تجربة شراء والسفر بسبرانزا إنفي 2014 التقفيل المصري

[ARKOON]

السلام عليكم ورحمة الله وبركاته

الحمد لله ربنا كرمني واشتريت سبرانزا إنفي 2014 التقفيل المصري من معرض الطارق في سبورتنج - الإسكندرية , في الأول لفيت على كذا معرض والعربية كانت غير متوفرة والموجود الصيني الفئة LS فاضية وبنفس سعر المصري , فمندوب الطارق قالي هوفرلك النسخة المصرية باللون اللي انت عايزه خلال 3 أيام عشان هيبعت يجيبها من فرع القاهرة , دفعت ألف جنيه حجز ورجعت فعلا بعد 4 أيام العربية كانت موجودة باللون المطلوب .

Speranza Envy 2014
Black Color
77,000 LE

متهيألي وصف ومميزات السيارة تم التحدث عنه في أكثر من موضوع والمقالات مغرقة النت , لذلك سأركز في الموضوع على ملاحظاتي وانطباعي عن السيارة بكل حيادية .


* ملاحظاتي عند الاستلام (( الحلو ما يكملش للأسف )) :-
صحيح الطارق التزموا بكلمتهم وجابوا العربية في الوقت المتفق عليه وبنفس سعر التوكيل لكن....

• لمبة Check Engine كانت مضاءة لأن فيشة السرعة وكمبيوتر الرحلات كانت مفصولة , مع إنهم أنكروا نقل السيارة سفراً وأكدوا استخدامهم لكساحة نقل , لكن الواقع غير ذلك ووقت الاستلام كان متأخر وماكنش فيه وقت أروح توكيل اسبرانزا يركبوها , غير إني كان لازم أسافر في نفس اليوم.

• كان فيه خبطة بسيطة لا تذكر أسفل باب السائق لكن الحمد لله كان معايا أحد الأصدقاء لاحظها ومندوب الطارق ضرب لخمة هو وكل الواقفين من العاملين بالمعرض , لكن عديتها وما حبيتش أعملها مشكلة خصوصا انها مش باينة
• كتالوج العربية وكتيب الضمان على كلامهم هستلمهم مع ورق العربية للترخيص , الكلام دا مضبوط !؟
  

• العربية كانت شبه مردومة من برا وجوا وواضح جدا انهم مخزنين العربية وناويين يعطشوا السوق ويرفعوا من سعر العربية . ((( بالمناسبة العربية بدأت تبيع فعلا وتظهر في الشارع خصوصا سعرها تنافسي جدا بالنسبة لحجمها وإمكانياتها)))

فبالتالي استلمت العربية بعداد سرعة متوقف وكذلك كمبيوتر الرحلات وآخر قراءة للعداد 70كم واضطريت اسافر بالوضع دا.

---------------------------------------------------

بداية الرحلة وتجربة السيارة في مشوار لمرسى مطروح 300كم

العربية كان فيها حوالي 15 لتر بنزين , توجهت لمحطة إمارات مصر الموجودة بمحرم بيك بعد الموقف الجديد وفولت التانك , ضبطت ضغط العجل نيتروجين , قرأت دعاء السفر وبدأت الرحلة

• صاج العربية والدهان الخارجي الحمد لله ممتازين وجودة التقفيل عموما مستواها كويس ولا توجد فروقات ملحوظة بينها وبين التقفيل الصيني.
  

• سحب العربية ما شاء الله تبارك الله ممتاز حتى مع تشغييل التكييف (ماتور 1500) .

• صوت الماتور كان ناعم في البداية لكن بدأ صوته يعلي بعد 200كم مع سخونة ملحوظة عند لمس الكابوت استمر الموضوع 3 أيام تقريبا وبعدها بدأ يقل تدريجيا وحاليا معقول بلاحظ السخونة عند الشبكة الأمامية فقط (دون تدخل)

• الكنبة الخلفية مريحة تتسع 3 أفراد مرتاحين بشرط ما يكونوش طوال عشان السقف في الخلف منخفض بعض الشيء (هو تصميم العربية aerodynamics كدا ) لكن المسافة بين الكنبة والكراسي الأمامية جيدة جدا , إنما الكراسي الأمامية ناشفة وغير مريحة حتى بعد تعديل وضعيتها (جايز عشان أنا طويل ) .

