افيدوني في اسبرانزا a516 ..

[tameromarw]

انا بعت عربيتي والحمد لله
كنت بدور علي عربية فيها كماليات واوبشن وفيها فخامة وفي نفس الوقت بسعر متوسط ..
عجبتني الاسبرانزا a516 بس مش قادر آخر قرار الشراء ..
محتاج إفادة من ملاك العربية حاليا لأن غالبية مواضيع العربية تقريبا قديمة ..فحاليا آراء ملاك العربية فيها ايه مبسوطين ولا ندمانين؟

[elkomyalto]

هيا كعربيه فيها اوبشن ممتاذ
ولكن مشكلة الصينى الاولى فى مصر هى العفشه ولكن مقارنة بأسعار قطع الغيار فهى رخيصه عن عربيات اخرى كتير ... انا كانت معايا اختها ولكن بعتها من فتره
نصيحه منى متجبش منها اقل من موديل 2011 لان الموديلات التى قبل ذلك بها عيوب

[tameromarw]

هيا كعربيه فيها اوبشن ممتاذ
ولكن مشكلة الصينى الاولى فى مصر هى العفشه ولكن مقارنة بأسعار قطع الغيار فهى رخيصه عن عربيات اخرى كتير ... انا كانت معايا اختها ولكن بعتها من فتره
نصيحه منى متجبش منها اقل من موديل 2011 لان الموديلات التى قبل ذلك بها عيوب

شاكر لردك وانا فعلا ناوي ابتداءا من موديل 2010 فما فوق .. ولو تكرمت اكتر مشاكلها غير العفشه ايه؟ ..يعني مثلا بتسخن ... ايه أبرز مشاكلها معاك خلال الفترة امتلاكها

[hugan]

سخونيه مفيش نهائي
في اشد الايام حراره ومع التكييف
تكييفها ممتاز
العفشه بتفير ليها مساعدين مونرو
او تركب ليها عفشه لانسر استيراد بالكامل
بالتوفيق
بس اهم شي
متصينهاش غير عند مختص في اسبرانزا
غير كده هاتبهدل العربييه

[ARKOON]

العفشة مالتي لينك هيا كده تصميمها كده مش عيب فيها ولا حاجة وفعلا لو هتجيب هات الموديلات الحديثة من 2010 او 2011 عربية كويسة قطع غيارها منتشرة وسعرها لو حالتها نضيفة 55 ألف والصيانات الدورية مهمة جدا لانها في الاول والاخير الة وكل حاجة فيها ليها عمر افتراضي . بالتوفيق تحياتي .

[Ahmender]

انا معايا موديل 2007 وماشية اكتر من 200 الف كيلو. والسيارة جيدة جدا حتى الآن والحمد لله.
فى العربية ي فى فى غيرها موضوع هى موديل سنة كام مش بيفرق.. حتى الكيلوهات مش هى الفيصل. المهم حالة الموتور والشاسية وان العربية تكون ماسكة نفسها ومفيهاش عيوب جوهرية. ولازم تكشف عليها فى التوكيل او عند مركز صيانه متخصص فيها.
كنت بشترى واحده موديل 2010 وماشية 24 الف كيلو وفبريكة وهيئتها ممتازة ولما كشفت عليها طلعت المكنه مفوته والفتيس بايظ!! فى حين عربيتي اشتريتها وهى مقربه من 200 الف وراشه باب وطلعت ممتازة جدا.

العفشه كانت ناشفة شوية لما كان فيها المساعدين الاصلي بس مقابل ثبات جيد جدا.. غيرتهم بمساعدين لانسر ياباني جداد لأن القدام مع الوقت جابوا أخرهم.. ومن وقتها العربية بقت اطرى كتير وفى نفس الوقت نفس الثبات الممتاز. (زي اللانسر بالظبط).
الباور حلو وطري جدا لو ماشي بالراحة.. وبيتقل شوية لما تمشي بسرعه وده للامان والتحكم.
عيب العربية دي حقيقة فى حاجتين.. حجمها الكبير بس بيديك وسع طبعا، وشكمانها الأصلى اللى بيخلي صوتها عالى خصوصا العلبة الخلفية. انا غيرت الشكمان العربية ماعدش لها صوت نهائي.
توكل على الله واشتريها.. مش هتندم.
انا ركبت عربيات كتير فى نفس الفئة السعرية وفئات اعلى شويتين هى اكتر واحده عجبتني هى و m11، اللى كانت أنعم بس ضيقة شويتين.

