لمﻻك ال 620 عندى تاخير فى عمل المراوح

[ياسر الدقاق]

السلام عليكم ورحمة الله وبركاته
انا لسة جابب عربية 620 وكان معاية 516 وانا حابب الاسبرانزا من 2010
العربية مستعملة موديل 2012 مشية 66 الف فرئة عن ال516 كتير فى المشى والثبات والخبط والرزع يعنى ماشاء الله
العربية كان متشال منها كوع الترمستات وكانت ااحراره بتنزل فى المشى وتثبت على اانص فى الزحمه ودى حاجه غلسة انا مبحبهاش
خصتا ان كوع الترمستات مهم جدا وكنت لما افتح ااكبوت احس بسخونه وهبو طالع عليا زياده شوية عن الطبيعى اللى متعود عليه فى كل العربيات اللى ركبتها
المهم انى حطيت العربيه على الكمبيوتر وجد ان المراوح بتشتغل عند درجة 96 ه وتفصل عند 93 ه وحسب معلوماتى ان كده كتير حوالى 6 درجات وده عملى قلق
رغم ان الفنى قال كده عادى وطببعى ومتخفش بس الخرطوم منفخ والسخونه جمده
كنت عاوز اعرف ايه الجزء اللى يخلى المراوح تشتغل بدرى عن كده هل حساس الحرارة وﻻ كنترول المراوح ... وايه اللى بخلى الضغوط تقل فى الخراطيم

[ياسر الدقاق]

السلام عليكم ورحمة الله وبركاته
محدش عند فكرة على موضوع سغل المراوح بدرى شوبه وﻻ ابه

[ALshahba]

السلام عليكم ورحمة الله
اهلا بيك مع 620
من المشكلات الرئيسيه في ال620 هي الحراره فعلا لكن بمجرد انك تسيل ترموستات الحراره كما هو الوضع عندك فهو الصائب وافضل حل لل620 ، مش في كل العربيات
اما موضوع وقت تشغيل المراوح وضبط درجة حرارتها ، فده موضوع مهم جدا وفعلا دي الدرجات اللي بتشتغل عندها وتفصل
وللاسف هو ده الكنترول بتاعها ودي برمجته ، في بعض الموديلات الاخري زي الميجان مثلا ممكن تتحكم في بعض انواع العمل بالسوفتوير باعادة برمجته بالزياده او النقصان لكن الاسبيرانزا للاسف ماحدش نزلها سوفتوير او بيعيد برمجة الكومبيوتر ليها
وموضوع انك تفتح الكابوت وتلاقي هبو سخن......ده امر طبيعي لان موتورها 2000 سي سي وبيسخن جامد

اعتقد لو احنا في الصين او خاطبنا شركة شيري ممكن يوجدولنا الحل اما بتغيير الكونترول بواحد تاني او تعديل السوفتوير

[ياسر الدقاق]

انا اسف على التاخير فى الرد
بس فعلا تاخير المراوح ده بيسخن العربية جامد وبيعمل زيادة فى الضغوط داخل دورة التبريد
وبالتالى بيضرب غطا القربه واليديتر ساعات القربة نفسها .
انا سلكت اليداتير وغيرت الخرطوم والمية مش بتنقص .
ومازالت المشكة قائمه .
بس بالسخونة بتاعت المكنة وبشم ريحتها عندى جوة لما اكون فاتح الشباك .
وبالتالى باطر اشغل التكييف رغم ان الجو بارد وبحس بفرق كبير فى راحة المكنة .
ممكن نراسل شركة شري ازاي .

[tasaka]

السلام عليكم ورحمة الله
اهلا بيك مع 620
من المشكلات الرئيسيه في ال620 هي الحراره فعلا لكن بمجرد انك تسيل ترموستات الحراره كما هو الوضع عندك فهو الصائب وافضل حل لل620 ، مش في كل العربيات
اما موضوع وقت تشغيل المراوح وضبط درجة حرارتها ، فده موضوع مهم جدا وفعلا دي الدرجات اللي بتشتغل عندها وتفصل

وموضوع انك تفتح الكابوت وتلاقي هبو سخن......ده امر طبيعي لان موتورها 2000 سي سي وبيسخن جامد

