عفشة السيارة بتزيق

[mo_111]

انا معايا سيارة اسبرانزا 516 موديل 2009 لسة جايبها من شهرين و هى سيارة جيدة لكن العفشة بتزيق رحت التوكيل لصيانة ال1000 كيلو و قلت للمهندس فقالى عملناها ى لما روحت لقيت نفس التزييقة قلت يمكن هاتروح لوحدها و بعد 3اسابيع رحت الصيانة مرة تانية قابلنى مهندس تانى قاللى التزييقة دى موجودة فى كل عربيات الاسبرانزا من عامود الميزان و لما قلتله الحل ايه قاللى و الله هى نازلة كدة العفشة بتاعتها ناشفة زى اللادا على العموم تعال بعد يومين للمهندس اللى فحصها المرة الاولى لانه اجازة و لانى ما باستغناش عن السيارة فى شغلى قلتله هى هتاخد وقت قاللى الباشمهندس روح اعملها برة و برضه هاتفضل التزييقة انا عايز حد يساعدنى لانى فعلا متضايق جدا من الصوت ده مش معقول اكون راكب سيارة زيرو بتزييق اجوكم ساعدونى
اعمل ايه و اروح فين

[shady_elkady]

و الله انا عندى تزيقة غريبة جدا بردة فى عربية افيو و التوكيل مش عارف السبب

[mo_111]

الاخوة الاعضاء ارجو المساعدة

[tamim]

انا كان عندى تزيقة ورا فى العجلتين
قمت جايب فرشاة بتاعت الدهان وحططها فى زيت اخضر ودهنت الجلب الكاوتش بالزيت من غير ماانزل تحت العربية
راح الصوت خالص
خد بقى اصوات كتير عالجتها فى عربيتى بابسط الحاجات اللى ممكن تتخيلها
بس ده يعتمد على انك اللى تعرف تحدد مصدر الصوت ده منين بالظبط وطبيعته
دى بس تجربتى الله اعلم الصوت عندك من ايه
بس ممكن يجى من اتفه الاسباب

[khaledazizeg]

روح لاي واحد بتاع عفشه وقولوا ربطلى العفشه ويزيتهالك انا بعملها ب10 جنيه

[SAMER_ENGINES]

بصراحة اللادا 2105 معانا بقالها اكتر من 11 سنة و جايبنها زيرو و ماشاء الله عمرها ما زيقت غير السنة دي بس و انا واثق اني إن شاء الله هروح ازيت و اشحم و التزييق ده يروح.
و للعلم العفشة بتاعة اللادا مش ناشفة اطلاقا بالعكس انا بحس انها تقيلة في كل حاجة و خفيفة جدا في العفشة عفشة الـ 128 في رأيي الشخصي انشف منها بمراحل و امبارح كنت سايق ريجاتا عفشتها في مطب بصراحة قطمت ضهري بس الريجاتا دي بتاعة جماعة قرايبنا و ان و غيري بنسوقها كتير فبصراحة طالع عينها معانا.
لكن حبيت اوضح اني عفشة اللادا مش ناشفة ابدا.

[user2008]

بالنسبة للتزيق جرب تغسل العربية فى البنزينة و تشحمها و وشف ايه معاك

[Mr_MoMo]

يا جماعه بدل الزيت في اسبراي متخصص علشان الجلب دي