رجرجه فى ماتور ال 516

[amir salah]

السام عليكم
اتشرف بكونى عضوا فى هذا المنتدى الرائع
عندى مشكله فى العربيه وهى انى بحس برجه فى المكنه مش عارف ايه سببها وصوت العربيه بيروح ويجى
مش عارف افسرها وكمان الصوت بتاع المكنه عالى فهل الصوت العالى ده عادى
وشكرا لكم

[Abo_Mazen]

بوجيهات ..موبينا

[amir salah]

بالنسبه للبوجيهات انا لسه مغيرها
سؤال هيه الموبينه مش بتبان فى فحص الكمبيوتر
فيه حاجه كمان انا كنت عامل دوره تنظيف بنزين كامله ممكن تاثر
ولك جزيل الشكر

[Abo_Mazen]

بالنسبه للبوجيهات انا لسه مغيرها
سؤال هيه الموبينه مش بتبان فى فحص الكمبيوتر
فيه حاجه كمان انا كنت عامل دوره تنظيف بنزين كامله ممكن تاثر
ولك جزيل الشكر

آه ليها تأثير طبعا ...كده الرشاشات دخلت في السكة معانا

[hugan]

ووممكن قواعد موتور لو الرجرجه في الطلعه او سلانسيه
الموبينا العربيه تقطع مش تترجرج
ممكن لوتوضح اكتر ايه هي دوره تنظيف الوقود
عملتها فين وازاي

[Abo_Mazen]

ووممكن قواعد موتور لو الرجرجه في الطلعه او سلانسيه
الموبينا العربيه تقطع مش تترجرج
ممكن لوتوضح اكتر ايه هي دوره تنظيف الوقود
عملتها فين وازاي

ما هو المشكلة إنه ممكن يكون إستخدم منظفات رشاشات ..وحضرتك عارف بقى حوارات المنظفات لما تتحط على تانك مش مليان أو تتحط وتتساب فتره في التنك ..ممكن تعمل معاه تسييل في الرشاشات

[abokoko]

ووممكن قواعد موتور لو الرجرجه في الطلعه او سلانسيه
الموبينا العربيه تقطع مش تترجرج
ممكن لوتوضح اكتر ايه هي دوره تنظيف الوقود
عملتها فين وازاي

لو قواعد موتور
هل الرجة تبقي ثابتة
؟؟
و لا مرات و مرات
يعنى حسب الطلعه مايلة لفوق و لا عدلة
مركب كام واحد
الجو حر و لا بارد
الاخيرة تخمين على اساس الحرارة بتاثر فة كاوتش القواعد

هل الكلام منطقي ولا غلط
؟

[hugan]

ما هو المشكلة إنه ممكن يكون إستخدم منظفات رشاشات ..وحضرتك عارف بقى حوارات المنظفات لما تتحط على تانك مش مليان أو تتحط وتتساب فتره في التنك ..ممكن تعمل معاه تسييل في الرشاشات

تمام
علشان كده عايز اعرف نظف دوره الوقود ازاي

[hugan]

لو قواعد موتور
هل الرجة تبقي ثابتة
؟؟
و لا مرات و مرات
يعنى حسب الطلعه مايلة لفوق و لا عدلة
مركب كام واحد
الجو حر و لا بارد
الاخيرة تخمين على اساس الحرارة بتاثر فة كاوتش القواعد

هل الكلام منطقي ولا غلط
؟

كلام سليم
غالبا الرجرجه بسبب القواعد بتظهر في الطلعه
لو كابس بنزين جامد مش بتظهر
وبتظهر فعلا اكتر في المطالع والتحميل
لكن الحراره مش هاتفرق ﻻءن القاعده مقطوعه طبيعي

[amir salah]

اشكركم جميعا للاهتمام
بس الرجه اللى بتكلم عليها هزه مش جامده على السلانسيه وصوت المكنه زى لما تكون عايز تظبط كهربه العربيه الاسبراتير فى السيارات الفيات كمثل واحيانا بتبان فى الاول والتانى بتروح لو زودت بنزين
بالنسبه لمنظف دوره البنزين فانا عملته باتى اضفت المنظف فى التنك و كان فيه اقل من 7لتر و فولت عليها بس الغلطه اللى انا عملتها ان المفروض امشى واحرق على الغيار زى ما عرفت من المنتدى الكريم وانا ماعملتش كده انا مونت وروحت على البيت
انا متابع مع مركز صيانه بس نظرا لقله خبرتى بالسياره مش قادر احكم ايه اللى مفروض اعمله
ومعلش طولت عليكم
ورمضان كريم

[Abo_Mazen]

انا مونت وروحت على البيت

إنت بكلامك ده بتشاور لنا على الرشاشات على فكره ...

[amir salah]

طب لو الرشاشات اعمل ايه

[Abo_Mazen]

طب لو الرشاشات اعمل ايه

تتفك وتتحط على جهاز الترا سونيك ويتشاف إيه الرشاش اللي بيسيل ..أو إيه الرشاش المكتوم

[amir salah]

وجهاز الالترا سونك بيكون موجود بمركز الصيانه و منتشر ولا ناس معينه اللى بتشتغل بيه ؟
وشاكر لاهتمامك
وليا سؤال اخير ميه العربيه بتنقص بس العربيه مش بتسخن دا ممكن يكون من ايه ؟
معلش بسال كتير بس ما خاب من استشار

[hugan]

وجهاز الالترا سونك بيكون موجود بمركز الصيانه و منتشر ولا ناس معينه اللى بتشتغل بيه ؟
وشاكر لاهتمامك
وليا سؤال اخير ميه العربيه بتنقص بس العربيه مش بتسخن دا ممكن يكون من ايه ؟
معلش بسال كتير بس ما خاب من استشار

مياه العربيه بتنقص
غير غطاء القربه بغطاء قربه اوبل فيكترا
بس المهم يكون اصلي