طنطا

[mahmoud talaiy]

السلام عليكم
انا لسه اول مشاركة معاكم علي الموقع
ارجو المشاركة والتعاون
ملخص سؤالي
انا معايا دلوقتي فيات 128 وبصراحه خاربة بيتي
وعايز ابيعها واكمل عليها وهيبقي معايا في حدود 45000ج
وقدامي عربية ابو واحد زميلي في الشغل اسبيرانزا a516 موديل 2007
مركونة بقالها 3 سنين وعاملة 90 الف كيلو وعايزة تغير بطارية وجوز مساعدين قدام
وبقيت حالة العربية فابريكا في كل حاجة
هو بيتكلم في 43000ج ؟
ايه رايكم في العربية الاول ولا اجيب لانوس او افيرنا
ورايكم في سعر العربية؟
ونصيحتكم ليا
عفوا علي طول السؤال

[EngAhmedSayed]

معلش سؤال هو اية علاقة اسم الموضوع
بمحتوى الموضوع

[exelence]

معلش سؤال هو اية علاقة اسم الموضوع
بمحتوى الموضوع

سؤال منطقى

[cobrahi]

متــــــــــآآبع الرد ع السؤال الجوهرى علاقة اسم الموضوع
بمحتوى الموضوع

[mahmoud talaiy]

ياباشا انت قريت الموضوع ممكن رد مفيد ان امكن

[cobrahi]

ياباشا انت قريت الموضوع ممكن رد مفيد ان امكن

بص يا باشا
اولا السيارة عادة كيلوات كتير حتى لو هتقولى انها كانت واقفه او مركونه
ثانيا موديلها قديم شويه
يعنى لما تكون 2011 او 2012 ممكن تجيبها بالسعر الى انت بتقول عليه دة
دة غير انها محتاجه شويه تظبيط صح و لا لاء يعنى هتصرف عليها
انا من رآي المتواضع متعديش ال34 او 35 الف جنيه
و ربنا يوفقك
مع انى لسه بردو عندى حب استطلاع ايه الهدف من اسم الموضوع ؟

[EngAhmedSayed]

بالرغم من وضع الموضوع مش فى مكانه
فا نصيحة لسيادتك فى قسم المقارنات
دة هتعمل فى موضوع عن مقارنة بين الاسبيرنزا و الدايو لانوس و هيونداى فيرنا
و ان شاء الله تاخد الافادة اللازمة
اما بخصوص عرض الموضوع فى قسم الاسبيرنزا الصينى فا اكيد التحيز هنا للماركة وياريت تذكر ميزانية الشراء كام
و نصيحة اخرى لضمان نجاح موضوعك ياريت تكتب اسم متضمن محتوى الموضوع
ودة للينك قسم المقارنات
http://www.nilemotors.net/Nile/forum68/
معلش و ياريت ترد على سؤالى فى الاول فضوووووووووول مش اكتر اية علاقة اسم الموضوع بمحتوى الموضوع

ربك المستعان
و بالتوفيق ان شاء الله

[M I D O]

العربية كويسة جدا لاكن رايي زود المبلغ ل 50 الف وهات عربية موديل 2011 فيما فوق عداد اقل من 60 الف

[drmedo82]

متهيا لي يا استاذ ميدو لو 2011 حاله ممتازه عداد اقل من 60000 كم مش هتقل عن 55000 جنيه
لكن العربيه اللي ا-محمود بيتكلم عليها 2007 فبريقه بالكامل المهم بقيت حالتها ايه؟ وحالة صالونها ايه والمكنه ايه اخبارها؟
والعفشه عاوزه مساعدين بس ولا فيه حاجه تانيه؟
والكاوتش ايه اخباره؟
متهيا لي لو حالتها كويسه وكل حاجه فيها تمام يبقا السعر كويس جدا
وعلي فكره يا استاذ محمود احنا جيران

[dedi]

اعتقد انها غالية جدا بالسعر دة

[Melad Sedky]

حضرتك لو هتشتري مستعمل وعايز عربية تريحك يبقي هتشوف كذا نقطة:
1. مقياس كفاءة الموتور مش العداد ابدا.. بمعني ممكن عربية تكون عدادها قليل ومع ذلك صاحبها مهمل في الزيت والصيانة او سواقته سيئة او سواقة داخل المدينة كتير وكل دا هلك للموتور ميوضحوش العداد.. في المقابل ممكن تكون عربية عدادها عامل كتير لكنه عداد سفر ودا بيكون اريح كتير للمكنة .. المقياس هنا هو الكشف على حالة الموتور من خلال بنزينة ترفع فيها العربية ويعمللك تقرير عنها او ميكانيكي متخصص في الاسبرانزا وهو اللي يحكم علي المكنة.
2. العفشة ما تعيبش العربية ولكن شوف محتاجة شغل ايه عشان متصرفش كتير معاك.
3. العربية رشة خارجي او فابريقة مش مقياس .. لأن 90% من العربيات في مصر مخبوطة ومحكوكة ودعوكة .. اهم حاجة العربية متكونش عاملة حادثة او مغيرة حاجة في اساسياتها او رشة في اي جزء من الدواخل.. ودا هيبان من خلال رفع العربية والكشف عليها في البنزينة والافضل سمكري شاطر.
4. انت بنظرتك للعربية وركوبك ليها وشكل وحالة الصالون تقدر تحكم العبية دي هلكانة وللا كويسة واستخدام صاحبها ليها كان ازاي كان مهمل وللا بيركب بنضافة ودي انت اللي تقدر تحسها وتحكم عليها لما تركب وتشوف الصالون كويس وللا مقطع او معفن مش نضيف وهكذا.
5. حط في دماغك كويس انك بتشتري مستعمل مش جديد يعني اكيد هتحتاج مصاريف اقلها الصيانة الدورية. العربية دي عبارة عن ماكينة متحركة وطبيعي بتحتاج صيانة .. والعربية لو واقفة مش بتدور لمدة طويلة دا مش ميزة .. دا عيب لأن معظم الأجزاء الكاوتش في العفشة وقطع تغذية الموتور والبلاستيك بيكون نشف من الركنة.. غير طبعا الزيوت اللي لازم كلها تتغير بسبب ركودها وترسيبها.
نصيحة.. لو قابلتك حالة نضيفة متستخسرش فيها لو مطلوب بزيادة شوية لأن دي بتبقي حاجات لقطة وهتريحك من مصاريف اكتر وراها.
وانا رأيي بعد ما غيرت كذا عربية ليا ولأصدقائي.. العربية اللي ماشية وواقفة علي حيلها وصاحبها نزيه وبيصينها حتي لو ماشية كتير احسن من العربية المركونة المتهانة او اللي صاحبها غشيم ومش بيراعيها.
وللأسف سوق المستعمل في مصر ليه مقاييس غريبة بتعتمد اكتر علي انك عامل حسابك انك هتشتري عربية (مشمومة) وفيها مصيبة .. احسن حل للنقطة دي ان الواحد لو شاكك بقي يبقي يشتري جديد ويريح دماغه.
وفي الاخر موضوع المستعمل دا توفيق من ربنا .. وربنا يباركلك في اللي هتجيبه

