ارجوا الافاده باسرع وقت حول شراء اسبرنزا a516

[محمود الغندور]

انا ببحث عن سياره في الحدود من 40 ل 50 الف صاحبي نصحوني اجيب اسبرنزا a516 وسمعت عنها كلام تحفه وانا احلى عربيه في السعر ده وبعض الناس خوفوني من قطع غيارها وان الميكانيكيه مش بيرضوا يشتغلوا فيها والكل نصحني اني ماجبش غير موديل 2007 او 2008 بس لان دول احلى موديلين فيها لان المكنه الماني او نمساوي والعفشه برضه انما من اول 2009 قلبت كلها صيني
انا عاوز اعرف هل فعلا 2007 و 2008 اللي ادور عليهم ولا الموديلات الاحدث احسن خصوصا ان السعر مناسب معايا حتى لو موديل 2012 وتاني حاجه انا من الزقازيق هاعرف اصرفلها قطع غيار وصيانه ولا هاتسوح للقاهره كل شويه وايه نصايحكوا ليه .. ارجو الاهتمام والرد عشان انا محتار وعاوز اجيب احسن حاجه في حدود 45 كده شكرا

[توتى توتى]

من بحثى عنها العربيه ممتازه بس بشرط تكون مانيول وقطع غيارها متوفره ورخيصه جدا وكلها امكانيات وافضل من غيرها فى نفس فئتها وارخص من لانوس وفيرنا

[momae]

ليه شرط تكون مانيوال
انت جربت الاوتوماتيك وطلع وحش

[hugan]

516 والتيجو الشكل القديم تقدر تقول فلته ومش هاتتكرر
اما بخصوص الميكانيكيه طبعا مش اي حد يشتغل فيها
ليها الميكانيكه والورش والمراكز الخاصه بيها

[محمود الغندور]

شككرا عالرد بس هل فعلا احسن موديلين 2007 و 2008 ولا اجيب موديل اعلى عادي لاني ممكن اجيب 2011 او 2012

[bassemali]

انا الحمد لله معايا 516 موديل 2012 وزي الفل بقالها 3 سنين .. بل بالعكس الموديلات الأحدث تفادوا فيها عيوب كانت في الموديلات الأقدم على سبيل المثال .. العربيه عندي كان فيها حدفه شمال ولما رحت للعفشجي لقى بيض المقصات عايز يتغير ولسه الصبي بتاعه بيقوله البيض يااسطى قاللي تروح تجيب جوز مقصات جداد بتوع الانسر ب 800 جنيه .. الواد الصبي قاله لأ يا أسطى البيض ممكن يتحل ويتغير قاله إزاي هيا العربيات دي كلها مقصات لانسر هيا العربيه دي موديل كام قلتله 2012 قاللي يبقى أكيد غيروها .. وروحت جيبت جوز البيض ب 150 جنيه والحمد لله بقت زي الفل .

[محمود الغندور]

انا الحمد لله معايا 516 موديل 2012 وزي الفل بقالها 3 سنين .. بل بالعكس الموديلات الأحدث تفادوا فيها عيوب كانت في الموديلات الأقدم على سبيل المثال .. العربيه عندي كان فيها حدفه شمال ولما رحت للعفشجي لقى بيض المقصات عايز يتغير ولسه الصبي بتاعه بيقوله البيض يااسطى قاللي تروح تجيب جوز مقصات جداد بتوع الانسر ب 800 جنيه .. الواد الصبي قاله لأ يا أسطى البيض ممكن يتحل ويتغير قاله إزاي هيا العربيات دي كلها مقصات لانسر هيا العربيه دي موديل كام قلتله 2012 قاللي يبقى أكيد غيروها .. وروحت جيبت جوز البيض ب 150 جنيه والحمد لله بقت زي الفل .

شكرا للافاده بس انا والناس بنتكلم في المكنهواه بتاعت ال 2007 و 2008 بيقولوا الماني اواانما الموديلات اللي بعد كده صيني ماوممكن يكونوا فادوا عيوب الموديلات القديمه بس كل محتوياتها بقت صيني فده يبقا عيب كل اللي بيكلمني يقولب خليك ف 2007 و 2008 بس

[توتى توتى]

ليه شرط تكون مانيوال
انت جربت الاوتوماتيك وطلع وحش

لا ن العربيه مش بتنزل غير مانيوال والاتوماتيك بتاعها بيبقى متعدل ومتسقطله موتور لانسر بفتيس اتوماتيك

[hugan]

طبعا هات موديل اعلي افضل
مفيش حكايه الماني وصيني
المواتير كلها صيني نفس التصميم

[bassemali]

طبعا هات موديل اعلي افضل
مفيش حكايه الماني وصيني
المواتير كلها صيني نفس التصميم

صح الكلام ده.. المواتير واحده من 2007 لغاية اخر موديلاتها 2013