هل يتم تغيير سير الكاتينه بعدد الكيلومترات ام بالمده الزمنيه ؟؟

[tasaka]

بسم الله الرحمن الرحيم

هل يتم تغيير سير الكاتينه بعدد الكيلومترات ام بالمده الزمنيه ؟؟

العضو الكريم hugan , اعضاء المنتدى الكرام

- اشتريت سبرانزا 620 موديل 2010 منذ سته اشهر تقريبا . ما شاء الله السياره كالزيرو . و اشتريتها عامله 9,500 كم فقط و الان عددادها يقترب من 12 الف كيلو

و اكون شاكرا لمن يستطيع ايضاح هذه النقطه , لانها اخافتنى جدا جدا (العربيه ماشيه اقل من 12 الف كيلو فى الخمس سنين ) يعنى السير عمره الان 5 سنين و باقى الاربعين الف كمان فى سنتين او ثلاثه مثلا . يعنى الاجمالى 7 او 8 سنين قبل تغيير السير .. علما بان السير الاصلي اللي نازل مع العربيه وهي زيرو يشتغل لحد 60 الف على الاقل

و اخشى ان ينقطع السير و تجيب وش سلندر , و لا ارغب فى تغيير السير الاصلى بدون داعى ( ليس بسبب التكلفه ) و لكن لعدم ثقتى نهائيا فى قطع غيار التوكيل .. و انا لست من القاهره

دفتر الصيانه

فى دفتر الصيانه فى نهايه توقيتات و بنود الصيانه , تم ذكر جميع البنود الاضافيه متل جميع انواع الزيوت ( كم او مده ) و فى نفس السياق تم ذكر سير الكاتينه ( كم ) فقط و و لم يحدد له مده كما فعل فى الاصناف الاخرى

مما يجعلنى اعتقد ان سير الكاتينه لا يتلف بالزمن و يتم تغييره بعد كميه التآكل المسموح بها ( و هذا استنتاج منى بناءا على ما ذكر فى دفتر الصيانه ) ؟؟

سؤال

ما هى نصيحتك لى بخصوص السير طبقا لما وضحته لك ؟؟
هل هناك سبب هندسى او علمى يوضح عدم تأثر سير الكاتينه بالزمن بالرغم من انه كاوتش ؟؟

قى امان الله .. تحياتى

[tasaka]

سؤال آخر

عند الكشف على سير الكاتينه عند ميكانيكى توكيل .. هل هناك مؤشرات او علامات محدده تبين مدى صلاحيه سير الكاتينه من عدمها ؟؟

مع وافر التحيه

[ehabpopo]

سؤال مهم فعلا .... متابع معاك ... بس حد من الخبراء يفيدنا

[shake]

متا بع

[shadyselim]

متابع

[hugan]

رد من الموبايل علي ماروح
حاليا عامل 56الف بالسير اﻻصلي ومش هاغيره غير علي 70
السير والبلي اﻻصلي اللي نازل مع العربيه وهي زيرو
ﻻيعوض
ﻻءن اعرف ناس تخطت السبعين من الزيرو وماغيرتش
للعلم الكلام علي كل الموديلات واﻻنواع
يعني اعرف ناس معاها بومه تخطت ال 100
الف كيلو يالسير اﻻصلي مع العربيه من الزيرو

[adel_edrees]

60 ألف أو 3 سنين أيهما أقرب الكلام ده نهائى و لا جدال فيه تمام عايز أنت بقى تمشى براحتك خلاص أمشى

[tasaka]

رد من الموبايل علي ماروح
حاليا عامل 56الف بالسير اﻻصلي ومش هاغيره غير علي 70
السير والبلي اﻻصلي اللي نازل مع العربيه وهي زيرو
ﻻيعوض
ﻻءن اعرف ناس تخطت السبعين من الزيرو وماغيرتش
للعلم الكلام علي كل الموديلات واﻻنواع
يعني اعرف ناس معاها بومه تخطت ال 100
الف كيلو يالسير اﻻصلي مع العربيه من الزيرو

شكرا لاعضاء المنتدى الكرام لتقضلهم بالاهتمام و المتابعه ..

