عربيتي m11 ما بتدورش علي طول ولمبه Check Engine منورة

[Eng Alaa]

انا النهاردة الصبح بدور عربيتي m11 مدارتش علي طول علي 3 مرات كده وبعدين ببص علي التابلوه لقيت لمبه المتور منوره بتاعت Check Engine والمتور في رعشه ولما بزود بنزين في تفتفه كده!!! أرجو المساعه علما بأن العربيه عامله 20100 ألف كيلو دلوقتي وانا في الشروق مش عارف أمشي عليها عادي لحد مركز الصيانة وايه اقرب حاجه ليه؟ وايه صيانه ال 20 ألف وشكراً.


تم تعديل العنوان ليتناسب مع المحتوى
م ب 3

[mnashat77]

اعتقد انها مشكله بنزين حاول تبقي تغير البنزينه لان ال m11 حساس البنزين بتاعها كهرباء وليس سلك
اعتقد الحل بيكون ف التوكيل بيدخلها علي جهاز كده بيحدث سوفت وير ب ٣٠ جنيه تقريبا
انا عملت كده مره مع والدي وده كان حلها وهتلاقي الرعشه زياده مع الغيار الثاني اكثر غيار ،،
روح التوكيل وان شاء الله تطمن

[tito32]

متابع

[Eng Alaa]

اعتقد انها مشكله بنزين حاول تبقي تغير البنزينه لان ال m11 حساس البنزين بتاعها كهرباء وليس سلك
اعتقد الحل بيكون ف التوكيل بيدخلها علي جهاز كده بيحدث سوفت وير ب ٣٠ جنيه تقريبا
انا عملت كده مره مع والدي وده كان حلها وهتلاقي الرعشه زياده مع الغيار الثاني اكثر غيار ،،
روح التوكيل وان شاء الله تطمن

أنا اعتقد انها البوجيهات!

[hemaa_82]

السلام عليكم ...

انت غسلت المتور او عملت حاجة الكام يوم اللي فاتو ؟؟؟

لو الموضوع مبرجل قوي يعني يبقي غالبا البوجيهات جابت رطوبة لسبب ما ... فصلت من الاخر يعني ....

ثانيا ...؟؟؟ العربية بتمشي ولا حتي لو سخنت زي ما هيه ...؟؟ لو بتسخن تظبط هتبص علي بلف السايكون ,,,

لو زي ما هية و هية سخنة لن تخرج باذن الله عن البوجيهات او الاسلاك

[Eng Alaa]

الحمد لله طلعت البوجيهات.

مشكووور لمشاركتم معي.

[hemaa_82]

الحمد لله و مبروك السرفسة :)