ظلمتوا اسبرانزا a213

[nona remo]

السلام عليكم . انا دخلت علي المنتدي اخد فكرة عن اسبرانزا a213 والعربية مش منشرة اوي برغم ان شكلها شيك جدا ومختلف لقيت الناس كلها بتقول ان شكلها وحش وa113 احلي شكلا وموضوع وكرهتوني فيها جدا وفضلت افكر كتير قبل ما اشتريها لاني هبيع ال قدامي وال ورايا واشتريها :-D فققرت اشوفها لاخر مرة وفعلا مقتنعة بيها جدا جدا وشكلها كمان واكتر من شخص مبهور بشكلها داخلي وخارجي العربية من جوة احسن من a113 بكتير عربية فخمة نظرا لسعرها المعقول جدا عربية واسعة وشنطة وتابلوه شيك جدا ثابتة ع الارض صوت الموتور هادي قطع غيارها موجودة ورخيصة موفرة جدا جدا ف البنزين انا بسافر بيها من الشرقية للقاهرة رايح جي ب ٣٠ ج العربية عالية عن الارض من الاخر العربية حلوة جدا يمكن العيب الوحيد ال فيها الفشة ناشفة شوية انا كان معايا الاول ماروتي وكانت اول عربية ليا واشتريتها لما لقبت ناس كتير جدا بيشكرو فيها هنا ف المنتدي بس العرببة طلعت عيني ومصاريف وجري عن الميكانيكي كل شوية يمكن مش كل الماروتي كدة بس حظي انا ال وحش مقارنه بينها وبين اسبرانزا a213 مينفعش اصلا اامقارنة مع ان السعر مش مختلف كتيرانا حبيت انقل ليكم تجربتي لان العرلية مظلومة اوووي هنا ع المنتدي

[Colin Chapman]

http://www.cheryportal.ru/chery-qq6-jaggi-foto-23.jpg

[ahmed_eng2001]

شكرا على نقل حضرتك للتجربة

[bluemail]

عليكم السلام
شوفي حضرتك ، في عربيات كتير الناس كونت فكره وحشه عنها "بدون ما تجربها" لمجرد انها صيني
واي حد يسئل علي العربيات دي يقولوا يع دي صيني اوعي تجيبها
هات ياباني حتى لو موديل اقدم بعشرين سنه
طيب انت جربتها ؟ لا ، طيب عرفت منين انها وحشه و كاكا

زي السوزوكي الماروتي اللي كانت معاكي اكيد قالولك الياباني ياباني
طيب مهو احنا عارفين ان الياباني ياباني هو احنا قلنا ان الياباني تركي مثلا
لكن بقاله كام سنه شغال ؟ وهل بيتعمله صيانه في ميعاده ولا ماشي بالبركه

في مثل ظريف انا اؤمن بيه جدا " اركب قرد بصحته ولا تركب اسد عجوز"
عربيه صيني جديده افضل من الماني بقاله 16 او 18 سنه

كان في واحد زميلنا هنا في المنتدي بيقارن بين احساسه وهو راكب افيو دلوقتي واحساسه لما كان راكب اوبل فيكترا
بيقول انه كان مفتقد الاحساس بالامان لما يسافر مشوار طويل مع الفيكترا وكان طول الطريق قاعد يفكر هل العربيه هتعطل ؟ وامتي ؟
لحد ما تعطل بيه فعلا :)) وبعدين يقعد يدور علي ونش

[ahmed_eng2001]

عليكم السلام
شوفي حضرتك ، في عربيات كتير الناس كونت فكره وحشه عنها "بدون ما تجربها" لمجرد انها صيني
واي حد يسئل علي العربيات دي يقولوا يع دي صيني اوعي تجيبها
هات ياباني حتى لو موديل اقدم بعشرين سنه
طيب انت جربتها ؟ لا ، طيب عرفت منين انها وحشه و كاكا

زي السوزوكي الماروتي اللي كانت معاكي اكيد قالولك الياباني ياباني
طيب مهو احنا عارفين ان الياباني ياباني هو احنا قلنا ان الياباني تركي مثلا
لكن بقاله كام سنه شغال ؟ وهل بيتعمله صيانه في ميعاده ولا ماشي بالبركه

في مثل ظريف انا اؤمن بيه جدا " اركب قرد بصحته ولا تركب اسد عجوز"
عربيه صيني جديده افضل من الماني بقاله 16 او 18 سنه

كان في واحد زميلنا هنا في المنتدي بيقارن بين احساسه وهو راكب افيو دلوقتي واحساسه لما كان راكب اوبل فيكترا
بيقول انه كان مفتقد الاحساس بالامان لما يسافر مشوار طويل مع الفيكترا وكان طول الطريق قاعد يفكر هل العربيه هتعطل ؟ وامتي ؟
لحد ما تعطل بيه فعلا :)) وبعدين يقعد يدور علي ونش

اتفق مع حضرتك فى موضوع الحكم بدون تجربة .... بس لو حضرتك دورت شوية .... سوف تجد بالفعل ان السيارات الصينى فى بداية انتشارها .. لم تكن على المستوى المطلوب .... و بالاخص عند مقارنتها بمثيلتها الكورية ....
انما .. الموديلات الاحدث بتتطور و بتحاول تتلافى الاخطاء السابقة و بتحسن انتاجها

بالمناسبة الماروتى مش سوزوكى .... الماروتى من انتاج تاتا الهندية ... و دى شراكة مع سوزوكى
تاتا الهندية شركة كبيرة و ليها خبرة مش قليلة و انتاج متعدد من سيارات صغيرة زى الماروتى ... حتى سيارات النقل

ركوب العربيات احيانا كثيرة بيكون للمتعة ... و دى بتختلف من واحد للتانى ... انا من الناس الى بتحب تركب عربيات قديمة شوية ... علشان ساعات كتير انا بركب عربية لمزاجى ... و انا كمان اقدر على الصيانة و وقفة الميكانيكية و الحاجات الى محدش بيحبها النهاردة

لو حضرتك عاوز تقارن ... جرب اركب المرسيدس التمساحة مثلا ... موديلات التمنينات ... ال 504 السبعينات .. الكابريس كلاسيك التمنينات .... بس تكون حالتهم كويسة و قارنهم بسيارات يابانية او كورية او صينية و حضرتك حتعرف الفرق

تقبل مرورى