و شكر خاص جدا جدا للعضو الكريم hugan لتفضله بالرد , و حقيقه عندما كتبت الموضوع وجهت السؤال له تحديدا لثقتى فى حسن تقديره و خبرته فى فهم المشكله .. ثم استنتاج الحل ( العملى المناسب ) به بعض الحذر الفطرى المحمود لموازنه الميزات و العواقب

انطباعى العام مما قرأته فى المنتدى الايام الماضيه بخصوص سير الكاتينه

1 - هذا ذكره فقط العضو الكريم hugan .. و اوافقه الرأى 100% .. سير الكاتينه الاصلى الزيرو ممكن 70 او 80 الف بدون خوف بغض النظر عن عدد السنوات .. و لا يمكن تعويض السير و البلى مره اخرى حتى لو بالاصلى

و تجربتى الشخصيه فى عربيه زيرو كورى سابقه .. اعتقد انا غيرت السير على 55,000 او اكثر .. لا اتذكر .. و كان ده بعد حوالى خمس او سته سنوات تقريبا ؟؟


و تصديقا لكلام العضو الكريم hugan هذا اقتباس من رد احد الاعضاء اليوم

انا معايا لانسر بومة السير الاصلى عامل 35000 و هو بيتغير على 80000 و العربية 2006 يعنى بقالها 9 سنين و مش عارف برضو اغيرة و الا استنى ال كم؟؟؟؟؟

2 - الخوف و الحذر ناتج من ركن السياره بدون استعمال لفتره طويله ( مرفوعه مثلا ) .. .. و هذا ذكره فقط العضو الكريم hugan فى موضوع آخر فى المنتدى

3 - الخوف و الحذر ناتج من مرور فتره زمنيه طويله على السير ( حتى لو السياره كانت تستعمل بصوره منتظمه طوال الوقت .. .. و هذا ذكره فقط العضو الكريم ALshahba فى موضوع آخر فى المنتدى .. و لكن تجربتى الشخصه سابقا فى كورى زيرو تغيير السير على 55 الف بعد 5 او 6 سنوات

4 - الخوف و الحذر ( انطباعى انا الشخصى ) من اسم ابو الفت............. , فما يسرى على الماركات الاخرى كمبدأ عام .. اشك كثيرا كثيرا انه يسرى على هذا الاسم .. هذا بخصوص ال Choice of materials Quality .. و الله اعلم و الحذر واجب

اسلوب استعمال السياره مع المالك الاول قبلى

قمت بالاتصال بالمالك الاصلى لمعرفه تاريخ الاستعمال .. لان هذا هو الفيصل لبيان هل نعتبر السياره مرفوعه ام استعمال سنوى خفيف .. و بالتالى قرار تغيير السير من عدمه

متوسط الاستهلاك السنوى لها 2,500 كم فى السنه
السياره كانت تستعمل شهر او اكثر قليلا كل عام
يتم رفع السياره فى جلراج مغلق حتى العام التالى
كل سته اشهر اثناء رفعها .. يتم تدوير السياره لشحن البطاريه

بمعنى ان الموتور يتم تدويره مره كل سته اشهر .. ثم بعد سته اشهر اخرى تخرج السياره للاستعمال لمده شهر بتمشى في الشهر ده 2,500 كم السنويه بتاعتها

أسئله

- هل تعتبر طريقه استعمال المالك الاول المذكوره سابقا ان العربيه ( مرفوعه ) الاربع سنين .. ام يتم اعتبارها استعمال خفيف دورى ؟؟؟؟؟؟؟؟؟؟؟

- بتدوير الموتور كل 6 اشهر لفتره بسيطه ثم استعمالها شهر بعد سته اشهر أخرى .. هل تتلف البليه و ايضا السير

- هل تتلف البليه ( بسبب عدم دورانها ) عند رفعها لمده لسنتين مثلا ؟؟

- النصيحه بخصوص ( تغيير سير الكاتينه و البلى - او تغيير السير فقط بدون البلى - ام عدم التغيير حاليا ) ..

