مشكله في سحب السياره a516

[drmedo82]

السلام عليكم
عندي سياره a516موديل 2008 ماشيه 66000 كم وفلتر البنزين متغير قريب والميكانيكي بيقولي كله تمام بس فيه مشكله غريبه في سحب العربيه
العربيه مش بتسحب اوي ولو مثلا ماشي علي 80 وانا علي الغيار الرابع وهديت شويه لحد 50 مثلا ورجعت ادوس بنزين وانا علي الغيار الرابع بتسحب ببطء شديد جدا جدا مهما دست زياده علي دواسة البنزين وعشان تسحب افضل شويه لازم اديلها الغيار التالت
وسحبها عموما حسه ضعيف ولما باوصل لسرعة 110 كم في الساعه بيبقا السحب اضعف واحسها مش عاوزه تجيب اكتر الا بصعوبه اوي مع اني بضغط دواسة البنزين جامد بس بحسها مش بتستجيب علي اد الضغطه خالص
وساعات علي التاني والتالت ادوس بنزين جامد تسحب العربيه بالراحه ولما اشيل رجلي من ع الدواسه وادوس تاني تبدا تسحب كويس والميكانيكي مش عارف فيها ايه بيقولي ده الطبيعي بس طبعا انا مش مقتنع
ياريت اساتة وخبراء المنتدي يفيدوني في الموضوع ده
وشكرا لجميع الاعضاء الكرام

[ايمن فهمى]

اخبار الاسطوانه ليه ؟

[hugan]

لمبه epc منوره عندك ولا مطفيه

[drmedo82]

الاسطوانه كويسه ولمبة epcمطفيه مفيش لمض منوره الحمد لله

[hugan]

كده دواسه البنزين عندك بتفصل
ليها اكتر من سبب
سويتش بدال الفرامل محتاج تغيير سعره 40 جنيه
او البوابه محتاج تنضيف كويس
او حساس الكامه الحداف محتاج ضبط
اي حد مختص في اسبرانزا ها يظبط لك الدنيا

[drmedo82]

المشكله ان انا من طنطا وهوا الميكانيكي ده اللي بتعامل معاه اللي شغال في الاسبيرانزا
عموما هقوله ينضف البوابه ويبص علي حساس الكامه؟
هوا حساس الكامه ده بيتعرف عيبه بالكمبيوتر ولا بالتجربه؟
لان هوا كشف عليها بالكمبيوتر من كام يوم وقاللي كله تمام
ولو سويتش فرامل بيتعرف ازاي؟
معلش بقا هتعبك معايا يا استاذ هوجان بس انتا بقا استاذنا في قسم الاسبيرانزا وانا لسه تلميذ فيها
وشكرا لحضرتك ولكل الاخوه الاعضاء الافاضل

[hugan]

المشكله ان انا من طنطا وهوا الميكانيكي ده اللي بتعامل معاه اللي شغال في الاسبيرانزا
عموما هقوله ينضف البوابه ويبص علي حساس الكامه؟
هوا حساس الكامه ده بيتعرف عيبه بالكمبيوتر ولا بالتجربه؟
لان هوا كشف عليها بالكمبيوتر من كام يوم وقاللي كله تمام
ولو سويتش فرامل بيتعرف ازاي؟
معلش بقا هتعبك معايا يا استاذ هوجان بس انتا بقا استاذنا في قسم الاسبيرانزا وانا لسه تلميذ فيها
وشكرا لحضرتك ولكل الاخوه الاعضاء الافاضل

اهلا بيك ياباشا
شوف لو الميكانيكي عندك مش مختص
معلش هاتضطر انك تنزل القاهره
علشان ما تتعبش وتدوخ
سويتش الفرامل هو نفسه ماكينه الاستوب بالبلدي
لو بايظ دواسه البنزين تفصل
حساس الكامه بيتعرف بالجهاز لكن ممكن يكون فيه تاخير والجهاز مايقراءش
البوابه تنضيفها معروف
بس يستخدم المنظف المخصوص ليها
مش wd40 زي االبعض ما بيعمل
وممكن قلب طلمبه البنزين يكون محتاج تغيير
سعره 100 جنيه
هي شويه حركات ميكانيكه الاسبرانزا الفاهمين بيعملوها
علشان كده لازم حد فاهم اللي يشوف العربيه

[drmedo82]

الف شكر لردك الوافي يا استاذ هوجان ربنا يكرمك يارب وهروح الاول كده للميكانيكي واشوف هيعمل ايه لو معملش حاجه بقا يبقا هنزل القاهره وربنا ييسر الحال