مفتاح الصيانة

[محمود سعد]

السلام عليكم ورحمة الله وبركاته
كل سنه وحضراتكم طيبين ورمضان كريم
بعد اذن حضراتكم
انا معايا سبرانزا a113 وماشيه 10000
انا شارى العربيه وهى عامله 7000 كيلو بس وطبعا اما روحت التوكيل عشان اعمل الصيانه لقيته هيدخلنى على صيانه ال5000 وهيدفعنى 600
قمت مغير انا زيت موبيل 1 ال5000 بس وبعدين ابقى اروح اعمل الصيانه
دلوقتى مفتاح الصيانه ظهر فى التابلوه
هل وجود المفتاح ده يلزمنى بحاجه لازم اعملها فورا ولا ده عادى ؟
ولما اروح التوكيل هيقولى انت خرجت من الضمان ولا ايه الوضع هناك ؟
ارجو الافاده ؟

[Land_Cruiser]

مفتاح الصيانه مش هو المشكله ده مجرد تنبيه لحضرتك و مش معناه اي حاجه اكتر من كده و في خطوات بسيطه لو عايز تطفئ اللمبه بتاعته. بالمناسبه هما مش بيعتمدوا عليه و لكن علي تاريخ اخر صيانه اتعملت كان امتي و ده بيبقي مكتوب عندهم و طبعا في كتاب الضمان و الصيانات اللي مع حضرتك و شروط الضمان هي ان الصيانه تتعمل كل ٥ الاف كيلومتر او ٦ شهور(و احيانا بيقولوا ٣ شهور الي ٦ شهور او ٥ الاف كيلومتر) أيهم اقل و الا العربيه تخرج بره الضمان و هما ملهمش دعوه بمالك السياره الحالي مشي بيها قد ايه و القديم قد ايه. كمان نقطه تانيه غير موضوع الضمان اللي ممكن يبقي فيه مشكله ان صيانه ال ١٠ الاف مش صيانه صغيره ، يعني غير الزيت في كمان بوجيهات و فلاتر و كشف علي التيل و السوائل و حسب جدول الصيانه لو الكلام ده ما اتغيرش يبقي حضرتك هتمشي به كمان ١٠ الاف كيلومتر (تبقي ساعتها علي صيانه ال ٢٠الف) ووارد جدا العربيه تعمل معاك مشاكل لان البوجيهات و الفلاتر اللي فيها ما اتغيروش قبل كده و لا اتعمل للعربيه اي صيانه فعليه من ساعه ما خرجت من المصنع باعتبار ان صيانه الالف تغيير زيت و أل ٥ الاف تربيط عفشه و بناء علي ما سبق انصحك بعمل الصيانه في اسرع وقت و خليك ماشي مع جدول الصيانه لتلافي اي مشاكل مع التوكيل في موضوع الضمان و كمان الأهم ان العربيه تفضل محافظه علي حالتها و ما تعملش مشاكل معاك سببها عدم الصيانه. طبعا الموضوع كان هيبقي مختلف لو كنت داخل علي صيانه ال ١٥ الف لانها مش مهمه قوي لانها تربيط عفشه انما ال ١٠ الاف كلام تاني و مهمه

[hugan]

طريق اطفاءه بسيطه هاينور معاك كل 5000 كيلو للتذكير بالصيانه

[Truman]

يا ريت حد يوضح إزاى تم إطفاء مفتاح الصيانة فى ال a113

[medo_adel5000]

طريقة اطفاء لمبة الصانة :

https://www.nilemotors.net/Nile/436403-a113.html#post3875715641

[Truman]

شكرا جزيلا على المعلومة و بالفعل إتباع الخطوات طفى المؤشر