الرجاء طرح بعض الاراء عن سبيرانزا a516

[MuhannadM]

السلام عليكم
انا عضو جديد هنا و بصراحة عجبني اوي المنتدي و اراء الناس محترمة
و النهاردة انا عندي استفسار عن سبيرانزا a516
قدامي عربية موديل 2010 فبريكة بره و جوه و العربية تمام و سعرها حلو
اتكل علي الله و اجبها ولا في مشاكل كتير هتقابلني
ارجو المساعدة و شكرا.

[mrastra]

اتكل على الله وما فيش مشاكل هاتقابلك
انا معايا نفس الموديل دة

[MuhannadM]

شكرا علي ردك بس اتا حبيت اعرف شوية حجات عن سبات العربية و تجمعا و لما حاجة تعطل فيها اروح لمين.

[دكتور خالد]

انا معايا نفس الموديل و الحمد لله مفيش مشاكل و هى افضل كتير من بقية العربيات من نفس الفئة السعرية
ثبات العربية ممتاز .. واسعة جدا من الداخل .. عالية من على الارض .. استهلاك البنزين جيد جدا خصوصا على الطريق السريع .
قطع الغيار سعرها معقول جدا .. التكييف معقول .. يمكن بس هيه تجميعها مش سريع (مش عربية شد وحركات).. يمكن علشان وزنها تقيل و بوابة البنزين على حساس .. الله اعلم
بالنسبة للصيانة فى موضوع مثبت فى المنتدى عن اماكن الصيانة وقطع الغيار و ده الرابط بتاعه

http://www.nilemotors.net/Nile/365847-a.html

[hugan]

عربيه ممتازه
وكل ماتتمناه في عربيه سيدان هاتلاقيه فيها
مشكله الاسبرانزا الوحيده مش اي حد يشتغل فيها وحط تحتها 100 خط
لازم المختص وهم كثير
قطع غيارها رخيصه جدا ومنتشره بكثافه
بس لازم تختار قطعه الغيار الصح والنضيفه
لو العربيه المعروضه عليك بحاله ممتازه توكل علي الله ولن تندم

[MuhannadM]

شكرا علي الردود ^_^

[abdulhafeez]

توكل على الله ....... معايا من 2010

ماشية لحد دلوقتي 106 الف كم وحالتها كويسة

اهم حاجة الاهتمام بالصيانة الدورية للسيارة ....

الماتور ممكن يعيش معاك لحد 400 الف كم فقط بالاهتماما بالصيانة

[bassemali]

توكل على الله .. انا معايا 2012 عربيات زي الفل.

[M I D O]

ان شاء الله خير و العربية دي ممتازة وحمالة اسية بس نصيحة قبل الشراء اكشف عليها في التوكيل