مشكلة غريبة فى اول اسبوع للسيارة

[mr_kenawy]

من حوالى 4 ايام استلمت اسبيرانزا 113 جديدة , و جربت كل حاجة و كانت الامور كلها تمام , النهاردة ظهرت مشكلة غريبة جدا , لما تنور النور المتوسط او الكبير تلقائى المساحات تشتغل , تطفى النور او تنور النور الصغير المساحات تقف , التوكيل النهاردة الاحد قافل , وديتها لكهربائى قالى مش عايز العبلك فيها علشان الضمان , انا قلقان جدا ياريت حد من اصحاب الخبرة يقولى ايه طبيعة المشكلة و ايه علاجها, و للجميع الف شكر

[MoToRiZeR]

عادي مشكلة كهرباء التوكيل هيحلها و الكهربائي اللي رحتله أمين عشان محبش يطلع أي فلوس و خلاص .

متقلقش .

[kemo0o]

ان شاء الله طبيعي تلاقيها مشكله بسيطة

روح التوكيل وماتخليش حد يلعبلك فيها خالص

[ringoo84]

اوع حد يلعبلك فيها التوكيل بيتلكك هيطلعلك الكهرباء بره الضمان لو حد لعب فيها .........

[MEMES]

ان شاء الله خير

[basom]

من حوالى 4 ايام استلمت اسبيرانزا 113 جديدة , و جربت كل حاجة و كانت الامور كلها تمام , النهاردة ظهرت مشكلة غريبة جدا , لما تنور النور المتوسط او الكبير تلقائى المساحات تشتغل , تطفى النور او تنور النور الصغير المساحات تقف , التوكيل النهاردة الاحد قافل , وديتها لكهربائى قالى مش عايز العبلك فيها علشان الضمان , انا قلقان جدا ياريت حد من اصحاب الخبرة يقولى ايه طبيعة المشكلة و ايه علاجها, و للجميع الف شكر

للاسف هى دية العربيات الصينى فيها عفريت بجد والله عن تجربة انا كان معايا ال 516 ورتنى الى عمرى ما شفتوة و لا هاشوفوة الله معك

[m_elsabah]

التوكيل

روح التوكيل وشوف هيعمل إيه
بس ربنا يستر عليك لإن معاملة التوكيل ده (إسبيرانزا) بصراحه زي الزفت . توكيل في قمة الزباله والمعاملة القذرة
بس أنت مشكلتك بسيطه وممكن يصلحوها من غير مشاكل ولو حتي من باب تحسين صورة التوكيل شوية
ومتقلقش بسيطة إن شاء الله

[ahmedsamir79]

متقلقش بسيطه إن شاء الله

[mr_kenawy]

الف شكر لكل اللى ردوا , انا رحت التوكيل اللى عندنا فى اسيوط يوم الاثنين اللى فات و الحمد لله صلحوا العربية و رجعت تمام التمام , بس لاحظت حاجه لازم اقولها هى ان المهندس فى التوكيل مكانش عارف طبيعة العيب بالظبط و قعد يجرب يعنى الاول فك المساحات و بعدين فك الفانوس الامامى و هكذا قعد يجرب لحد المشكلة ما اتحلت الحمد لله.

[basom]

الف شكر لكل اللى ردوا , انا رحت التوكيل اللى عندنا فى اسيوط يوم الاثنين اللى فات و الحمد لله صلحوا العربية و رجعت تمام التمام , بس لاحظت حاجه لازم اقولها هى ان المهندس فى التوكيل مكانش عارف طبيعة العيب بالظبط و قعد يجرب يعنى الاول فك المساحات و بعدين فك الفانوس الامامى و هكذا قعد يجرب لحد المشكلة ما اتحلت الحمد لله.

للاسف اتعود على هذة الطريقة فى معالجة المشاكل كل مرة ماتزعلش من كلامى بس هى دية الصراحة

[mr_kenawy]

النهاردة السى دى ابتدى يفصل فجأة و يشتغل الراديو , لا حول و لا قوة الا بالله , يا ترى السى دى داخل الضمان و لا لأ؟.

[basom]

النهاردة السى دى ابتدى يفصل فجأة و يشتغل الراديو , لا حول و لا قوة الا بالله , يا ترى السى دى داخل الضمان و لا لأ؟.

انت لسة شوفت حاجة
اسبرنزا مش هاتقدر تغمض عنيك

[nasr-eldeen]

ممكن تكون هي دي تكنولوجيا التصنيع يعني هم قصدين ده في السيارة علشان متحسش بالملل والرتابة امس تشغل المساحات النور يشتغل أو العكس والنهاردة تشغل السي دي الراديو يشتغل الخوف من بكرة تيجي تتجه بالسيارة يمين تلاقيها راحت شمال :k39::k39:بس ما تقلقش دي حاجات بسيطة وسهل إصلاحها بس الرسالة وصلت وممكن يكون ده تمويه علشان أي حرامي يجي يسرق السيارة يتخض يقوم يتركها .
أوعى تكون زعلت مني انا بضحك معاك .:k10::k10::k10:

[Ahmed Samy]

النهاردة السى دى ابتدى يفصل فجأة و يشتغل الراديو , لا حول و لا قوة الا بالله , يا ترى السى دى داخل الضمان و لا لأ؟.

اكيد في الضمان هو يعني مش من المكونات؟!
بس حتى لو طلع زي الكاوتش برا الضمان ...سهلة ممكن يتغير

[AboMaro]

هو السي دي بيفصل خالص هو و الراديو
و لو السي دي منفصل عن الراديو فأكيد بالاضافه للعيب بتاع المساحات هيكون العيب من لوحة كنترول الكهرباء و ممكن تكون هي اللي حرقت السي دي اصلا
و لو العيب منها صمم تتغير و الا هتعيش مع المشاكل دائما