استفسارات من عضو جديد

[Mahmoud amer]

السلام عليكم ورحمة الله
انا عضو جديد معاكم هنا بس بقالى فتره بتابع المشاكل و الحلول ...ربنا يبارك فيكم
انا جبت اسبرانزا ٥١٦ من ٣ شهور الحمد لله
دى اول عربيه اجيبها واتعلمت عليها السواقه يعنى انا ابيض من كله
العربية بالنسبالى وسيلة مواصلات لحد مابدأت اتابعكم حسيت الموضوع كبير
انا عاوز استفسر عن كام حاجه كدا
موضوع التسارع
انا قريت هنا ان العربيه بتوصل ل ١٤٠ ع الرابع و ٨٠ ع التانى وانا عربيتى اقل من كدا بكتييييييير
تانى حاجه صوت الماتور عالى شويه مااعرفش سببه ايه وماعرفش اللى اشتريت منه العربيه كان فاصل علبه البيئة ولا لا
انا عارف انى طولت عليكم بس استحملونى لانى هاخنقكم كتير الفترة الجاية

[sherif_mahalla]

مفيش خنقة و لا حاجة
مطلوب بس من حضرتك تكتب كل البيانات و المعلومات المتاحة عشان أي حد يقدر يرد علي إستفساراتك
يعني العربية موديل كام
عاملة كام كيلو
عملت فيها صيانات
و و و كل شئ

[hugan]

الارقام دي الطبيعي بتاع العربيه حسب الكاتلوج
لكن اصح
الثاني 60
الثالث90
الرابع 120
الخامس مفتوح
الموتور طبيعته صوته عالي وشوف انت غيرت زيت امتي وفلاتر
وراجع علي الكاتينه اهم حاجه
في انتظار تقول العربيه عامله كام كيلو

[م/أحمد عبد الفتاح]

ماتحطش فى دماغك الكلام ده لانه ده الحد الاقصى للنقلة ومش المفروض انك تستنى العربية لما تجيب ١٤٠ علشان تنقل للخامس يبقى كده عمرك ماحاتجيب الخامس ابدا ولاعمرك حاتستنى العربية تجيب ٨٠ علشان تنقل للتالت !!!!
اهم حاجه فى الاول انك تكون ظبطت العربية من بوجيهات وفلاتر وزيوت وسيور وكشف عالتيل والعفشة - وانك تتابعها بقياس الزيت والمية الصبح قبل ماتدور كل يومين ولما تتطمن لها يبقى كل اسبوع مثلا - وتتابع استهلاك البنزين ومايكونش فيه لمبات اعطال منورة فى التابلوة وتتابع مؤشر الحرارة هل فى وضعه المظبوط . وربنا يباركلك فيها ان شاء الله ويديك خيرها ويكفيك شرها .

[Mahmoud amer]

العربية مو ديل 2008
دلوقتى ماشية 103000 كيلو
اول ماجبتها غيرت سير كاتين ه وفلاتر وزيت
بس موضوع الصوت ممكن يكون طبيعى انا اول مره اركب عربية يعنى خبرتى فى عربيات تانيه معدومة
بمعنى اصح المعلومات الاساسية عن العربيات بعرفها دلوقتى لسه

[Mahmoud amer]

ماهو انا بنقل مابين 2.50 و 3 فى عداد الامبير
دا صح ولا غلط؟

[Mahmoud amer]

انا غيرت البوجيهات والميكانيكى قالى السيور كويسة فغيرت سير الكاتينه بس
و قياس الزيت والمية الحمد لله بقيت ياخد بالى منهم
وروحت ربط عفشة بس اجلتها لحد مااتعلمت عليها

[hugan]

ماهو انا بنقل مابين 2.50 و 3 فى عداد الامبير
دا صح ولا غلط؟

مواتير اسبرانزا افضل مشوار لنقل الغيار
هو 4 ار بي ام
علشان العربيه تحس بسحبها وكده تتعتبر داخل معدل الامان الطبيعي وبدون حرق او تحميل علي الموتور
نصيحه اخري لوحه الله
ماتصينش العربيه غير عند ميكانيكي مختص اسبرانزا فقط
مش اي حد يشتغل فيها

[Mohamed Desoky]

مواتير اسبرانزا افضل مشوار لنقل الغيار
هو 4 ار بي ام
علشان العربيه تحس بسحبها وكده تتعتبر داخل معدل الامان الطبيعي وبدون حرق او تحميل علي الموتور
نصيحه اخري لوحه الله
ماتصينش العربيه غير عند ميكانيكي مختص اسبرانزا فقط
مش اي حد يشتغل فيها

استاز ورئيس قسم الاسبيرانزا هوجان فعلا لازم ار بى ام على 4 ده الطبيعى لكل محركات الشيرى لقوة المحرك لان 516 وزنها تقيل يعنى دبابه صغيره ومفيش خبير فى 516غير هوجان وبس

[Mahmoud amer]

تسلمولى .....ربنا يبارك فيكم

[Colin Chapman]

تسلمولى .....ربنا يبارك فيكم

انور سلامة لتعديل الاوتوماتيك وتركيب تيربو او حتى abs وله صفحة وجروب على فيس بوك والناس كلها بتشكر فيه

انور سلامه تعديل اوتوماتيك | فيسبوك - facebook
https://ar-ar.facebook.com/people/ان...00007575512071
انور سلامه تعديل اوتوماتيك موجود على فيسبوك. انضم إلى فيسبوك للتواصل مع انور سلامه تعديل اوتوماتيك وأشخاص آخرين قد تعرفهم. يمنح فيسبوك الناس القدرة...
تحويل اوتوماتيك \تعديل موتير \ تركيب... - انور سلامه تعد ...
https://www.facebook.com/permalink.p...59031589932&id...
تحويل اوتوماتيك \تعديل موتير \ تركيب تيربو \ تعديل عفشه\ تركيب باور \ تركيب abs كل اليزعلك من عربيتك قادرون على حله.
جيلى امجراند تم بفضل الله وعلى مستواى... - انور سلامه تعديل ...
https://www.facebook.com/permalink.p...47223601112&id...
جيلى امجراند تم بفضل الله وعلى مستواى الجمهوريه تحويل اوتوماتيك وتسقيط ... To see more from انور سلامه تعديل اوتوماتيك on facebook, log in or create an ...
انور سلامه تعديل اوتوماتيك | facebook
https://it-it.facebook.com/people/ان...00007575512071
انور سلامه تعديل اوتوماتيك è su facebook. Iscriviti a facebook per connetterti con انور سلامه تعديل اوتوماتيك e altre persone che potresti conoscere....
اتفرجو علشان معتش حد يقول انا عندى عربيه... - انور سلامه ...
https://www.facebook.com/10000757551...6632367932599/
to see more from انور سلامه تعديل اوتوماتيك on facebook, log in or create an account. Sign uplog in. Not now. English (us) · español · português (brasil) ...
انور سلامه تعديل اوتوماتيك - facebook
https://www.facebook.com/10000757551...9913219937847/
... اوتوماتيك on facebook, log in or create an account. Sign uplog in. To see more from انور سلامه تعديل اوتوماتيك on facebook, log in or create an account.


اول جيلى اميجراند فى مصر بفتيس اوتوماتيك وموتور تويوتا كورولا هو اللى عاملها !!

[Colin Chapman]

scientist9508

</B>scientist9508

[Colin Chapman]

amr011

</B>amr011