تجربة تركيب الفاميه الحرارى للa516

[AMGAD1521977]

تحياتى لكل اعضاء المنتدى المحترمين اليوم حبيت انقل لكم تجربة تركيب الفاميه الحرارى للعربية و هو وارد من السعودية و هو عبارة عن فاميه شفاف لونه يميل للعسلى الغامق و هو يعتبر شفاف و لايحجب الرؤية و لكن يحجب تأثير اشعة الشمس بنسبة 65% و فى الحقيقة له فوائد خطيرة و هى اولا تقليل تأثير اشعة الشمس عن الصالون و كمان بيريح عمل كومبريسور التكييف و عن تجربة بيفرق كتير فى الجو الحار و خاصة عند عمل التكييف بعد ركنة العربية فى الشمس و الشعور بعمل التكييف بسرعة و تحياتى لكم جميعآ

[peter magdy]

ممكن حضرتك تقول شارية منين
و التكلفة كام
مبرووووك

[amdd]

طب والمرور هتعمل معاه ايه

[amagroup]

هل جربته في وقت الحر ولا مركبه الايام دي بس؟

[AMGAD1521977]

ممكن حضرتك تقول شارية منين
و التكلفة كام
مبرووووك

التكلفة حوالى 2800 جنيه مصرى من السعودية و هو كورى و تكلفة التركيب للزجاج الجانبى و الخلفى 140 جنيه و تحياتى لك

[AMGAD1521977]

طب والمرور هتعمل معاه ايه

هو الفاميه شفاف مش اسود و لا يحجب الرؤية و يعتبر افتح درجة من زجاج الكيا الكارينز يعنى مش ممنوع لان اللى فى الخارج يشوف داخل العربية كويس قوى و تحياتى لك

[AMGAD1521977]

هل جربته في وقت الحر ولا مركبه الايام دي بس؟

ركبته الاسبوع اللى فات فى وقت كانت درجة الحرارة عالية شوية و تعمدت اسيب العربية فى الشمس و قفلت الزجاج لمدة ساعتين و بعدين فتحت العربية و الحقيقة حسيت بفرق جامد قبل و بعد التركيب و تحياتى لك

[S O P H O S]

مبرووك يا باشا
ربنا يبعد عندك المرور بس

[J A G U A R]

كتير برضه 2800

[AMGAD1521977]

مبرووك يا باشا
ربنا يبعد عندك المرور بس

ربنا يحفظك يا باشا و ربنا يسترها

[AMGAD1521977]

كتير برضه 2800

تحياتى لك بس انا سألت عنه فى مصر لقيت الامريكى منه يبدأ ب3500 و انا اشتريته رول كبير يكفى كذا سنة لان مدة صلاحيته فى السعودية سنة واحدة اما هنا فى مصر اكيد مش اقل من 3 سنين عشان فرق درجة الحرارة لكن صدقنى فى تأثيره لا يقل عن تكييف العربية و بيفرق جامد خصوصآ فى الركنة و السفر لمدة طويلة فى الشمس و الحر

[raedegypt]

ممكن النوع ومن وين اشتريته والنسبه المئويه للرؤيه
وركبته فين

[AMGAD1521977]

ممكن النوع ومن وين اشتريته والنسبه المئويه للرؤيه
وركبته فين

النوع كورى و المكان من الرياض بس قريب ليا هو اللى اشتراه و هو كان فى كرتونة لونها بنى لكن عشان الوزن طلعو من الكرتونة هو عبارة عن رول كبير و بيمنع تأثير اشعة الشمس بنسبة 60% و تم التركيب فى شارع دمشق بمصر الجديدة و تحياتى لك

[J A G U A R]

تحياتى لك بس انا سألت عنه فى مصر لقيت الامريكى منه يبدأ ب3500 و انا اشتريته رول كبير يكفى كذا سنة لان مدة صلاحيته فى السعودية سنة واحدة اما هنا فى مصر اكيد مش اقل من 3 سنين عشان فرق درجة الحرارة لكن صدقنى فى تأثيره لا يقل عن تكييف العربية و بيفرق جامد خصوصآ فى الركنة و السفر لمدة طويلة فى الشمس و الحر

لا هو فيميه كويس انا عارف
ومش معقوله بالسعر ده وزى الفيميه العادى

[دكتور خالد]

ربنا يباركلك فيه - بس 2800 جنيه يبقى الشمس مفيده جدا للصحة