ليكوي مولي مع اسبرانزا 516

[bmya]

السلام عليكم
حد جرب يحوط زيت ليكوي مولي في الاسبرانزا ؟
العربيه صوتها عالي وخشن بحوط موبيل وان عربيه حمايا
انا مجرب ليكوي مولي في عربيتي الدايهاتسو وفرق كتير عن موبيل في الصوت والسحب ومجربه في لانوس 2013 وفرق جداااا في صوت العربيه عن توتال موبيل برده
حد جربه ياريت يقولي عشان عاوز اجربه

[hugan]

والله ياباشا انا شخصيا لااثق الا في
موبيل او شل
او توتال حاليا
يعني انا استخدمت شيل من حوالي 7شهور وماشي عليه 12 الف حتي الان
بدون مشاكل
لكن طالما انت بتستخدم ليكوي مولي وبتشكر فيه
استخدمه في ال 516 مش هاتقول لاء

[bmya]

موبي وان زيت تموين بصراحه مفيش عربيته جربته فيها وحسيته كويس
انا عاوز حد جربه ليه لان مثلا في ناس جربه ليكوي مولي وقاله ده بينقص معاهم فعاوز اعرف تجربه حد هل بينقص في اسبرانزا ولا لاء

[Sh_sunsea]

انا استخدمته حديثا في لوجان اوتوماتيك - احسن من الشل الي كنت متعود عليه - بيسخن بسرعة الصبح وده كويس - وبعد كده صوته هادي ومنتظم عن العادي - حتى الآن 2000 كيلو وشايف انها كانت فكرة جيدة

[abdulhafeez]

الزيت ده كويس ....... انا بخطة من سنة ونص كدا بمشي بيه 15 الف وبعدين بغيره بالفلتر
حط منه العلبة اللي لونها ازرق ورقم اللزوجة بتاعتها 10w-40
لان هو دا الزيت الموصى بيه في الكاتالوج ...
ممكن تجرب زيت كاسترول زيت ممتاز برضو

[bmya]

تمام شكرا يا جماعه وخصوصا استاذ abdulhafeez

[elkomyalto]

زيت ممتاز عن تجربه
ولكن انا سمعت انه انمنع استراده

لانى فعلا مش لقيه تانى
فهلا هناك مكان بيبيعه قريب من الهرم او الجيزه ؟

[ALshahba]

اللزوجه المثلي للاسبيرانزا >>>> 5w-40
وياريت يكون مستوي الخدمه n حتلاقيه مكتوب عي العبوه
واختار بعد كده النوع اللي انت عايزه

ملحوظه :
1- زيت موبيل بيتحرق سريعا , غير ان لزوجته 10w-50 يعني تقيل علي موتور الاسبيرانزا نسبيا
2- الزيت الخفيف افضل من الزيت الثقيل

بالتوفيق

[elkomyalto]

اللزوجه المثلي للاسبيرانزا >>>> 5w-40
وياريت يكون مستوي الخدمه n حتلاقيه مكتوب عي العبوه
واختار بعد كده النوع اللي انت عايزه

ملحوظه :
1- زيت موبيل بيتحرق سريعا , غير ان لزوجته 10w-50 يعني تقيل علي موتور الاسبيرانزا نسبيا
2- الزيت الخفيف افضل من الزيت الثقيل

بالتوفيق

مع احترامى لكلام حضرتك ولكن اعتقد ان الموصى بأستخدامه فى الاسبرانزا 10w-50

وكلما ذادت الكيلو متر للسياره بتحتاج زيت اتقل يعنى مثلا لما تعدى ال 100 الف كيلو متر يفضل استخدام زيت اتقل لان مع الاستخدام بتوسع البساتم بعض الشى فبتحتاج حاجه تسد هذا الفراغ البسيط فبيلعب الزيت هذا الدور

[hemaa_82]

في كتالوج الام 11 "متور اكتيكو 1600" اللزوجة المثلي 10w-40 ... و الرقم الصغير لو صغر مش مشكلة لنه مسؤل عن تحضير الزيت في المكنة وهية باردة بس ...المهم الرقم الكبير يفضل ثابت طول ما كفاءة المتور ثابتة

[ALshahba]

مع احترامى لكلام حضرتك ولكن اعتقد ان الموصى بأستخدامه فى الاسبرانزا 10w-50

وكلما ذادت الكيلو متر للسياره بتحتاج زيت اتقل يعنى مثلا لما تعدى ال 100 الف كيلو متر يفضل استخدام زيت اتقل لان مع الاستخدام بتوسع البساتم بعض الشى فبتحتاج حاجه تسد هذا الفراغ البسيط فبيلعب الزيت هذا الدور

اشكرك جدا للمعلومات المفيده
انا عندي فى الكاتالوج (620-2000 سي سي) افضل لزوجه هي 5W-40 ... لكن لو مكتوب عندك اللزوجه 10w-50 كده تعمل اللي فى الكاتالوج وانت مغمض
كلامك مظبوط ان بعد 100 الف يفضل زيت تقيل نسبيا .....ولكن بعد 100 الف كم ....يعني ليست زياده مطرده تدريجيا , وكمان لو بتحافظ علي موتور بتغيير الزيت فى مواعيده ونفس اللزوجه المطلوبه ونوع جيد للزيت .......... حتي لو عديت 100 الف كم برضو حتلاقي موتورك بيستجيب للزيت الخفيف وليس الثقيل
ولو البساتم وسعت بعض الشئ.......... فهذا يؤدي الي ان الكبس داخل غرفة الاحتراق تكون اقل من معدلاتها وفرصة تكون الكربون بيكون عالي ..... ويفضل هنا نصف عمره او عمرة كامله
لكي يرجع الموتور لحالته الاصليه (ماتخافش بيرجع تاني)

فى امان الله