• ارتفاع السيارة عن الأرض ممتاز (لم أجرب في حالة الحمولة الكاملة لكن أتوقع سيكون معقول).

• الأضواء الداخلية للتابلوه مريحة وواضحة وكذلك الأضواء الخارجية والـ fog light

• أعجبني بجد في الإنفي تعدد أماكن التخزين واستغلال كل مساحة في الأبواب والكنسول
• إمكانيات العربية جيدة من وجود Parking sensor وجودة CD Player\USB لكن بسماعتين فقط , بس يظل الصوت معقول .
  

• لاحظت وجود تخبيط في العفشة الخلفية مع المطبات وصوت 'تزييق' أعتقد لأن السيارة مازالت في فترة التليين (تم التأكد من ضبط ضغط الإطارات) .

• الفرامل ضعيفة ولمبة ABS منورة في التابلوه , حتى الـhandbreak مش قوية بشكل كافي , مش عارف المشكلة فردية ولا ظهرت مع حد تاني!
• صالون العربية واسع وينقصها إضاءة خلفية , بس العربية موفرين فيها بطريقة رهيبة عشان تنزل بالسعر ده حتى الـairbags شالوه

بما إن كمبيوتر الرحلات مفصول , وأنا مش بتحرك كتير العربية (لحين ترخيصها) فمش هعرف أحسب الاستهلاك الفعلي للبنزين .

---------------------------------------------------

إن شاء الله بمجرد انهاء الترخيص هروح مركز الخدمة يشوفوا حل للملاحظات دي , لكن المجمل السيارة ممتازة جدا وتستحق سعرها (Value for money) واختيار موفق الحمد لله , ربنا يحفظلنا سيارتنا ويرزق كل واحد السيارة اللي نفسه فيها

أعتذر عن الإطالة والسلام عليكم ورحمة الله وبركاته

[EngAhmedSakr]

مبرووووووووك
الرضــا سر السعادة .. صحيح فيه بعض الملاحظات السيئه جدا من طرف المعرض وكان لازم تحاسبهم بخصوصها .. إنما المهم إنك راضي ومبسوط إجمالا
ربنا يديك خيرها ويكفيك شرها
أتمنالك كل التوفيق والسداد
تحياتي

[DODGE2013]

كان المفروض متستلمهاش وتاخد تخفيض بالميت على الي فيها خبطه وعادي موضوع ان العداد مفصول

بس كان المفروض تاخدها حجه بردوا يعني هوا بيوفر تمن الكساحه على قفاك والله اعلم الي كان سايق العربيه

كان ماشي بيها ازاي اكيد كان مقفل العداد ويمكن صوت التزيق والتخبيط من ورا ده بسبب الكام حفره الي لبس فيها وهوا جايبها من القاهره لاسكندريه وتلاقيه كان مشغل التكيف على الاخر ومقفل العداد للأسف ده حال

اغلب العرببيات الجديده بتتنقل بالشكل ده بس طالما انت قفشت الموضوع فا كان المفروض تستفيد وتاخد تخفبيض بالميت تاخدها ب 74 الف مش عايز سيبهاله

وسمعت ان بيجي معاها هديه شماسه ودواسات وغطا للسيارة

عموما الف مبروك وربنا يديك خيرها ويكفيك شرها

[Abo.Moazz]

مبروك عليك العربية وربنا يديم سعادتك بيها
بس إنتالمفروض كنت تضغط شوية على المعرض علشان يعملك أى خصم علشان الخبطة وشوية العيوب اللى فيها حتى ولو 500 جنيه إنت أولى بيهم

