عيوب a113

[bassemali]

السلام عليكم
بفكر في ال a113 ويهمني اعرف من ملاكها عيوبها ايه وبالذات اني خايف ( انا معايا 516 من الزيرو موديل 2012 )
من عيوب التقفيل اللي ظهرت معايا ف عربيتي اول مااشتريتها وقرفتني وفضلت رايح جاي ع التوكيل كتير ( حوالي سنه ) لغاية لما ظبطوا العربيه .. كنت خلاص كرهتها مع انها عربيه ممتازه لكن زي البطيخه وانت وحظك .. فارجو لو في حد اشتراها قريب زيرو يقولي على ملاحظاته وشكرا للجميع ..

[bassemali]

أيه الصحرا دي ؟؟؟؟

[MMMERO]

انا شاري العربية دى مستعملة لزوجتى موديل 2008 تقفيل صينى وانا كنت خابف زيك بس بصراحة العربية مناسبة جدا فى فئنها تكييف قوى والباور هايل والكملايات رائعة بس بصراحة عفشتها الناشفة عيبها الوحيد انا مستى المساعدين يتعبوا وهدور بها على اى مساعدين طراى يركبولها غير كدة ماشاء الله حلوة اوى وياريت برضوا نسمع من حد جاب التقفيل المصري قريب

[Abo_Mazen]

كانت مع واحد قريبي ..وكانت مشكلتها معاه في الدبرياج ..مش عارف إشمعنى الدبرياج ..بس هو دائما كان بيشتكي منه

[bassemali]

كانت مع واحد قريبي ..وكانت مشكلتها معاه في الدبرياج ..مش عارف إشمعنى الدبرياج ..بس هو دائما كان بيشتكي منه

انا سمعت موضوع الدبرياج ده من كذا حد حتى مهندس ف التوكيل قبل كده كان قاللي انها بتجيب دبرياج بسرعه لو استخدامك ليها كتير في زحمه البلد ... لكن انا اللي عايز اعرفه هل حد اشتراها جديده 2014 وظهرت عنده عيوب التجميع المصري .. يعني انا عربيتي ال 516 اول ما اشتريتها كان فيها صوت دبدبه ف العفشه وعداد البنزين بيخرف وفصلت كهربا النص الوراني كله ماكانش شغال لا لمبات ولا اشارات ورا ولاتنك البنزين بيفتح ولا الشنطه بتفتح من جوه وكانت شاشة التكييف بتعبي تراب من جوه وحراره من عند التابلوه كده تحت رجلي عند ركبي بالضبط ... وتيل الفرامل بيصفر ...كل ده اتحل ف التوكيل بس بعد سنه رايح جاي عليهم .. والحاجه المقرفه بقى انك كنت تدخل العربيه الساعه 8 الصبح فيها 5 عيوب تستلمها الساعه 5 العصر اتحل فيها حاجه واحده من شكواك او اتنين بالكتير وفي الغالب كان العيب بيرجع تاني .. وتروح تاني ... على كده لمدة سنه تقريبا رايح جاي كل اسبوعين تلاته انتش يوم من الشغل واروح اقعدلهم .. لما طلع عيني بصراحه .. بعد مااتظبطت العيوب دي .. العربيه دي من احسن العربيات اللي ركبتها ف حياتي بأمانه .. لذلك انا بسال على ال 113 الجديده لاني سمعت ان من بعد 2012 حلوا العيوب اللي كانت فيها واتظبطت... اتمنى الاقي حد اشترا 2013 او 2014 يقدر يفيدني.

[ARKOON]

العربيات الصيني كل واحد غير التاني حضرتك وصفتها صح ( زي البطيخة ) ممكن تشتري نفس العربية وبعد شوية يجي واحد تاني يشتري نفس الموديل عندك مشاكل معينة وهوا عندو مشاكل غير الى عندك خالص هنا بقى بعد اول ألف كيلو لازم التوكيل يضبط العربية . بالنسبة لموديل a113 دا من أجمل وانجح موديلات اسبرانزا بس المشكلة سعره الى وصل 68 بعد ما كان 48 وبيدللوا عليها اقتصادية جدا في البنزين فل اوبشن صغنتوته تتركن في احته في زحمة بلادنا . وبعدين لو هتشتري زيرو ما تقلقش من المشاكل الكتير الى بتسمعها .