تغيير سير الكاتينة بالوقت ولا العداد

[LinuxMan]

السلام عليكم
اليوم ذهبت لاجراء صيانة ال٧٠٠٠٠ الف كيلو
فؤجيت بالمهندس يبلغني بضرورة تغير سير الكاتينة قولتله اني غيرته عند ٤٠٠٠٠ والمفترض يتغير عند ٨٠٠٠٠ فقالي بس عدا عليه سنتين وتغيره بالمده او العداد ايهما اقرب
انا طول عمري عارف ان تغيير السير بالعداد موضوع الكده دي اشتغاله ولا ايه?

علما ان تكلفة القطع والمصنعية ١٥٠٠ جنية

[akmm]

كلامه صحيح بالكيلومتر او بالمده ايهما اقرب .............................. غيره افضل من اضرار إنقطاعه السخيفه والمكلفه جدا .

[ARKOON]

دا كلام التوكيل بس لو اشتغلت بالعداد بردو مش هتفرق كتير دا المثالي اوي 40 ألف او كل سنة وطبعا يفضل متابعة الصيانات الدورية وعملها مش هتخسر كتير والاهمال وحش . تحياتي

[hugan]

السير الاصلي اللي نازل مع العربيه وهي زيرو يشتغل لحد 80 الف كمان
انما بعد كده غير علي 30 او 35 اقصي تقدير

[LinuxMan]

شكرا لكل اللي ردوا
السير الاصلي اتغير علي ٤٠ الف
والسير الجديد مشي ٣٠ الف الي الان لكن ضمانه حتي ٤٠ الف او سنتين
الان عدي عليه سنتين وبصراحه مستحرم اغيره لان هو ومشتملاته هيكلف ١٥٠٠ جنية

في طريقة اكشف بيها علي السي واشف هيستحمل اد ايه؟

[hugan]

شكرا لكل اللي ردوا
السير الاصلي اتغير علي ٤٠ الف
والسير الجديد مشي ٣٠ الف الي الان لكن ضمانه حتي ٤٠ الف او سنتين
الان عدي عليه سنتين وبصراحه مستحرم اغيره لان هو ومشتملاته هيكلف ١٥٠٠ جنية

في طريقة اكشف بيها علي السي واشف هيستحمل اد ايه؟

سنه او 2 مش هاتفرق في جوده السير المهم الكيلو متر
طالما انت ملتزم مع التوكيل
يبقي تلتزم بشروطهم
علشان لو حصل حاجه يتحملوا المسؤليه
لكن لو بتعمل شغلك بره زي حالاتنا
يبقي اختيارك الشخصي

[S O P H O S]

فرأي تغيره طالما ماشي مع التوكيل
والقرار ليك

[tasaka]

سنه او 2 مش هاتفرق في جوده السير المهم الكيلو متر
طالما انت ملتزم مع التوكيل
يبقي تلتزم بشروطهم
علشان لو حصل حاجه يتحملوا المسؤليه
لكن لو بتعمل شغلك بره زي حالاتنا
يبقي اختيارك الشخصي

العضو الكريم hugan , ربنا يطمئنك كما طمئنتنى

- اشتريت سبرانزا 620 موديل 2010 منذ سته اشهر تقريبا . ما شاء الله السياره كالزيرو . و اشتريتها عامله 9,500 كم فقط و الان عددادها يقترب من 12 الف كيلو

و اكون شاكرا ان ايستطعت ايضاح هذه النقطه , لانها اخافتنى جدا جدا (العربيه ماشيه اقل من 12 الف كيلو فى الخمس سنين ) يعنى السير عمره الان 5 سنين و باقى الاربعين الف كمان فى سنتين او ثلاثه مثلا . يعنى الاجمالى 7 او 8 سنين قبل تغيير السير

و اخشى ان ينقطع السير و تجيب وش سلندر , و لا ارغب فى تغيير السير الاصلى بدون داعى ( ليس بسبب التكلفه ) و لكن لعدم ثقتى نهائيا فى قطع غيار التوكيل .. و انا لست من القاهره

دفتر الصيانه

فى دفتر الصيانه فى نهايه توقيتات و بنود الصيانه , تم ذكر جميع البنود الاضافيه متل جميع انواع الزيوت ( كم او مده ) و فى نفس السياق تم ذكر سير الكاتينه ( كم ) فقط و و لم يحدد له مده كما فعل فى الاصناف الاخرى

مما يجعلنى اعتقد ان سير الكاتينه لا يتلف بالزمن و يتم تغييره بعد كميه التآكل المسموح بها ( و هذا استنتاج منى بناءا على ما ذكر فى دفتر الصيانه ) ؟؟

سؤال

ما هى نصيحتك لى بخصوص السير طبقا لما وضحته لك ؟؟
هل هناك سبب هندسى او علمى يوضح عدم تأثر سير الكاتينه بالزمن بالرغم من انه كاوتش ؟؟

قى امان الله .. تحياتى

[shadyselim]

انا معايا لانسر بومة السير الاصلى عامل 35000 و هو بيتغير على 80000 و العربية 2006 يعنى بقالها 9 سنين و مش عارف برضو اغيرة و الا استنى ال كم؟؟؟؟؟

[tasaka]

انا معايا لانسر بومة السير الاصلى عامل 35000 و هو بيتغير على 80000 و العربية 2006 يعنى بقالها 9 سنين و مش عارف برضو اغيرة و الا استنى ال كم؟؟؟؟؟

العضو الكريم shadyselim , شاكر جدا اهتمامك و ردك السريع

اعتقد اننى قرأت على النت افى موقع خاص بسيور الكاتينه فقط ن تغيير سير كاتينه مواتير ميتسوبيشى ( بغض النظر عن موديل السياره .. يعنى لا يحدد لانسر او غيره بل فقط نوع الموتور و سعته ) هى 60 الف ( و غير واضح هل يقصد كم ام ميل ) فالافضل ان تتأكد من رقم ال 80 الف للامان

تجربتى الشخصيه فى عربيه زيرو كورى سابقه .. اعتقد انا غيرت السير على 55,000 او اكثر .. لا اتذكر .. و كان ده بعد حوالى خمس او سته سنوات تقريبا ؟؟

سؤال هام

و لى سؤال هام .. طبقا لكلامك يكون معدل السير لسيارتك حوالى 4,000 كم فى السنه ؟؟

.. فهل هذا ناتج من مثلا ركنه السياره طوال العام نتيجه عملك فى الخارج و استعمالها شهر او شهرين فى السنه .. ام ان السياره تستعمل طوال العام و لكن مسافات يوميه بسيطه ؟؟

لان بعض الردود قرأتها فى المنتدى تقول ان السير يجب تغييره اذا كانت السياره مركونه معظم العام حتى لو كان الكيلومنر قليل ( و هذه هى الحاله معى .. استعمال شهر كل عام ) .... اما فى حاله استعمالها بصوره منتظمه طوال العام حتى لمسافات قصيره .. فان سير الكتينه ممكن عدم تغييره لمده سنين اطول

ارجو شاكرا ان تتفضل بالايضاح لاسلوب استهلاكك السنوى .. لانه لو كانت طريقه الاستعمال مماثله .. لن اغير السير

فى امان الله .. تحياتى