[Moe Khodairy]

الف مبروك يا باشا وربنا يكفيك شرها و يباركلك فيها، انا بتفق مع الشباب في قصة انك كان لازم تقفش بس يلا حصل خير.
انا هشتري اليومين دول و اتفرجت على byd l3 الجديدة و كنت قبلها شفت الامجراند بس صرفت نظر عنها لكثرة الشكوى من ناس كتير و لسه هنزل اشوف الانفي و اقارن بينها و byd

[drmedo82]

الف مبروك ياباشا وربنا يديلك خيرها ويكفيك شرها

[cobrahi]

السلام عليكم ورحمة الله وبركاته

الحمد لله ربنا كرمني واشتريت سبرانزا إنفي 2014 التقفيل المصري من معرض الطارق في سبورتنج - الإسكندرية , في الأول لفيت على كذا معرض والعربية كانت غير متوفرة والموجود الصيني الفئة LS فاضية وبنفس سعر المصري , فمندوب الطارق قالي هوفرلك النسخة المصرية باللون اللي انت عايزه خلال 3 أيام عشان هيبعت يجيبها من فرع القاهرة , دفعت ألف جنيه حجز ورجعت فعلا بعد 4 أيام العربية كانت موجودة باللون المطلوب .

Speranza Envy 2014
Black Color
77,000 LE

متهيألي وصف ومميزات السيارة تم التحدث عنه في أكثر من موضوع والمقالات مغرقة النت , لذلك سأركز في الموضوع على ملاحظاتي وانطباعي عن السيارة بكل حيادية .


* ملاحظاتي عند الاستلام (( الحلو ما يكملش للأسف )) :-
صحيح الطارق التزموا بكلمتهم وجابوا العربية في الوقت المتفق عليه وبنفس سعر التوكيل لكن....

• لمبة Check Engine كانت مضاءة لأن فيشة السرعة وكمبيوتر الرحلات كانت مفصولة , مع إنهم أنكروا نقل السيارة سفراً وأكدوا استخدامهم لكساحة نقل , لكن الواقع غير ذلك ووقت الاستلام كان متأخر وماكنش فيه وقت أروح توكيل اسبرانزا يركبوها , غير إني كان لازم أسافر في نفس اليوم.

• كان فيه خبطة بسيطة لا تذكر أسفل باب السائق لكن الحمد لله كان معايا أحد الأصدقاء لاحظها ومندوب الطارق ضرب لخمة هو وكل الواقفين من العاملين بالمعرض , لكن عديتها وما حبيتش أعملها مشكلة خصوصا انها مش باينة
• كتالوج العربية وكتيب الضمان على كلامهم هستلمهم مع ورق العربية للترخيص , الكلام دا مضبوط !؟
  
  لاء مش مضبوط مانول السيارة و ضمان الكاسيت بتاخدة عند استلام السيارة من المعرض و بعد الترخيص بياخدو صورة البطاقه و الرخصه و يبعتوها للتوكيل علشان دفتر الصيانه يتبعتلك
  
  

• العربية كانت شبه مردومة من برا وجوا وواضح جدا انهم مخزنين العربية وناويين يعطشوا السوق ويرفعوا من سعر العربية . ((( بالمناسبة العربية بدأت تبيع فعلا وتظهر في الشارع خصوصا سعرها تنافسي جدا بالنسبة لحجمها وإمكانياتها)))

فبالتالي استلمت العربية بعداد سرعة متوقف وكذلك كمبيوتر الرحلات وآخر قراءة للعداد 70كم واضطريت اسافر بالوضع دا.

---------------------------------------------------

بداية الرحلة وتجربة السيارة في مشوار لمرسى مطروح 300كم

العربية كان فيها حوالي 15 لتر بنزين , توجهت لمحطة إمارات مصر الموجودة بمحرم بيك بعد الموقف الجديد وفولت التانك , ضبطت ضغط العجل نيتروجين , قرأت دعاء السفر وبدأت الرحلة

• صاج العربية والدهان الخارجي الحمد لله ممتازين وجودة التقفيل عموما مستواها كويس ولا توجد فروقات ملحوظة بينها وبين التقفيل الصيني.
  
