مشكلة كتمة على الغيار الاول والتاني

[Ahmender]

عربيتي اسبيرانزا 516 الموتور حالته كويسه وكان في مشكله من شهر ونص ان العربية بتنتش لو الـ rpm أقل من 2..
وكنت غيرت فيها موتور طلمبة بنزين وبوجيهات و شكمان ونضفت علبة البيئة وغيرت حساس الكرنك. وفى الاخر اتضح ان العيب فى فيشة حساس السرعة (بيبة السرعة) ولما اتركبت كويس راح التقطيع.

حاليا حصل مشكلة جديدة وبرضه لما rpm بيكون اقل من 2..
العربية بتتكتم جدا وصوت الموتور مكتوم وواطي وكل مادوس بنزين اكتر كل ماتتكتم اكتر..
واول ما الـ rpm يبقى 2 العربية تفوق فجأة وصوت الموتور يعلى وتجرى من على الارض بسرعة جدا!...
العيب ده بيظهر جدا لو شغلت التكييف او لو حملت فى العربية 3 او 4 افراد غيري..

وده بيحصل على الغيار الأول والتاني بالذات.. لان الغيارات اللى بعد كده الـ rpm طبيعي بيبقى اعلى من 2.
الحل الوحيد انى اسايسها وادوس بنزين خفيف خالص لحد ما rpm يعلى بالتدريج ويوصل 2 بعدين اضغط على الدواسه براحتى!!

افيدونى افادكم الله.. علما بان مركز الصيانة لما كشف بالكمبيوتر مفيش اعطال ظاهرة.

[Ahmender]

نو أنسرز يا منز؟

[lokasherdy]

افصل حساس الدبرياج

[Mecha]

لبوابه و tps

[Ahmender]

لبوابه و tps

فصلت حساس الدبرياج ماحلش المشكلة.. ايه هو الـ tps ؟ حساس السرعة؟ او اللى بيسموه الميكانيكية بيبة السرعة؟ ولا حاجه تانية؟

[Ahmender]

انا عرفت يعني ايه tps وجدت شرح كامل لوظيفته .. بس قرأت ان العطل فى tps يسبب ارتفاع دائم فى ال rpm... وده مش حاصل عندي.. الار بي ام مظبوط .
كمان الكمبيوتر قارى ان الحساسات سليمه!.. ومفيش اي ايرور!.. هل ده طبيعي؟

[elkomyalto]

الشكمان يا باشا

[Ahmender]

الشكمان يا باشا

الشكمان جديد بالكامل من شهر.. وعلبة البيئة تمام وكشفت عليها. وظبطها.

[hugan]

الاسبرانزا بوابه كهرباء حساس tps

مدمج داخل البوابه مابتنضفش ولابيتغير
البوابه كلها ببتغير لوكشه واحد
جرب بوابه تانيه من عند الميكانيكي بتاعك وشوف النتيجه

[Hmatchy]

طقم الدبرياج ايه ظروفه

[Ahmender]

غيرت البوابة بالحساس ونفس المشكله.. غيرت دواسة البنزين نفس المشكلة.. روحت للكهربائى غير طلمبة بنزين لتانى مره وبرضو نفس المشكلة.. فك الرشاشات والعلبة بتاعتهم طلع منها "طين" بسبب البنزين.. نضفها العربية اتحسنت شويه بس برضو بتقطع.. قالى الرشاشات ضعفت والبوبينه كمان ضعفت.. واحتمال اغيرهم!!

[Ahmender]

طلع عيب بوبينه.. ركبت بوبينة جديدة العيب النتهى والحمد لله.. شكرا للجميع

[hugan]

طلع عيب بوبينه.. ركبت بوبينة جديدة العيب النتهى والحمد لله.. شكرا للجميع

موبينا
الحمد لله
مين الميكانيكي بتاعك ياباشا اللي وصل للعيب

[Ahmender]

موبينا
الحمد لله
مين الميكانيكي بتاعك ياباشا اللي وصل للعيب

للاسف لا الميكاني ولا كهربائي التوكيل وصلوله، انا اللى خليت الميكانيكي جرب وركبلي بوبينا بتاعة واحد صاحبي فلقيت العربية بقت تمام
لكن الميكانيكي والكهربائي خلونى غيرت كل حساسات العربية ودواسة البنزين ومصاريف قد كده ع الفاضي. رغم ان المفروض انهم متخصصين وبتوع التوكيل!

[hugan]

للاسف لا الميكاني ولا كهربائي التوكيل وصلوله، انا اللى خليت الميكانيكي جرب وركبلي بوبينا بتاعة واحد صاحبي فلقيت العربية بقت تمام
لكن الميكانيكي والكهربائي خلونى غيرت كل حساسات العربية ودواسة البنزين ومصاريف قد كده ع الفاضي. رغم ان المفروض انهم متخصصين وبتوع التوكيل!

انا كان عندي تقريبا نفس المشكله بس مع ظهور لمبه الاعطال
وجربت تغيير كل حاجه وفي التوكيل
وكنت انا ميال لاءن العيب عيب بوبينا
لكن ولا واحد من اللي روحت ليهم فكره فيها