اعتقد لو احنا في الصين او خاطبنا شركة شيري ممكن يوجدولنا الحل اما بتغيير الكونترول بواحد تاني او تعديل السوفتوير

الاخ المحترم ALshahba , فعلا سمعت الكلام ده اكثر من مره بخصوص الكوع

اذا انا رغبت فى الاحتفاظ بالكوع .. بعد كل كام الف اغيره دوريا

ارجو التفضل بايضاح بعد كام الف كيلو من الاستخدام قمت بازاله الكوع من سيارتك و هل كان هذا قبل تعطل الراديتير ام قبله ؟؟

تقبل تحياتى

[Abo_Mazen]

ثرموستات الكوع ملوش أي علاقه بكون السيارة من النوع اللي بتسخن جامد ..أو من النوع اللي ما بتسخنش جامد ..لإن بمنتهى البساطة البلف اللي في ثرموستات الكوع بيكون فاتح فتح كامل قبل درجة حرارة تشغيل المروحه بعشر درجات تقريبا ..بمعنى ..إننا لو إفترضنا إن المروحه بتشتغل على درجة حرارة 90 مثلا ..فلازم هتلاقي إن ثرموستات الكوع بيكون مفتوح فتح كامل على درجة حرارة 80 مثلا ..يعني في فرق بين فتح الثرموستات على الآخر وبين تشغيل المروحه تقريبا عشر درجات ..وأنا لما بقول ثرموستات الكوع مفتوح فتح كامل بقصد إن ثرموستات الكوع في الحالة دي بيبقى كأنه مش راكب أصلا ..لإنه بيكون مفتوح على آخره ..فكأنه ملوش وجود ..الثرموستات وظيفته بتظهر على الطرق المفتوحه أو لما درجة حرارة المياه تكون أقل من درجة الحراره المكتوبه على الثرموستات واللي المفروض إن الثرموستات بيفتح تدريجيا بدرجه تناسب حرارة المياه لغاية المياه ما توصل لدرجه الحرارة المكتوبه على الثرموستات يكون كده الثرموستات مفتوح فتح كامل ....بالنسبه بقى لمشكلة حضرتك وهي الهبو والصهد والحرارة الغير عاديه والخراطيم اللي منفخه والغطا بتاع الريداتير اللي بيضرب ..فأنا كده هبدأ أشك أو يتجه تفكيري ناحية الهيد بتاع المكنه ..أو ..وش السلندر ..حضرتك لازم تتأكد إن الهيد بتاع المكنه ما بينفسش هوا داخل دورة التبريد ...ودي اللي يقدر يفتيك فيها ميكانيكي ..أو لو عندك ثرموستات الكوع متشال في إختبار بسيط قوي ممكن تعمله وهو إنك تخلي العربيه بايته من قبليها بيوم ..يعني بارده تلاجه وبعدين تزود مياه في الريداتير لغاية ما تخليها على فوهة الريداتير وبعدين تقوم مدور العربيه والريداتير مفتوح لو لقيت المياه عملت jump من الريدايتر أو نطت لفوق يبقى كده الوش عندك منفس ..خلي بالك ..لازم وإنت بتعمل الإختبار ده تكون ثرموستات الكوع متشاله ..جرب وشوف ..وخلي بالك ..ثرموستات الكوع برئ من تهمة إنه بيخلي العربيه تسخن زيادة عن اللزوم ..لإني زي ما قولتلك ..هو ليه درجه حرارة معينة لما المياه بتوصلها بيبقى كأنه مش موجود أساسا ...أما بقى حكاية إنه ممكن يقفش وممكن يعمل الدنيئه معاك ..فدي ليها حلول ..منها إنك تستخدم مياه موصى بها و تعمله جدول تغيير زي إنك تغيره كل سنتين مثلا أو أربع سنين ..لكن في النهاية يظل ثرموستات الكوع برئ من تهمة رفع درجة حرارة السيارة أكتر من اللازم ..قبل ما أنسى ..المفروض اللي حطلك العربيه على الإسكانر يقولك الطبيعي بتاع المراوح تشتغل على درجة كام ..لإن بيبقى الإسكانر اللي معاه مكتوب فيه قدام درجة الحراره ال Recommended بتاع درجة تشغيل المراوح ..عشان كده موضوع توقيت تشغيل المراوح مش بالإحساس الشخصي ..لأ ..ده متسجل في الإسكانر