  كلام سليم ميه ف الميه
  
  

• سحب العربية ما شاء الله تبارك الله ممتاز حتى مع تشغييل التكييف (ماتور 1500)
  
  كان المفروض تنتظر شويه ع الاقل علشان السيارة ف مرحله التليين مع ان كل السيارات دلوقتى بتنزل متلينه تفادى لاى خطأ من المستخدمين .

• صوت الماتور كان ناعم في البداية لكن بدأ صوته يعلي بعد 200كم مع سخونة ملحوظة عند لمس الكابوت استمر الموضوع 3 أيام تقريبا وبعدها بدأ يقل تدريجيا وحاليا معقول بلاحظ السخونة عند الشبكة الأمامية فقط (دون تدخل)
  
  العادى بتاع السيارة و الى انا لاحظته و انا عامل لغايت دلوقتى 670 كيلو ان الكبوت مش بيسخن علشان وجود غطاء عازل بالكبوت لكن تقدر تحس السخنيه من الرفرفين الاماميين لو وضعت ايدك و سخنيه لا تذكر لو وضعت ايدك امام شبكه السيارة و حاولت متعديش ف الار بى ام عن ال 2 و انت فى مرحله ما قبل ال 1000 كيلو

• الكنبة الخلفية مريحة تتسع 3 أفراد مرتاحين بشرط ما يكونوش طوال عشان السقف في الخلف منخفض بعض الشيء (هو تصميم العربية aerodynamics كدا ) لكن المسافة بين الكنبة والكراسي الأمامية جيدة جدا , إنما الكراسي الأمامية ناشفة وغير مريحة حتى بعد تعديل وضعيتها (جايز عشان أنا طويل
  
  ع فكرة انا كمان طويل و الكرسى الامامى مريح و السقف عالى حتى كمان الكرسى الخلفى الجلوس فيه مريح حتى للطوال و انا جلست فيه انا طولى 182 سم ) .

• [FONT=Tahoma] ارتفاع السيارة عن الأرض ممتاز (لم أجرب في حالة الحمولة الكاملة لكن أتوقع سيكون معقول).
  
  لاء و حتى ف الحموله و ركوب اكتر من 3 افراد السيارة عاليه عن الارض ماشاء الله وانا جربتها و الطلوع فوق المطبات مريح مفيش اى حكه من تحت[/FONT]

• الأضواء الداخلية للتابلوه مريحة وواضحة وكذلك الأضواء الخارجية والـ fog light

• أعجبني بجد في الإنفي تعدد أماكن التخزين واستغلال كل مساحة في الأبواب والكنسول
• إمكانيات العربية جيدة من وجود Parking sensor وجودة CD Player\USB لكن بسماعتين فقط , بس يظل الصوت معقول .
  
  فعلا مشكله كبير موضوع السماعتين بس الى ف السيارة و انا هسالهم باذن الله ف الصيانه لو ينفع اقص ف الكوبيستا الخلفيه و اركب اربع سماعات او سامعتين ع الاقل و لا لاء
  

• لاحظت وجود تخبيط في العفشة الخلفية مع المطبات وصوت 'تزييق' أعتقد لأن السيارة مازالت في فترة التليين (تم التأكد من ضبط ضغط الإطارات) .
  
  فعلا ف تخبيط و ترزيع ف العفشه الخلفيه و الاماميه بطريقه رهيبه و فرامل اليد ضعيفه جدا هشوف كل دة ف الصيانه باذن الله

• الفرامل ضعيفة ولمبة ABS منورة في التابلوه , حتى الـhandbreak مش قوية بشكل كافي , مش عارف المشكلة فردية ولا ظهرت مع حد تاني!
  
