تيجو ولا جيلى ايمى جراند كسر زيرو

[fido2121]

انا محتار معايا 70 الف والعربيات المحترمه فالمستعمل كلها معديا ال 80
قلت اركب صينى الكل نصحنى بالجيلى الايمى جراند واسعه لقتها فكسر الزيرو كويسه
واحد معايا قلى فكر فالتيجو 1600 مناسبه وكويسه
لقيت ان سعر ال 2009 و 2010 يعمل من حوال 65 الى 75 حسب الحاله
الى ماشيه 60 ك والى 90 والى 110 ك
حد قالى الصينى متركبوش اكتر من 100 ك .. بمعنى اصح صاحبها خد خيرها وهيباعها والبس انت
العربيه
انا مش عارف تنصحونى بأيه
واخبار قطع غيارهم ايه

[mhkorayem]

راي الشخصي لا دي ولا دي
ممكن تشوف فيرنا او لوجان افضل

[دكتور خالد]

التيجو عربية كويسة واللى راكبها مبسوط بيها و قطع غيارها رخيصة -- الجيلى انتشرت كتير وشكلها جميل و اشتغلت تاكسى و ده معناه انها كويسة برضه بس بعض الملاك كانوا اشتكوا من وجود صدا داخل الابواب و اشتكوا غبور ومعرفش المشكلة اتحلت ولا ايه النظام

[fido2121]

بعد تحليلات كثير من المنتدى
استنتجت ان الصينى مشكلته تنحصر
فالتقفيل المصرى
واعاده البيع
واغلب مشاكلها هى مشاكل الكورى اذا توافرت قطع الغيار
مش عارف انا صح ولا غلط
بس على ان اتحمل النتائح اذا اخترت الصينى
فمكشله اعاده البيع تحديدا

[دكتور خالد]

مش كل الاسبيرانزا تقفيل مصرى -- موجود منها تقفيل صينى -- اعادة البيع فى الصينى مشكلة فى الزيرو فقط لكن بعد كده سعرها بيثبت او يقل حاجة بسيطة على حسب سنة الصنع والكيلو مترات و الحالة طبعا - زى اى ماركة تانية باستسثناء التويوتا طبعا اللى عامله زى الدهب و كمان الانسر - لكن فعلا الصينى خسارتها كتير لو جايبها زيرو اكتر من الماركات التانية

[Sameh samy]

في رايي العربيات درجات والفرق بين الكوري والصيني هو الفرق بين الياباني والكوري
يعني ترتيب العربيات الماني ياباني كوري صيني والفروق دايما هتلاقوها كالتالي
كل ما العربية تعلي هتلاقي قطع غيار اغلي بس عمرها الافتراضي اكبر والموضوع موش موش مشكلة الا في عمر محرك العربية الافتراضي
الفروق دايما واضحة ماعدا بين الياباني و الالماني لية بقي؟؟؟
الياباني يتفوق عن الالماني في التكييف والنعومة والالماني يتفوق في المتانة والثبات
انما الياباني يتفوق بشكل عام عن الكوري (في حالة نفس الفئة)
الكوري يتفوق بمراحل عن الصيني

[AMRSPEED]

بص ياباشا انت شوف احتياجك ايه يعنى عايز عربيه عاليا ولا لا ولو هتجب تيجو هات الموديل الجديد بلاش القديم ده وحش وعن تجربه انا ركبت العربيه دى الموديل القديم والطابلوه والتقفيل الداخلى وحش فلو هتقارن قارن بين الموديل الجديد والجيلى
شوف بقى دى سعرها كام ودى كام وشوف الأنسب ليك بس للأمانه الأتنين حلوين جدا
انت بقى تدور على الأتنين واللى تلاقيه الأول خلص فيه وده يبقى نصيبك
وللعلم انا معايا 620 بس جربت التيجو والجيلى فى ناس كتير بتشكر فيها وكمان انتشرت

[S O P H O S]

70 الف لو عاوز سيدان ممكن تركب بردوا ياريس او اوبترا
لو مش سيدان يبقي تيجو

[matrx]

نفس الحيرة واقع فيها

متابع