اسبرانزا تبجو

[mohamedabdo]

الرجاء من الاخوة ان يفيدونى عن اسبرنزا تيجو:k10:

[pinkfloyd]

زى الفل يا باشا انا جربتها ومشاء الله عليها
اى سؤال تحت امرك

[noni67]

عايو تعرف ايه عنها
هى ببساطة عربية ممتازة لسعرها وامكانيتها وكبر حجمها وارخص Suv فى فئة المحرك دى والحجم الحلو اوى ده وفول اوبشن
وكمان ضمنها 3 سنين او 100 الف كيلو

[ouba2]

جميلة جدا و ناعمة

[mohamedabdo]

اتا باسمع عن مشاكل الصينىز فهل فيهامشاكل الصينى مثل التقفيل وعمر قطع الغياروالتوكيل .باختصار اريد فكرة عن العربية منحيث السحب النعومة قطع الغيار المعاملة فى التوكيل.وشكرا لكل الاخوة الافاضل الذين قاموا بالرد.

[pinkfloyd]

يا باشا اعتمد على الله والحق احجز قبل ما تغلى.

مشاء الله عليها بتجرى ونعمة جدا والمناورات فيها هايلة والتحكم والبور ممتاز وحتى المطبات حنينة عليها قوى بالنسبة لسيارة Suv.

مفهاش اى مشاكل خالص الحمد لله متنساش انهم اتعلم من الموديلات بتاعت 2006.

السيارة يا باشا متجربة من سنة 2005 وهى بنتج فى الصين وانا لما كنت فى الصين وروسا سنة 2006 شفت العربية فى الشوارع هناك وحتى اتكلمت مع واحد روسى وشكرلى فيها قوى. وفعلا لما جربتها لاقتها ممتازة.

[mohamedabdo]

اشكركيا يا pink باشا على المعلومات القيمة وسرعة الرد لكن بلنسبة للتوكيل بتاعها اية الاخبار وتوافر قطع الغيار والاكسسوارات واسعارها واجو المعذرة للتطويل د|محمد

[pinkfloyd]

يا دكتور محمد متقولش كدة خالص
اسأل يا باشا زى ما انت عايز وطول زى ما انت عايز.

هو التوكيل زحمة شوية لكن معقول وقطع الغيار والاكسسوارات كلها موجودة وانا متأكد تماما من موضوع قطع الغيار لان فيه موقف حصل امام عينى واتأكد انها موجودة.

يا دكتور أعتمد على الله وهاتها قبل ما يغلوها ... بس نصيحة من اخ مجرب خليك فى المنيوال (لان دايما المنيوال فى المضمون).:k27:

[Mohamedtayel]

Mr Pink,
You are really a gentleman, and we appreciate all your advices, i think you have one, is it correct.
Dr Mohamed ,
I'm really interested so much in that car, and think it will be really good.

[mga747]

يا أخى
pinkfloyd
عضو جديد


1. لماذا لا ترد على رسائلى لك على بريدك الخاص بالموقع ؟؟

2. أخبار فتيسها الأوتوماتيك أيه؟

3. عربيتك سوداء ؟ أخبار الأسود أيه مع التراب والتجريحات ؟؟

4. أنت مركب مصدات حديدية امامية وخلفية وجانبية ؟ ممكن تحمل لنا صورة عربيتك بهذه المصدات ؟
والمصدات ديه عميلها فين ؟ وبكام ؟

أرجو الإجابة بالتفصيل عن كل سؤال ..!!!

[pinkfloyd]

الاخ العزيز الدكتور محمد

مرسى لذوئك قوى ولرسالتكك الرقيقة .. الحمد لله انا عندى التيجو وعامل 7500 كيلو حتى الان والحقيقة نصحت بيها كل جرانى واصدقائى وبالفعل اشتروها ومبسوطيب بيها جدا اعتمد على الله يا باشا ومش هتندم ان شاء الله ... تعرف يا دكتور انا كنت حاجز الكمودو ورجعتها فى الوقت المناسب لانها مع الاسف طلعت عربية فاشلة وكلها مشال والناس عمالة تبيع فيها كل اسبوع فى الوسيط ما لا يقع عن ستة عربيات والاسبوع اللى قبلة تسعة.

اى معلومة عايز حضرتك تعرفها عن التيجو بالفصيل ارجوك لا تردد.
فى امان الله

[pinkfloyd]

الاخ العزيز mga747

احلى صباح يا باشا الحقيقة مش برد على البريد الخاص لانة مش بيفتح عندى مش عارف ليه ومع ذلك لو عايز تسال اى حاجة على البريد الخاص ممكن تاخد الميل الخاص بتاعى hany30002000@yahoo.com

بالسبة للسؤال الاول العربية بتاعتى منيوال وانا عاشق للمنيوال لانى انا اللى بسوق العربية مش هيى اللى بتسوقنى لكن كل اصدقائى جايبين الاتوماتيك والفتيس ناعم وجميل انا جربتها بس استهلاك الاتوماتيك فى البنزيل اعلى شوية من المنيوال بالنسبة للمنيوال انا بعمل حوالى من 200 الى 210 فى الصفيحة (عشرين لتر) داخل البلد وعن تجربة اكثر من مرة وطبعا هى بتستخدم بنزين 92 فقط.

بالنسبة للسوال الثانى انا فعلا عربيتى لونها اسود لان انا بحب الاسود جدا طبعا زى اى لون اسود بتتوسخ بسرعة لكن انا حاطط فى العربية علطول الريشة اللى بتتباع فى محطات البنزين بيقبى فيها مادة زيتية خفيفة بتحافظ على البوية وفى نفس الوقت بتلم التراب بسرعة فى دقيقتين... بالنسبة للتجريحات برضة زى اى عربية مش ملاحظ اى تجريحات فيها.

على فكرة فى اللون الفرانى منها هايل تحفه بجد اتفرج عليه يمكن يعجبك اكثر من الاسود ودة بقى مش بيلم تراب خالص.

انا بالفعل مركب مصادات امامية وخلفية وجمبية والحقيقة بعد معاناه انا اخترت الشكل الماسب لكل مكان سواء الامامية والخلفية والجمبية. وركبتهم عند اكثر من واحد انوى يا باشا ان شاء الله واكلمهولك فى التليفون وترحلة هو فى شمبليون.

اى سؤال يا باشا لا تردد اسال ولا يهمك انا ببقى سعيد جدا وانا بحكى اى حاجة ممكن تساعد اى انسان.
فى امان الله

[pinkfloyd]

اه معلش نسيت انا مش عارف ازاى احمل صورة العربية على الموقع

[lovelorn]

اه معلش نسيت انا مش عارف ازاى احمل صورة العربية على الموقع
رد باقتباس

فى تحت المكان اللى بتكتب فيه الرد على الرسايل مكتوب Add image to post , أضغط عليها وبعدين أختار browse , بعد كده حدد الصورة اللى عايز ترفعها وأضغط open , وفى النهاية أضغط upload it

[mga747]

يا أخى
pinkfloyd
عضو جديد

من فضلك ممكن تحملنا صور عربيتك بالمصدات ..!!