كم سعر الكوبلن الاصلي للاسبيرانزا a516

[drmedo82]

السام عليكم
اعزائي الكرام اكيد زهقتم مني بس هنعمل ايه بقا العربيه جايبها مستعمله ومعنديش خبره في الصيني
المهم العربيه جابت كوبلن يمين واتغير وبعد 20 يوم بالضبط بطقطق تاني علي النلفات وطلع نفس الكوبلن عاوز يتغير تاني والعفشجي بيقول ان الكوبلن كان نوعه مش كويس
كنت شاريه ب 130 جنيه
حد بقا يفيدني منين اشتري كوبلن اصلي وسعره كام تقريبا ؟وازاي اعرف انه الاصلي مش تقليد؟
اتصلت بالمهندس -ايهاب بتاع مركز كوانزو وسالته عليه قاللي موجود
سالته طب سعره كام يقولي مبقولش اسعار في التليفون
يابشمهندس طب انا مش من القاهره او اسكندريه ده انا هبعت واحد صحبي يجيبه عشان اعرف اديله فلوس معاه يقوللي لما يبقا يروح هناك يعرف السعر وقفل
فياريت يا جماعه اللي يعرف المعلومه الصح يفيدني ويفيدني بمكان كويس اشتريه منه وسعره

[bassemali]

متاااااابع

[NightmarE84]

متابع باهتمام

[Melad Sedky]

ممكن تشتري نوع من الاتنين اللي هقوللك عليهم .. دول انضف حاجة في السوق بالنسبة للـ516 ودا برضه بعد معاناتي في الكبالن
yac في علبة لونها ازرق ومدموغ علي الجسم بتاعه انه صناعة تايواني ولون الكوبلن نفسه اخضر او زيتي تقريبا
أو muk في علبة لونها ابيض وبرضه مكتوب عليه انه تايواني
سيبك من كونه تايواني او لأ .. لكنه كويس وانا مجرب الـ yac من 10 شهور وشغال كويس
ونصيحة اشتري حاجتك من التوفيقية او الحرفيين في الحي العاشر بس خليك مفتح .. فرق رهيب في الاسعار بينهم واي مكان تاني لنفس القطع بأسمائها .. وهتلاقي من ابو قرش وابو 10 وانت اللي تختار

[drmedo82]

ممكن تشتري نوع من الاتنين اللي هقوللك عليهم .. دول انضف حاجة في السوق بالنسبة للـ516 ودا برضه بعد معاناتي في الكبالن
yac في علبة لونها ازرق ومدموغ علي الجسم بتاعه انه صناعة تايواني ولون الكوبلن نفسه اخضر او زيتي تقريبا
أو muk في علبة لونها ابيض وبرضه مكتوب عليه انه تايواني
سيبك من كونه تايواني او لأ .. لكنه كويس وانا مجرب الـ yac من 10 شهور وشغال كويس
ونصيحة اشتري حاجتك من التوفيقية او الحرفيين في الحي العاشر بس خليك مفتح .. فرق رهيب في الاسعار بينهم واي مكان تاني لنفس القطع بأسمائها .. وهتلاقي من ابو قرش وابو 10 وانت اللي تختار

الف شكر للرد اخي الكريم وياريت لو تقولي الانواع دي موجوده عند مين من الحفيين بالضبط واسعارهم عشان ميتضحكش عليا
ياريت ضروري ضروري جدا

[abdulhafeez]

انا لسة شاري 2 امبارح الواحد ب 150 ج
وحطيتله شحم امريكي لون الشحم احمر

[Melad Sedky]

انا كنت شاريهم من التوفيقية كانت الفردة ب 135 ج.م.. بس معرفش بصراحة حد معين في الحرفيين.. اهم حاجة تشوف وصف العلبة والكوبلن زي ما قولتلك.. وتكون العلبة مقفولة ومتكيسة من برة مش مفتوحة قبل كده .. الكيس بيكون زي برشام عليها.. وصنايعي محترم يقفلهم بالكاوتشات صح.. اهم حاجة محدش يقنعك بحاجة غير النوعين دول.. ودا عن تجربة تغيير 3 ازواج في شهر واحد

[hugan]

مشكله الاسبرانزا لازم تختار قطعه الغيار النضيفه وبجوده عاليه

[drmedo82]

انا كنت شاريهم من التوفيقية كانت الفردة ب 135 ج.م.. بس معرفش بصراحة حد معين في الحرفيين.. اهم حاجة تشوف وصف العلبة والكوبلن زي ما قولتلك.. وتكون العلبة مقفولة ومتكيسة من برة مش مفتوحة قبل كده .. الكيس بيكون زي برشام عليها.. وصنايعي محترم يقفلهم بالكاوتشات صح.. اهم حاجة محدش يقنعك بحاجة غير النوعين دول.. ودا عن تجربة تغيير 3 ازواج في شهر واحد

شكرا لاهتمامك اخي الكريم
وياتري فاكر اسم المحل ومكانه بالضبط في التوفيقيه؟

[drmedo82]

مشكله الاسبرانزا لازم تختار قطعه الغيار النضيفه وبجوده عاليه

كلام صحيح مائه بالمائه

[bassemali]

هاتهم اصلي من التوكيل مهما كانوا اغلى عشان تريح دماغك من ام النصب بتاع التجار .

[Melad Sedky]

شكرا لاهتمامك اخي الكريم
وياتري فاكر اسم المحل ومكانه بالضبط في التوفيقيه؟

المحل افتكر اسمه كان نجمة التوفيقية او لؤلؤة التوفيقية .. أسأل علي المحل باسم صاحبه .. اسمه فؤاد رؤوف .. في مول الصيني الدور الأرضي .. يعني مجرد تدخل المول لا تطلع ولا تنزل في نفس الدور

[drmedo82]

المحل افتكر اسمه كان نجمة التوفيقية او لؤلؤة التوفيقية .. أسأل علي المحل باسم صاحبه .. اسمه فؤاد رؤوف .. في مول الصيني الدور الأرضي .. يعني مجرد تدخل المول لا تطلع ولا تنزل في نفس الدور

شكرا للاهتمام والرد اخي العزيز

[Melad Sedky]

شكرا للاهتمام والرد اخي العزيز

يا باشا تحت امرك وكلنا هنا بنساعد بعض .. ورمضان كريم