  فرامل اليد فعلا ضعيفه جدا و لازم تضبط ف الصيانه اما موضوع نور ال ABS منور دة حاجه ميتسكتش عليها و لازم تتصل بيهم ف الصيانه ضرورى
• صالون العربية واسع وينقصها إضاءة خلفية , بس العربية موفرين فيها بطريقة رهيبة عشان تنزل بالسعر ده حتى الـairbags شالوه
  
  فعلا شالو الاير باج لكن حاطو مكانه ف التقفيل المحلى الزجاج الاسود و دى ميزة متنسهاش و عندى بصراحه افضل من الاير باج

بما إن كمبيوتر الرحلات مفصول , وأنا مش بتحرك كتير العربية (لحين ترخيصها) فمش هعرف أحسب الاستهلاك الفعلي للبنزين .

---------------------------------------------------

إن شاء الله بمجرد انهاء الترخيص هروح مركز الخدمة يشوفوا حل للملاحظات دي , لكن المجمل السيارة ممتازة جدا وتستحق سعرها (Value for money) واختيار موفق الحمد لله , ربنا يحفظلنا سيارتنا ويرزق كل واحد السيارة اللي نفسه فيها

أعتذر عن الإطالة والسلام عليكم ورحمة الله وبركاته

و عليكم السلام و رحمه الله و بركاته .. و الف مليون مبروك عليك السيارة و ربنا يعطيك خيرها و يكفيك شرها و مبروك ع اللون الاسود

[hugan]

1000 مبروك ربنا يبارك لك فيها ويملائها لك بركه
شيري
عربيات رائعه وقويه وكل اللي تتمناه من عربيه موجود فيها

[cobrahi]

كان المفروض متستلمهاش وتاخد تخفيض بالميت على الي فيها خبطه وعادي موضوع ان العداد مفصول

بس كان المفروض تاخدها حجه بردوا يعني هوا بيوفر تمن الكساحه على قفاك والله اعلم الي كان سايق العربيه

كان ماشي بيها ازاي اكيد كان مقفل العداد ويمكن صوت التزيق والتخبيط من ورا ده بسبب الكام حفره الي لبس فيها وهوا جايبها من القاهره لاسكندريه وتلاقيه كان مشغل التكيف على الاخر ومقفل العداد للأسف ده حال

اغلب العرببيات الجديده بتتنقل بالشكل ده بس طالما انت قفشت الموضوع فا كان المفروض تستفيد وتاخد تخفبيض بالميت تاخدها ب 74 الف مش عايز سيبهاله

وسمعت ان بيجي معاها هديه شماسه ودواسات وغطا للسيارة

عموما الف مبروك وربنا يديك خيرها ويكفيك شرها

يا اخى خليك محضر خير الراجل لسه شارى السيارة و ملحقش يفرح بيها هههههههههههههههههههههههه حرام عليك
فعلا كلامك صح بس مش بيقفل العداد بس ممكن يجرى شويه بيها و بعدين الطريق من مصر للاسكندريه كويس نوعا ما و اغلب المعارض بتفصل العدادات و دة اكبر غلط لان المفروض ان زيت التيست ينزل نظيف و ميمشيش اكتر من الف كيلو و لما حضرته يفصل العداد متقدر تحسب الالف كيلو و الزيت اكيد هيعدى الالف و ينزل زفت
انا اشتريت السيارة و جيتلى عامله 270 كيلو ع الرغم انه جايبها ع كساحه و لما سالته قالى انها من معرض فعلا بالسويس و اكيد المسافه بين السويس و مصر تعمل الكيلوات دى و عموما انا مزعلتش كتير لانه ترك العداد شغال علشان اعرف عدد الكيلوات الى مشتها السيارة

السيارة مينزلش معها اى هدايا للاسف

[cobrahi]