[tasaka]

...أما بقى حكاية إنه ممكن يقفش وممكن يعمل الدنيئه معاك

شكر لهذه المشاركه من العضو الكريم

و يظهر ان 620 بتعمل الدنيئه , اعتقد ان الثرموستات بيعلق جوه الكوع , و اعتقد برضه ان الشكوى دى عامه و مستمره .. و الله اعلم

و فيه كهربائى توكيل نصحنى مره من فتره ان اشيله لو انا اشتريت ال 620

و لكن شيل الثرموستات بيغير درجه الحراره التصميميه المثلى للحصول على افضل اداء للموتور و لذلك افضل تركه

تحياتى

[tasaka]

حاول ايضا تراجع على الخراطيم بدقه و الكوليهات للخراطيم و اتأكد ان الطلمبه تقليبها كويس

و فيه واحد صديقى كان عنده سخونه و غلب فيها .. و فى الاخر .. على مافهمت من كلام عابر ان كان فيه شرخ خفيف لايرى ( اعتقد على ما اتذكر فى الراديتير من فوق .. غير متأكد ) .. و انتهت المشكله

تحياتى

[Abo_Mazen]

شكر لهذه المشاركه من العضو الكريم

و يظهر ان 620 بتعمل الدنيئه , اعتقد ان الثرموستات بيعلق جوه الكوع , و اعتقد برضه ان الشكوى دى عامه و مستمره .. و الله اعلم

و فيه كهربائى توكيل نصحنى مره من فتره ان اشيله لو انا اشتريت ال 620

و لكن شيل الثرموستات بيغير درجه الحراره التصميميه المثلى للحصول على افضل اداء للموتور و لذلك افضل تركه

تحياتى

ما هو لو الثرموستات اللي حضرتك مركبه أصلي وبتاع العربيه والرقم المكتوب عليه هو بتاع العربيه يبقى بإذن الله مش هيعمل معاك مشكلة ..وبعدين برضه شيل الثرموستات مش حل ..لإن زي ما قلت لحضرتك هو ليه درجة حرارة معينة بيبقى بعدها مفتوح على آخره وبالتالي بيعدي كل المياه ..وبالتالي بيبقى كأنه مش راكب أصلا ..عشان كده لازم الحراره تتعالج بعيد عن مشكلة الثرموستات ..ما هو لما العربيه بتسخن الثرموستات بيكون فاتح على آخره ..طيب آدي الثرموستات وفتح على آخره يعني كأنه مش موجود ..المشكلة إتحلت ..لأ..لسه برضه العربيه بتسخن ..الله ...يبقى في مشكله تانيه بقى هي اللي عامله السخونه دي

[tasaka]

ما هو لو الثرموستات اللي حضرتك مركبه أصلي وبتاع العربيه والرقم المكتوب عليه هو بتاع العربيه يبقى بإذن الله مش هيعمل معاك مشكلة ..وبعدين برضه شيل الثرموستات مش حل ..لإن زي ما قلت لحضرتك هو ليه درجة حرارة معينة بيبقى بعدها مفتوح على آخره وبالتالي بيعدي كل المياه ..وبالتالي بيبقى كأنه مش راكب أصلا ..عشان كده لازم الحراره تتعالج بعيد عن مشكلة الثرموستات ..ما هو لما العربيه بتسخن الثرموستات بيكون فاتح على آخره ..طيب آدي الثرموستات وفتح على آخره يعني كأنه مش موجود ..المشكلة إتحلت ..لأ..لسه برضه العربيه بتسخن ..الله ...يبقى في مشكله تانيه بقى هي اللي عامله السخونه دي

انا لسه جديد على ال 620 و بالتالى خبرتى فيها قليله .. الثرموستات عندى الاصلى الزيرو .. و الحمد لله لسه لم اتعرض لمشكله السخونه و لكن متوقعها و فى انتظارها و ربنا بستر و انتبه بدرى

العضو الكريم ALshahba كان ليه رد فى المنتدى قرأته انه يتأخد هواء وره التبريد .. الاستاذ ياسر برضه يحط النقطه دى فى اعتباره .. و انا شخصيا لا اعرف طريقه اخذ الهواء لل 620 ؟ هل المقصود تزويد من القربه و هى بارده حتى يثبت المنسوب ام ماذا ؟

