مطلوب مساعدة بخصوص تغيير فلتر بنزين 516 بنفسي

[erada]

الرجاء من عمالقة المنتدى مساعدتى في تغيير فلتر بنزين لاسبيرانزا 516 وبالذات في الآتى حيث انني من المبتدئين:

*اين يوجد الفلتر بالضبط لاني بحثت على النت ووجدت موضوعات مبهمه وصور غير واضحة

* هل يمكن ان اغيره بنفسي ولا لزم عند ميكانيكى خصوصا ان واحد في منتدى اخر بيقول انها عمليه سهله ممكن تعملها بنفسك

* بحثت عن الفلتر ولم اجد فلتر اصلي فهل يمكنني استخدام فلتر بنزين لانوس ii ؟

وشكرا لكل مساعدة مقدما

[دكتور خالد]

الفلتر فى بطن العربية ورا تنك البنزين -تحت الكنبة فى النص بالظبط - لازم تنزل تحت العربية علشان تغيره - علشان تغيره العربية تكون مبطله تنزل تحت العربية - تفك فيشة الكهربا بتاعته - تفك الخرطومين اللى راكبين فيه و تخلى بالك كويس من اتجاه السهم - الخراطيم راكبه كبس مش بافيز هتغط عليها و تشد لبره - بعد كده تفك الفلتر من الصاجه اللى متعلق فيها - و تركب الجديد بنفس الطريقة و متنساش حاجتين - توصل فيشة الكهربا و اتجاه السهم - بالنسبة للفلتر موجود عند كل بتوع قطع غيار الصينى ب 15 جنيه و ممكن بتاع نوبيرا يركب برضه لانوس 2 معرفش يركب ولا لا

[miam0502788391]

ابالنسبة للفلتر موجود عند كل بتوع قطع غيار الصينى ب 15 جنيه و ممكن بتاع نوبيرا يركب برضه لانوس 2 معرفش يركب ولا لا

طيب الأصلى بتاعها بكام يا دكتور خالد ؟؟

[hugan]

فلتر دايو انضف
وتغييره سهل زي ما الدكتور خالد وضح

[erada]

الفلتر فى بطن العربية ورا تنك البنزين -تحت الكنبة فى النص بالظبط - لازم تنزل تحت العربية علشان تغيره - علشان تغيره العربية تكون مبطله تنزل تحت العربية - تفك فيشة الكهربا بتاعته - تفك الخرطومين اللى راكبين فيه و تخلى بالك كويس من اتجاه السهم - الخراطيم راكبه كبس مش بافيز هتغط عليها و تشد لبره - بعد كده تفك الفلتر من الصاجه اللى متعلق فيها - و تركب الجديد بنفس الطريقة و متنساش حاجتين - توصل فيشة الكهربا و اتجاه السهم - بالنسبة للفلتر موجود عند كل بتوع قطع غيار الصينى ب 15 جنيه و ممكن بتاع نوبيرا يركب برضه لانوس 2 معرفش يركب ولا لا

أنا عاجز عن شكرك يا دكتور خالد لسرعة ردك و اهتمامك بالتفاصيل.. الحمد لله غيرت الفلتر بس كنت عاوز أسأل عن سبب حدوث تنتيشة في العربية على أول غيار خصوصا اني كنت شاكك في الفلتر بس طلعت المشكلة لسة موجودة وخايف أروح لميكانيكي يكبر لى المسائل

[mramzy]

أنا عاجز عن شكرك يا دكتور خالد لسرعة ردك و اهتمامك بالتفاصيل.. الحمد لله غيرت الفلتر بس كنت عاوز أسأل عن سبب حدوث تنتيشة في العربية على أول غيار خصوصا اني كنت شاكك في الفلتر بس طلعت المشكلة لسة موجودة وخايف أروح لميكانيكي يكبر لى المسائل

رجلاش حساس الدبرياج

[دكتور خالد]

رجلاش حساس الدبرياج

فعلا هوه حساس الدبرياج - هتلاقى صباع اسود كده تحت دواسة الدبرياج هتشده لبره و تسيبه - لو المشكلة متحلتش فك الفيشة بتاعته خالص هوه ملهوش لازمه اساسا و معظم الناس بتفصله خالص و ملهاش اى اعراض جانيبة - انا فاصله عندى فعلا -