الف مبروك يا باشا وربنا يكفيك شرها و يباركلك فيها، انا بتفق مع الشباب في قصة انك كان لازم تقفش بس يلا حصل خير.
انا هشتري اليومين دول و اتفرجت على byd l3 الجديدة و كنت قبلها شفت الامجراند بس صرفت نظر عنها لكثرة الشكوى من ناس كتير و لسه هنزل اشوف الانفي و اقارن بينها و byd

الف مبروك مقدما و ربنا يوفقك الى مافيه الخير لحضرتك

[Moe Khodairy]

الف مبروك مقدما و ربنا يوفقك الى مافيه الخير لحضرتك

الله يبارك فيك و شكرا لذوقك :)

[ARKOON]

مبرووووووووك
الرضــا سر السعادة .. صحيح فيه بعض الملاحظات السيئه جدا من طرف المعرض وكان لازم تحاسبهم بخصوصها .. إنما المهم إنك راضي ومبسوط إجمالا
ربنا يديك خيرها ويكفيك شرها
أتمنالك كل التوفيق والسداد
تحياتي

كان المفروض متستلمهاش وتاخد تخفيض بالميت على الي فيها خبطه وعادي موضوع ان العداد مفصول

بس كان المفروض تاخدها حجه بردوا يعني هوا بيوفر تمن الكساحه على قفاك والله اعلم الي كان سايق العربيه

كان ماشي بيها ازاي اكيد كان مقفل العداد ويمكن صوت التزيق والتخبيط من ورا ده بسبب الكام حفره الي لبس فيها وهوا جايبها من القاهره لاسكندريه وتلاقيه كان مشغل التكيف على الاخر ومقفل العداد للأسف ده حال

اغلب العرببيات الجديده بتتنقل بالشكل ده بس طالما انت قفشت الموضوع فا كان المفروض تستفيد وتاخد تخفبيض بالميت تاخدها ب 74 الف مش عايز سيبهاله

وسمعت ان بيجي معاها هديه شماسه ودواسات وغطا للسيارة

عموما الف مبروك وربنا يديك خيرها ويكفيك شرها

مبروك عليك العربية وربنا يديم سعادتك بيها
بس إنتالمفروض كنت تضغط شوية على المعرض علشان يعملك أى خصم علشان الخبطة وشوية العيوب اللى فيها حتى ولو 500 جنيه إنت أولى بيهم

الله يحفظكم ويبارك فيكم , وأنا متفق معكم بخصوص الحركة اللي عملها الطارق مش ظريفة نهائياً من فصل العداد ونقل السيارة سفراً وأخيراً خبطة الباب وكان مفروض استغل الملاحظات دي وأطلع منهم بأي مصلحة

وطبعا كان من حقي ارفض استلام السيارة لكن هضطر وقتها الانتظار مرة أخرى ويا عالم هيجيبوا العربية بعد كام يوم والتحرك من غير العربية صعب بصراحة

عموما الخبطة بسيطة الحمد لله ماحدش يلاحظها غير اللي يدقق فيها والحمد لله على كل حال.

العربية مش بيجي معاها أي حاجة إضافية ومعرض الطارق بخلاء لأبعد حدود مافيش غير دواسات ورق حطوها للعربية

شكراًَ لكم جميعا على ردودكم .

[ARKOON]

الف مبروك يا باشا وربنا يكفيك شرها و يباركلك فيها، انا بتفق مع الشباب في قصة انك كان لازم تقفش بس يلا حصل خير.
انا هشتري اليومين دول و اتفرجت على byd l3 الجديدة و كنت قبلها شفت الامجراند بس صرفت نظر عنها لكثرة الشكوى من ناس كتير و لسه هنزل اشوف الانفي و اقارن بينها و byd

الله يكرمك ويبارك فيك , الحمد لله حصل خير

الـ L3 شفتلها صور وفيديو بردو محترمة جدا وشكل ما شاء الله منتهي الفخامة وتجهيزاتها فوق ممتازة. يكفي أن السيارة بتكنولوجيا يابانية وجميع وسائل الأمان متوفرة بجانب الشكل الخارجي الجذاب , ميزة كمان انها هتنزل أوتوماتيك ودي مش موجودة في سيارات سبرانزا حتى الآن.