و فى حاله اختيار النصيحه بعدم تغييره حاليا .. قما هى المده و الكيلومتر المقترحه للتغيير لاحقا

فى امان الله .. تحياتى

[tasaka]

اعرف ناس تخطت السبعين من الزيرو وماغيرتش
للعلم الكلام علي كل الموديلات واﻻنواع
يعني اعرف ناس معاها بومه تخطت ال 100
الف كيلو يالسير اﻻصلي مع العربيه من الزيرو

اقرأ فى بعض المنتديات الاجنبيه .. البعض مشى 200 الف كيلو على السير الاصلى و لم يتلف بعد ( تويوتا ) .. .. ال 200 الف كيلو كان على سير كاوتش ( Belt )

يتحدثون عن التغيير على 80 الف ( ميل و ليس كم ) على انه تغيير ( حذر !!!! ) .. و البعض 20 سنه استعمال و مازال و الكيلومتر له كان 20 الف كيلو

و لكن عموما لا استطيع التأكيد الا بعد مراجعه دقيقه لموديل كل حاجه و هل هو سير كاوتش ( Belt ) أو كاتينه ( Chain )

و عموما الخوف و الحذر ( انطباعى انا الشخصى ) من اسم ابو الفت............. , فما يسرى على الماركات الاخرى كمبدأ عام .. اشك كثيرا كثيرا انه يسرى على هذا الاسم بسبب تجربتى مع قطع الغيار .. و الله اعلم و الحذر واجب

عموما استطيع ان اثق اكثر فى التوكيل الرئيسى .. و لكن للاسف انا غير مقيم فى القاهره حاليا

فى امان الله .. تحياتى

[hugan]

بالتوفيق
انت ممكن تكشف علي السير عند اي ميكانيكي مختص
او مركز
او التوكيل
وستعتها تقرر ان كنت تغير السير من عدمه
لكن زي ما وضحت ان الرفع المستمر لمد طويله يخوف فعلا والاكيد ان السير هايشقق
وقابل للقطع بسهوله
لسه واحد علي الجروب عربيته18 الف كيلو
لكن مرفوعه 4 سنوات
السير مشقق وخارج حالته كرب وغير صالح تماما
تاكيد ا لجوده السير الاصلي
عربيتي القديمه 516
سير التكييف اشتغل معايا 90 الف

[tasaka]

بالتوفيق
انت ممكن تكشف علي السير عند اي ميكانيكي مختص
او مركز
او التوكيل
وستعتها تقرر ان كنت تغير السير من عدمه
لكن زي ما وضحت ان الرفع المستمر لمد طويله يخوف فعلا والاكيد ان السير هايشقق
وقابل للقطع بسهوله
لسه واحد علي الجروب عربيته18 الف كيلو
لكن مرفوعه 4 سنوات
السير مشقق وخارج حالته كرب وغير صالح تماما
تاكيد ا لجوده السير الاصلي
عربيتي القديمه 516
سير التكييف اشتغل معايا 90 الف

العضو الكريم hugan , انا متشكر جدا لاهتمامك .. و كنت اتطلع لمعرفه رأيك .. السير الاصلى الزيرو به خاصيه التمدد على لفات الموتور السريعه .. و لا توجد هذه الخاصيه مره اخرى حتى فى سيور التوكيل الاصليه

كشفت على السير عند ميانيكى عادى ( لا اعرفه جيدا ) و قال لى كويس ..
اتعرفت على ميكانيكى عمل سابقا لفتره طويله جدا فى التوكيل .. ساجعله يكشف عليه و مبدئيا قبل ان أذهب له قال لى على التليفون بعد الشرح ان ممكن اكمل لحد 20 الف

هل كانت سياره العضو مرفوعه 4 سنوات مستمره ؟ ام يتم استعمالها كل سنه ؟

هل تدوير الموتور ( السير يعمل ) كل سته اشهر بالكتير = مرفوعه 4 سنوات ؟

و اذا غيرت السير هل اغير البلى ايضا ؟؟؟؟ ام اقوم بتغيير سيور فقط مع ترك البلى و استعمال السير الجديد 25 الف كيلو او اقل قليلا

و ما هو افضل نوع سير كاتينه لل 620 ؟


أرجو الا تتحفظ فى ابداء الرأى .. انا فى النهايه ساستمع لكل النصائح ثم اتخذ قرارى الشخصى ( اول سياره ملكتها كانت من 40 سنه .. يعنى اتهريت فى العربيات )

فى امان الله و تقبل تحياتى

[tasaka]

بالتوفيق

تاكيد ا لجوده السير الاصلي
عربيتي القديمه 516
سير التكييف اشتغل معايا 90 الف

فيه عربيه بيجو 307 موديل 2008 .. نفس وضع سيارتى صاحبها بيسافر و بيستعملها شهر واحد كل سنه و بقى لها الان 7 سنوات على السير الاصلى

تحياتى