خراطيم قلب الطلمبه

[الهاشمى]

بدايه المشكله فكيت الطلمبه عندميكانيكى عشان انظف المصفى وهووبيفك الطلمبه من بعض كان بيشرب سجاير النار مسكت فى الطرمبه واكلت الخرطومين السحب والراجع واكلت راس الطلمبه وربنا ستركان شغال بعيدمن العربيه المهم اشترين راس الطلمبه بمبلغ180جنيه وراح ركب خراطيم المهم يوم والتانى العربيه مش عايزه تدور جبت المكانيكى فك اطلمبه لقى خرطوم السحب ملص من مكانه جاب خرطوم تانى وركب برده يومين نفس القصه ضغط الطلمبه خلى الخرطوم يضرب مع سخونه البنزين والخرطوم اتطبق والخراطيم الاصليه عباره عن خراطيم بلاستك ياى رحت اشترى نفس الخراطيم من كذا محل قلى لازم لاتشترى الراس كامل لتشترى الطلمبه اما الخراطيم مش بتتباع لوحدها ودلوفتى انامركب خرطوم ومستنى العربيه بقى توقف فى اى مكان وعارف مش اى خرطوم هينفع عشان دا بيكون فى التنك وعايم فى البنزين ومش عارف اعمل ايه

[دكتور خالد]

اشترى طرمبة كامله و ريح دماغك

[hemaa_82]

و كدة كدة اللي معاك تشتغل قطع غيار

[م/أحمد عبد الفتاح]

ممكن تجرب تركب حاجه شبيهة بالخرطوم بتاع طلمبة البنزين وهى الهيت شرينك heat shrink (مكرونة حرارية) خاصة بعزل اسلاك الكهرباء وبتتباع بالمتر حاتجيب الأطوال المطلوبة وبقطر اوسع شوية من بزبوز الطلمبة وبعدين تدخل الخرطوم من الناحيتين وبولاعة أو سيشوار تسخن على الحتة اللى داخله فى البزبوز (ماتخليش النار بتاعة الولاعة تيجى عليها يادوب الصهد بتاع الولاعة حايقوم باللازم) لغاية ماتلاقيها كشت وبقت ماسكة جامد ومش بتملص - بس الموضوع ده أنا مجربتهوش لسه علشان كده لازم تجربها بإنك تجيب حته صغيرة الاول وتنقعها فى شوية بنزين فى علبة حلاوة بلاستيك او برطمان مقفول يومين مثلاً وتشوفها حتتاكل ولا حاتفضل سليمة لو فضلت سليمة يبقى نفذ الفكرة وابقى طمننا .

[nodey]

لللاسف حصل معايا نفس قصتك وتم شراء خرطوم من عند بتوع الاستيراد
ونصيحه الخرطوم ده بمواصفات خاصه ومفيش انواع اي كانت تفي بالغرض وجرب تنزل تجيب من عند بتوع الاستيراد

[الهاشمى]

النهرده الحمدلله خلصت المشكله بالصدفه عديت على محل قطع غياراستيراد لقيت خراطيم اوبترا نفس الخراطيم وركبتها النهرده بس العوامه خرفت مش مظبوطه وعلى فكره لقيت قطع غيار لاوبترا تركب عندى طبق الاصل زى طنابيرجلب مقصات حتى المساعدين