[tameromarw]

اشكركم جميعاً للإهتمام والرد ولكم جزيل الشكر
ولي سؤال عن الموتور هل هو معمر يعني بيعيش ويعد كيلووات ولا بيخرب ويفوت.
وسعر الموتور كام استيراد ؟
وممكن بتعمل له عمرة ؟
وكم سعر علبة الدريكسيون الايسكترا جديد واستيراد ؟ لأن علبة الدريكسيون دي جديده كانت بعربيتي التمبرا اغلي من تمن الموتور فعلا

[lidoo_85]

انا شاري عربيتي من شهر 7 فخبرتي معاها قليله بس كنت محتار زيك وانا بشتري بس وصلت انها احسن اختيار للشرا في رينج السعر ده .. ولما ركبتها الحمد لله مبسوط بيها اهم حاجه تظبط الصيانات في مواعيدها ومتهنش العربيه وتهملها وهتلاقيها ركوبه حلوه ..

[hugan]

اشكركم جميعاً للإهتمام والرد ولكم جزيل الشكر
ولي سؤال عن الموتور هل هو معمر يعني بيعيش ويعد كيلووات ولا بيخرب ويفوت.
وسعر الموتور كام استيراد ؟
وممكن بتعمل له عمرة ؟
وكم سعر علبة الدريكسيون الايسكترا جديد واستيراد ؟ لأن علبة الدريكسيون دي جديده كانت بعربيتي التمبرا اغلي من تمن الموتور فعلا
:_alshmokh22[1]:

انابايع عربيتي 120 الف كيلو موتور كان فابريقه بمعني الكلمه
ماضربش فيه مفك
الزيت كان بيتغير علي 10 الاف بدون نقص ملي واحد
في صديق بايع عربيته 200 الف كيلو موتور كان ممتاز
اللي اشتري كان واحد معرفه ومقضيها سفر لشرم مرتين في الشهر
عرفت ان العربيه وصلت معاه 300 الف
وبعد كده سقط موتور لانسر 2000 اوتو

[Ahmender]

اشكركم جميعاً للإهتمام والرد ولكم جزيل الشكر
ولي سؤال عن الموتور هل هو معمر يعني بيعيش ويعد كيلووات ولا بيخرب ويفوت.
وسعر الموتور كام استيراد ؟
وممكن بتعمل له عمرة ؟
وكم سعر علبة الدريكسيون الايسكترا جديد واستيراد ؟ لأن علبة الدريكسيون دي جديده كانت بعربيتي التمبرا اغلي من تمن الموتور فعلا
:_alshmokh22[1]:

عربيتي عامله 215 الف كيلو.. وحتى 200 الف ماكانش الموتور اتعمل فيه شغل، لولا ان سير الكاتينة اتقطع بسبب اهمال منى فى تغييره وكسرلي بستم ماكنتش حليت الموتور.. وحالة الموتور جيدة جدا.
ماعنديش معلومات عن علبة الدركسيون بس اكتر مايميز العربية دي اسعار قطع الغيار زي اسعار اللانوس.
اما الموتور فممكن تسقط موتور لانسر كامل بـ 7000 جنيه. (سألت عليه من شهرين)

[bassemali]

عربيه جيده جدا ... فخامه وثبات وقوة وتكييف ممتاز وقطع غيار رخيصه ومتوفره وأحسن من الانوس والفيرنا مليون مره ..

[dser]

عندي عربية اسبرنزا a516 موديل 2011 لو حابب رد عليا والسعر مش هنختلف

[abokoko]

هيا كعربيه فيها اوبشن ممتاذ
ولكن مشكلة الصينى الاولى فى مصر هى العفشه ولكن مقارنة بأسعار قطع الغيار فهى رخيصه عن عربيات اخرى كتير ... انا كانت معايا اختها ولكن بعتها من فتره
نصيحه منى متجبش منها اقل من موديل 2011 لان الموديلات التى قبل ذلك بها عيوب

ايه العيوب اللى كانت قبل 2011 ؟؟

[bassemali]

ايه العيوب اللى كانت قبل 2011 ؟؟

العيوب كانت علبة الدريكسيون وعلبة البيئه والمساعدين وحبة عيوب تقفيل وعيوب ف العفشه .. بعد 2011 اختفت كل العيوب دي مافضلش منها غير بعض عيوب التقفيل بس بسيطه قوي عن الاول .