حد معاه العربية دي عشان اعرف منه اخبارها لانها عجباني جدا.

ألف مبروووك يا فندم وربنا يبارك لحضرتك فيها

أنا الحمد لله برضو معايا الإنفي 2014 ولسه عاملها صيانة الألف النهارده

وشايف إنها من أفضل السيارات في فئتها ما شاء الله

نفس الاسئلة اللي فوق دي موجهة لحضرتك استاذ HiddenSpider

سلام عليكم

[hossam78]

في عيوب ظهرت فيها انا عايز اشتريها يس متردد

[bassemali]

متااااااااااابع