كلام الاستاذ ياسر باين منه انه متضايق من عدم وجود الكوع .. فهل السياره الان بدون كوع ام انه ركبه مره اخرى ( العربية كان متشال منها كوع الترمستات وكانت ااحراره بتنزل فى المشى وتثبت على اانص فى الزحمه ودى حاجه غلسة انا مبحبهاش خصتا ان كوع الترمستات مهم جدا )

تحياتى

[Abo_Mazen]

انا لسه جديد على ال 620 و بالتالى خبرتى فيها قليله .. الثرموستات عندى الاصلى الزيرو .. و الحمد لله لسه لم اتعرض لمشكله السخونه و لكن متوقعها و فى انتظارها و ربنا بستر و انتبه بدرى

العضو الكريم alshahba كان ليه رد فى المنتدى قرأته انه يتأخد هواء وره التبريد .. الاستاذ ياسر برضه يحط النقطه دى فى اعتباره .. و انا شخصيا لا اعرف طريقه اخذ الهواء لل 620 ؟ هل المقصود تزويد من القربه و هى بارده حتى يثبت المنسوب ام ماذا ؟

كلام الاستاذ ياسر باين منه انه متضايق من عدم وجود الكوع .. فهل السياره الان بدون كوع ام انه ركبه مره اخرى ( العربية كان متشال منها كوع الترمستات وكانت ااحراره بتنزل فى المشى وتثبت على اانص فى الزحمه ودى حاجه غلسة انا مبحبهاش خصتا ان كوع الترمستات مهم جدا )

تحياتى

واضح إن العربيه دي كان فيها مشكلة حراره غير معلومة ..قام صاحبها السابق كحل فزلكي إفتكاسي منه قام شايل ثرموستات الكوع ...لكن المشكله مش في ثرموستات الكوع ..وشيلها محلش المشكله ...ده كل ما هنالك إن شيلها خلى العربيه لما تجري في طرق مفتوحه مؤشر الحرارة ينزل ...لكن في الزحمه .في هبو وصهد بيطلع من المحرك ..يعني مشكلة الهبو والصهد موجوده كده أو كده

[ALshahba]

واضح إن العربيه دي كان فيها مشكلة حراره غير معلومة ..قام صاحبها السابق كحل فزلكي إفتكاسي منه قام شايل ثرموستات الكوع ...لكن المشكله مش في ثرموستات الكوع ..وشيلها محلش المشكله ...ده كل ما هنالك إن شيلها خلى العربيه لما تجري في طرق مفتوحه مؤشر الحرارة ينزل ...لكن في الزحمه .في هبو وصهد بيطلع من المحرك ..يعني مشكلة الهبو والصهد موجوده كده أو كده

فزلكي !!!!!!!!!! افتكاسه !!!!!!!!! متشكر جدا

مش عارف اقول ايه لكن حرد بشئ واحد فقط
ترموستات الحراره ............. مابيفتحش اصلا

اشكرك علي الاستهانه بخبراتنا

[Abo_Mazen]

فزلكي !!!!!!!!!! افتكاسه !!!!!!!!! متشكر جدا

مش عارف اقول ايه لكن حرد بشئ واحد فقط
ترموستات الحراره ............. مابيفتحش اصلا

اشكرك علي الاستهانه بخبراتنا

أنا مقصدش حضرتك بكلمة (حل فزلكي إفتكاسي) ..أنا بتكلم عن المالك القديم للعربية اللي فيها المشكلة ...وبعدين أنا برضه ما أقتبستش من رد حضرتك أي حاجه عشان يبقى الكلام اللي أنا بقوله بيتقال على حضرتك ..أنا كل ما هنالك قلت على المالك القديم للعربية اللي فيها المشكلة اللي حضرتك متعرفوش أصلا (اللي هو المالك القديم للعربية) إنه إفتكس وإتفزلك لما شال الثرموستات اللي مكانش ليها دخل في المشكلة وساب المشكلة اللي لسه موجوده لغاية النهارده ..أنا معرفش حضرتك شخصيا ..والإستهانة بآراء الآخرين مش من طريقتي