لمبة Eps قالقاني جدا..لو سمحتو حد خبير يجاوب

[hossam_aj]

انا كنت ماشي في شارع ابو قير في اسكندرية وبعدين الفتيس علق معايا عند المور...فدوست سنة بنزين وانا مش واخد بالي فصوت الماتور علي شوية.....بعدين نقلت للتالت عادي...بعدها علطول لقيت لمبة ال Epc نورت....وبعديها شوية طفت ومظهرتش غير بعد الحكاية ديه بخمس ست ساعات وبرضه اختفت تاني........انا مش فاهم معناها.....مع العلم ان محصلش اي حاجة في الموتور صوته زي مهوه وسحب العربية زي ماهوه بس بيتقل شوية ساعة لما اللمبة ديه بتنور ومجرد ماتتطفي السحب بيرجع تاني........بليز حد يفهمني قصة اللمبة ديه من اولها واعمل ايه لو فيه اي مشكلة ممكن تحصل

[mrbond88]

بص في الكتالوووووج

[mrbond88]

بص يا باشا ال Epc دة

بيعتبر مجازا الكمبيوتر بتاع الموتور اللى بتختبر عمل العدادات المرتبطه بالموتور

المفروض و الطبيعي انها تطفي بمجرد تشغيل الكونتاكت بدون تشغيل الموتور بعد لمبه ال Abs و لما تشغل الموتور باقي اللمبات اللى في التابلوه زي الزيت و البطاريه و كدة تطفي

حاجة من الاتنين :

يا اما اللمبه دي بتفضل منورة و تطفي عند تشغيل الموتور فالمشكله في حاجة اسمها حساس العادم و هنا الحل بسيط بيتنظف فقط في التوكيل و يرجع زي الاول .. الحساس دة بيكون اودام المانفول بتاع الشكمان و له علاقه بالبنزين و نسبة الكاربون .. و لازم يتم تنظيفه عشان ميأثرش على عمل الرشاشات و المحرك بصفه عامه

الحاجة التانيه ان اللمبه تفضل منورة حتى بعد تشغيل المحرك فدة معناها خلل في الموتور و مينفعش تسكت عليها

[hossam_aj]

شكرا جدا لردك بس انا برضه مفهمتش........اللمبة ديه ساعات بتنور وساعات كتيرة لا.......يعني لما بشغل الكونتات بتختفي فترة كبيرة وبعد ساعات تظهر واننا ماشي تقعد عشر دقايق وتختفي

[Kareem Khattab]

لمبة ال EPS بتاعة الباور الكهربا
Electric Power Steering
و بتنور لما يكون فيه مشكله في الباور عشان كده بتلاقي الباور بيتقل

[Eng.Ihab]

عذرا متهيألى حضرتك بتتكلم عن لمبة الepc
و ليس الeps

فى الحالة دى لن يكون لها علاقة بباور العربية