اللي منعني من التفكير فيها عدم انتشارها في الاسكندرية لدرجة انها موجودة لدى توكيل الأمل فقط وأحيانا لدى المصرية بجانب سعرها كان يفوق ميزانيتي وأنا ماحبيتش أستنى أكتر (تفرق عن الإنفي بـ10 آلاف تقريبا) .

حضرتك الأفضل تنزل تعاين الاتنين بنفسك على أرض الواقع وتشوف هترتاح لمين أكتر وتبقى شايف ان السيارة تستاهل السعر اللي هيدفع فيها. ربنا يوفقك للاختيار الأفضل. ومبروك مقدما :))

الف مبروك ياباشا وربنا يديلك خيرها ويكفيك شرها

الله يحفظك ويبارك فيك , شكراً لك على دعواتك لك بالمثل إن شاء الله .

[ARKOON]

1000 مبروك ربنا يبارك لك فيها ويملائها لك بركه
شيري
عربيات رائعه وقويه وكل اللي تتمناه من عربيه موجود فيها

الله يكرمك ويبارك فيك , كلام حضرتك سليم 100% والحمد لله الاختيار كان موفق.

[ARKOON]

يا اخى خليك محضر خير الراجل لسه شارى السيارة و ملحقش يفرح بيها هههههههههههههههههههههههه حرام عليك
فعلا كلامك صح بس مش بيقفل العداد بس ممكن يجرى شويه بيها و بعدين الطريق من مصر للاسكندريه كويس نوعا ما و اغلب المعارض بتفصل العدادات و دة اكبر غلط لان المفروض ان زيت التيست ينزل نظيف و ميمشيش اكتر من الف كيلو و لما حضرته يفصل العداد متقدر تحسب الالف كيلو و الزيت اكيد هيعدى الالف و ينزل زفت
انا اشتريت السيارة و جيتلى عامله 270 كيلو ع الرغم انه جايبها ع كساحه و لما سالته قالى انها من معرض فعلا بالسويس و اكيد المسافه بين السويس و مصر تعمل الكيلوات دى و عموما انا مزعلتش كتير لانه ترك العداد شغال علشان اعرف عدد الكيلوات الى مشتها السيارة

السيارة مينزلش معها اى هدايا للاسف

رامي باشا نورت الموضوع , ألف شكر على ردك وملاحظاتك . ربنا يكرمك ويبارك فيك

- بالفعل استلمت ضمان الكاسيت لكن مانوال السيارة لسه , إن شاء الله هتواصل مع الطارق أشوف الوضع ايه.
- موضوع العداد المفصول قفلني وقلت اكيد اللي جاب العربية من القاهرة عمل السليمة فما بقتش فارقة وجريت براحتي بس متوسط السرعة تقريبا 130كم/س (من حساب المسافة والزمن )
- فعلا جربت العربية بحمولة كاملة والحمد لله الارتفاع مناسب لشوارع المحروسة .
- السخونة شايف انها طبيعية حاليا والغيارات في رينج 2.5 هحاول أقللها لـ2 .
- موضوع الكراسي الأمامية مش عارف أضبطها خالص خصوصا للكرسي بجوار السائق , لكن بدأت أتأقلم مع الوقت.
- بما إنك هتروح الصيانة قبلي فياريت لو تكرمت تشوف موضوع السماعات لو بتركب عند التوكيل وتكلفتها كام.
- المشكلة اللي متفقين فيها ترزيع العفشة وضعف الفرامل , ربنا يستر ويكون ليها حل في أول صيانة.

شكراً مرة تانية وسعيد جدا بانضمامي لملاك الإنفي
(ربنا يحفظها ويديمها نعمة ويحفظها من زوال)