Tweet
السلام عليكم اخوانى الكرام
اتمنى تكونوا قضيتوا اجازة عيد سعيدة .. اعاد الله عليكم الاعياد بالخير واليمن والبركات
من فترة وحصل ان العربية بطلت وانا على الهادى كده بركن مثلا او لسه بتحرك بيها .. الموضوع اتكرر مرتين في يوم ومرة بعدها بكام يوم واحترمت نفسها فترة وبعدين من كام يوم لما كنت فى الساحل عملتها مرة وبالليل طلعت على بورتو مارينا وانا جاى طالع الجراج واقف بدفع تذكرة الباركينج بطلت بردو وعشان كان ورايا قطيع طويل من العربيات احتاست وقومت مدور تانى علاطول مدارتش دورت تانى مدارتش (الطبيعى ان لما الحركة دى بتحصل بستنى 10 ثوانى كده بعدين ادور تدور) المهم استوعبت كده قومت مطلع ايدى بعتذر للى ورايا وفهتهم ان العربية بطلت المهم دارت اخر مرة .. قضيت سهرتى وراجع عالجراج بدور العربية دارت عادى لكن لمبة التشيك (لمبة الموتور الصفرا) فضلت منورة .. بطلت ودورت نفس الحكاية .. تانى يوم الصبح بدور بردو نفس الحكاية .. تالت يوم اتكلت على الله وفى طريقى للعودة وهى منورة طول الطريق والحمد لله ربنا سلم ووصلت بالسلامة.
الغريب ان مفيش اى عيب انا حاسس بيه فى العربية خالص ومفيش اى لمبة تانية منورة ومفيش فعلا اى خلل محسوس وده شىء مطمنى بس هتجنن واعرف ليه منورة وخايف بصراحة يكون فيه حاجة ورا اللمبة دى وانا مش عارف ايه هى وممكن تأثر على العربية.
ممكن تفيدونى بارائكم ممكن يكون ايه السبب وايه الحل؟
اتمنى تكونوا قضيتوا اجازة عيد سعيدة .. اعاد الله عليكم الاعياد بالخير واليمن والبركات
من فترة وحصل ان العربية بطلت وانا على الهادى كده بركن مثلا او لسه بتحرك بيها .. الموضوع اتكرر مرتين في يوم ومرة بعدها بكام يوم واحترمت نفسها فترة وبعدين من كام يوم لما كنت فى الساحل عملتها مرة وبالليل طلعت على بورتو مارينا وانا جاى طالع الجراج واقف بدفع تذكرة الباركينج بطلت بردو وعشان كان ورايا قطيع طويل من العربيات احتاست وقومت مدور تانى علاطول مدارتش دورت تانى مدارتش (الطبيعى ان لما الحركة دى بتحصل بستنى 10 ثوانى كده بعدين ادور تدور) المهم استوعبت كده قومت مطلع ايدى بعتذر للى ورايا وفهتهم ان العربية بطلت المهم دارت اخر مرة .. قضيت سهرتى وراجع عالجراج بدور العربية دارت عادى لكن لمبة التشيك (لمبة الموتور الصفرا) فضلت منورة .. بطلت ودورت نفس الحكاية .. تانى يوم الصبح بدور بردو نفس الحكاية .. تالت يوم اتكلت على الله وفى طريقى للعودة وهى منورة طول الطريق والحمد لله ربنا سلم ووصلت بالسلامة.
الغريب ان مفيش اى عيب انا حاسس بيه فى العربية خالص ومفيش اى لمبة تانية منورة ومفيش فعلا اى خلل محسوس وده شىء مطمنى بس هتجنن واعرف ليه منورة وخايف بصراحة يكون فيه حاجة ورا اللمبة دى وانا مش عارف ايه هى وممكن تأثر على العربية.
ممكن تفيدونى بارائكم ممكن يكون ايه السبب وايه الحل؟
Comment