[drmedo82]

حضرتك لو هتشتري مستعمل وعايز عربية تريحك يبقي هتشوف كذا نقطة:
1. مقياس كفاءة الموتور مش العداد ابدا.. بمعني ممكن عربية تكون عدادها قليل ومع ذلك صاحبها مهمل في الزيت والصيانة او سواقته سيئة او سواقة داخل المدينة كتير وكل دا هلك للموتور ميوضحوش العداد.. في المقابل ممكن تكون عربية عدادها عامل كتير لكنه عداد سفر ودا بيكون اريح كتير للمكنة .. المقياس هنا هو الكشف على حالة الموتور من خلال بنزينة ترفع فيها العربية ويعمللك تقرير عنها او ميكانيكي متخصص في الاسبرانزا وهو اللي يحكم علي المكنة.
2. العفشة ما تعيبش العربية ولكن شوف محتاجة شغل ايه عشان متصرفش كتير معاك.
3. العربية رشة خارجي او فابريقة مش مقياس .. لأن 90% من العربيات في مصر مخبوطة ومحكوكة ودعوكة .. اهم حاجة العربية متكونش عاملة حادثة او مغيرة حاجة في اساسياتها او رشة في اي جزء من الدواخل.. ودا هيبان من خلال رفع العربية والكشف عليها في البنزينة والافضل سمكري شاطر.
4. انت بنظرتك للعربية وركوبك ليها وشكل وحالة الصالون تقدر تحكم العبية دي هلكانة وللا كويسة واستخدام صاحبها ليها كان ازاي كان مهمل وللا بيركب بنضافة ودي انت اللي تقدر تحسها وتحكم عليها لما تركب وتشوف الصالون كويس وللا مقطع او معفن مش نضيف وهكذا.
5. حط في دماغك كويس انك بتشتري مستعمل مش جديد يعني اكيد هتحتاج مصاريف اقلها الصيانة الدورية. العربية دي عبارة عن ماكينة متحركة وطبيعي بتحتاج صيانة .. والعربية لو واقفة مش بتدور لمدة طويلة دا مش ميزة .. دا عيب لأن معظم الأجزاء الكاوتش في العفشة وقطع تغذية الموتور والبلاستيك بيكون نشف من الركنة.. غير طبعا الزيوت اللي لازم كلها تتغير بسبب ركودها وترسيبها.
نصيحة.. لو قابلتك حالة نضيفة متستخسرش فيها لو مطلوب بزيادة شوية لأن دي بتبقي حاجات لقطة وهتريحك من مصاريف اكتر وراها.
وانا رأيي بعد ما غيرت كذا عربية ليا ولأصدقائي.. العربية اللي ماشية وواقفة علي حيلها وصاحبها نزيه وبيصينها حتي لو ماشية كتير احسن من العربية المركونة المتهانة او اللي صاحبها غشيم ومش بيراعيها.
وللأسف سوق المستعمل في مصر ليه مقاييس غريبة بتعتمد اكتر علي انك عامل حسابك انك هتشتري عربية (مشمومة) وفيها مصيبة .. احسن حل للنقطة دي ان الواحد لو شاكك بقي يبقي يشتري جديد ويريح دماغه.
وفي الاخر موضوع المستعمل دا توفيق من ربنا .. وربنا يباركلك في اللي هتجيبه

بصراحه كلام وافي وشامل ولا غبار عليه

[kantofanto]

هو حضرتك لو ناوى تبيع تانى يفضل تشترى لانوس لانها عربية بياعة و حمارة شغل ، اما لو حضرتك بتدور على امكانيات و ركوبة حلوة ابقى هات اسبرانزا a516 بس طبعاً اهم حاجة حالتها تكون كويسة زى ماقال الاستاذ الفاضل drmedo82

[mahmoud talaiy]

ياباشا متشكر جدا علي النصيحة
وياريت نتعرف بجد مادام احنا جيران
الكاوتش لسه جديد العربية مشيت بيها 15الف كيلو
وان شاء الله العربية بعد ماتفرجت عليها اقتنعت بيها اكتر هيا كل اللي عايزاه
بطارية جديدة علي حساب البائع
جوز مساعدين علي حساب البائع
ونزلت السعر الي 42000ج
والصالون كويس من جوه