تقييم اخير اسبرنزا 113

[medo5th]

السلام عليكم يا جماعه الخير
عارف ان الموضوع دا اتعمل قبل كدا
و لكن ممكن يكون فيه تجارب جديدة ظهرت و اكيد رأيكم مهم ليا
المطلوب تقييم سبرنزا 113 موديل 2009 و 2008 و متوسط السعر
و اخيرا اذا حد عايز يبيع
و شكرا مقدما

[medo5th]

كل المشاهدات و مفيش رد :(

اتمني الاقي رد بعد كل المشاهدات دي كلها

[سماعمرو]

متوسط السعر من 35 ألي40 الف

[medo5th]

شكرا يافندم على الرد
و اتمني معرفه تجربه حضرتك اذا امكن

[ayman salem]

بص حضرتك تجربتي مع العربيه
العربيه امكانيتها جميله باور وكاسيت سي دي ومكان للفلاشه 1300 ccموفره جدا في البنزين خاصه في السفر تكيفها لما يتظبط ويتصان بيبقي تلاجه خاصه علشان صغيره
فيها امبوليزر في المفتاحين ووحده رفع و فرامل ABS
بتشيل لحد 5 افراد جوه البلد وعلي سفر ومفهاش مشكله وقطع الغيار متوفره و تمنها في متناول الايد
عيوبها من وجهه نظري العفشه محتاجه علي الاقل كل شهرين تلاته تتربط و عدم وجود شنطه كافيه في حالات السفر بضطر احط علي الكنبه وايضا سوء بعض قطع الغيار عند ببعض الموزعين
ارجو ان اكون افادتك وبالتوفيق

[medo5th]

شكرا يافندم على الرد و موضوع العفشه شكله كدا حاجة عامه علشان العفشه سبورت و لكن سمعت ان ممكن يتم تغيير المساعدين بنوع اخر لحل مشكله النشفان دا و التربيط المتكرر
ناقص بقي اعرف الاسعار

[hugan]

حاليا موجود مساعدين كوري ليها امامي
وكي واي بي ياباني خلفي

[MMMERO]

عربية زوجتى هعرضها للبيع على شهر 4 اللى جاى ان شاء الله والسبب انها عاوزة اتوماتيك العربية 2008 التقفيل الصينى فابريكة جوة راشة برة ماعدا السقف والعربية ماشية حوالى 78 الف حتى الان كل الصيانات معمولة والتكييف مشحون وطقم الكاتينة متغير فى التوكيل من 15 تقريبا وطقم الدبرياج متغير من 3 الاف واللون سمواى مش محتاجة حاجة

[medo5th]

ممكن رقم تليفون حضرتك للتواصل
انا جار حضرتك ف المعادي بردو

[medo5th]

او تفضل بالاتصال على رقمي و ذلك لاني لا اتابع هنا كثيرا
01115575777

[MMMERO]

تمام انا هكلمك اول ما انوى ودى نمرتى 01220664506