ضمان الانفي الخمس سنوات نصب × نصب

[mido_z1977]

:: السلام عليكم ورحمة الله وبركاته

رفض ابو الفتوح تغيير المساعد الامامي يمين بسبب مرور سنه من استلامي العربية
مع العلم مفيش اي بند في كتاب الضمان بيقول ان المساعد ضمانه سنه واحدة
طب فين الخمس سنين ضمان

انا والله ممكن اغيرو على حسابي بس مش بحب يضحك عليا.
انا مغير المساعد الشمال على حسابي علشان كنت انا السبب ومتكلمتش ودفعت

هوا ممكن جهاز حماية المستهلك يعمل حاجة ولا كلام في الهوا....

[dedi]

اكيد يا باشا لا ضاع حق وراءة مطالب ودة حقك
وبعدين فى استهبال الوكلاء

[Omar Mahmoud]

مش عايز احبطك بس كل التوكيلات زي الزفت
و حماية المستهلك اشتكي عنده

[midooo_119]

ال5 سنين هتلاقيه عالموتور و الفتيس اما الباقى فكل جزء له مده ضمان مختلفه .. هما بيضحكوا علينا بالكلام

[A.Adel]

كل الشركات كده

كيا و هيونداي نفس الكلام

ضمان ال 5 سنين بيبقى على الفتيس والموتور فقط

[cobrahi]

و لا يهمك يا محمد اعمل شكوى ضد التوكيل ف حمايه المستهلك و انا متضامن معاك ف اى حاجه ممكن تحتجها منى

[hugan]

كل التوكيلات كده
انا شخصيا باخرج من الضمان بدري بدري
باوفر فلوس الصيانه الفرديه مالهاش لازمه واي شغل اعمله في العربيه

[M I D O]

5 سنين موتور و فتيس بس و المساعدين المفروض ضمانها سنة او 20 الف كيلو ايهما اقرب

[drmedo82]

ما اعتقدش ان التوكيلات بره مصر بيعاملوا العملاء بتوعهم بالشكل ده

[mido_z1977]

أسف علي التأخير

انا دايما شكوتي في كل صيانه هي الرزع بتاع العفشة ولوكنت اعرف ان المساعد ضمانه سنه كنت كبرت الموضوع من زمان بس طبعا المهندس يطلع يجرب العربية ويرجع يقول العربيه زي الفل ويحسسك انك مش بتفهم في العربية وان العربية من مواصفتها ان العفشه نشفه وممكن ترزع شوية عادي.
وبعدين انا فاكر طريقة الكشف على المساعد بطريقة اصحاب الورش انه بيحط ايده على كل جنب في العربية ويضغط لتحت ويحس بطلوع المساعد وبيعرف امتى يكون بايظ . لاكن في مراكز الصيانة الباشا يطلع يسوق ويلف شوية ويرجع تاني .

وعموما انا بفكر اغير المساعدين بس لانسر واريح دماغي
والحمد لله على كدا .
وشكرا للجميع

[mido_z1977]

5 سنين موتور و فتيس بس و المساعدين المفروض ضمانها سنة او 20 الف كيلو ايهما اقرب

اعرف الكلام دا منين مش المفروض يكون في كتاب الضمان انا فتحت الكتاب مش لاقي كدا خالص .

[mido_z1977]

و لا يهمك يا محمد اعمل شكوى ضد التوكيل ف حمايه المستهلك و انا متضامن معاك ف اى حاجه ممكن تحتجها منى

شكرا يا رامي . اهلا بيك في مصر

هتصل بيك عشان اسال على حد بتاع عفشة كويس

[cobrahi]

شكرا يا رامي . اهلا بيك في مصر

هتصل بيك عشان اسال على حد بتاع عفشة كويس

حلوة اهلا بيك ف مصر دى ههههههههههههههههه
حبيبى يا محمد باشاااااا هنتظر اتصالك و اهوديك تعمل العفشة نمرة واحد حاجه و لا ف الخيال و الله و هتشوف بنفسك .. و لا تزعل نفسك