خبر غريب

[محمد صبري ابراهيم]

لأ طبعا

على فكرة الرابطة دلوقتي نشيطة جدا، و بتاخد خطوات إيجابية، و الموضوع ده إحنا أصلا مش ساكتين عليه (موضوع الزحمة و الكروتة في الصيانة) و ناويين نعمل شكوى رسمية على شان الموضوع بقى زيادة جدا

هانشوف، بس انا متهيألي إن طالما التوكيل آخر تسليمات الشهر ده 10 أيام لحين النظر في إيه هي المشاكل،، فأنا أعتقد إنهم ممكن يكونوا بداؤا يهتموا، و بداؤا ياخدوا بالهم من إن سمعتهم ممكن تتهز جامد ببساطة، الله أعلم


زي ما قولت هانشوف إيه إللي هايحصل

أنا شخصيا و كل إللي أعرفهم معاهم العربية مبسوطين و ماعنديناش مشاكل، يعني العربية كويسة ، بس التوكيل في موضوع الصيانة ده سيئ جدا، و لازم يشوفلوا حل في الموضوع ده ، يإما ينزل قطع الغيار و يعتمد مراكز خدمة تانية و يسيب كل واحد ينام على الجنب إللي يريحه

[Islam_galal]

هو ايه اللي حصل مع عز العرب و ازاي اتعدل
اصل انا مهتم ببروتون قوي و عندي امل اشتري Gen 2 بس غير الفلوس كنت قلقان من التوكيل

[معاذ الشرباصى]

الوكيل ده الحاجة الوحيدة اللى ممكن تظبطه نشر العيوب الو المهازل اللى بيعملها فى الجرايد

كده هيمشى على عجين كيلخبطوش

لأنه اصلا معتمد على السمعة و التهليل اللى بيعمله فى الجرايد اكتر من اى حاجة

على فكرة الرابطة دلوقتي نشيطة جدا، و بتاخد خطوات إيجابية، و الموضوع ده إحنا أصلا مش ساكتين عليه

يا استاذ محمد احنا هنا لما كنا بنقول المفروض الرابطة تعمل كذا و كذا, كانوا بيقولوا احنا عاملينها علشان التعارف بس

على العموم ربنا يوفقكم

[محمد صبري ابراهيم]

بخصوص عز العرب

كان الناس إشتكوا من معاملة التوكيل و من الصيانة، و الناس كانت إشتكت جدا و في الآخر بعتوا لبروتون ماليزيا و جيه وفد من ماليزيا و فاتش على عز العرب و شدوهم و بعد كدة التوكيل مشي زي الألف

بالنسبة للرابطة، ماحدش قال يا أستاذ معاذ إنها للتعارف و بس :lol: :lol: :lol:

إحنا قولنا إيامها إنها لسة ما بتديتش و ماشتغليتش، هي دلوقتي نشيطة جدا زي ما باقولك و ليها هيكل و على فكرة التوكيل عارف بوجود الرابطة و تسجيل إي شخص فيها بيتبعت بياناته للتوكيل، يعني الموضوع بجد مش هزار

[معاذ الشرباصى]

بخصوص عز العرب

كان الناس إشتكوا من معاملة التوكيل و من الصيانة، و الناس كانت إشتكت جدا و في الآخر بعتوا لبروتون ماليزيا و جيه وفد من ماليزيا و فاتش على عز العرب و شدوهم و بعد كدة التوكيل مشي زي الألف

بس ده حاجة غير اللى بيحصل فى توكيل اسبرانزا

يعنى مفيش وجه للمقارنة

انما قطع الغيار متوفرة, و اى عيب صناعة فى العربية بيتغير فى الحال على حسابهم

[mohamed_berlitz]

انا فعلا يا جماعة اتأكدت من المصنع ذات نفسة انة حينتج طول شهر 8 نوبيرا ولانوس بس
علشان فى تأخيرات جامدة فى تسليم الدايو نوبيرا ولانوس 2007 وبعد كدة بقى يفضوا للاسبرانزا 2008
اما بالنسبة للحصل للمستشار وهل هو دة السبب ولا لا معتقدش ان فى البلد دية دلوقتى مستشار ممكن يمنع واحد من اكبر مجمعى العربيات فى مصر انة يوقف انتاجة بسبب كام عربية بتصفر ولا بتفصل

[أبو عبدالله]

لا ممكن طبعا مستشار يعمل كده بالذات ان ابو الفتوح من المغضوب عليهم
ولكن ده مش تقليل من المستشار فلو مستشار ابن حلال كده ممكن طبعا يقلب عليه الدنيا

[محمد صبري ابراهيم]

بس ده حاجة غير اللى بيحصل فى توكيل اسبرانزا

يعنى مفيش وجه للمقارنة

انما قطع الغيار متوفرة, و اى عيب صناعة فى العربية بيتغير فى الحال على حسابهم

والله يا أستاذ معاذ انا مش شايف فرق كبير و لا حاجة فكرة ال Good Service عندنا هنا في مصر مش موجودة أصلا للأسف عند أي وكيل بتاع أي حاجة حتى لو كانت برايات

التوكيلات في مصر شغالة بالبركة و ماحدش فاهم حاجة، مسألة وجود قطع الغيار ديه طبيعية بالنسبة للبروتون طبعا ، شوف هي في مصر من إمتى

و بردة التوكيل في الاسبيرانزا غير لناس قبل كدة حاجات في العربية على حسابه، عادي

المسألة مسألة فكر و ثقافة عامة عند الوكلاء و التجار في مصر، إنه المفروض يتعلموا إزاي يرضوا المشتري و مايخلوهوش زعلان، زي أي حتى تانية في العالم (ده إللي بيحصل هنا ده مابيحصلش و لا حتى في بلاد البخ)

[ايهاب]

ا/وائل بك عطية
عندما توجهت بالشكر لتوكيل الصحراوي --كنت اشكر العاملين بة علي مارايتة بعيني وعلي التغير الملموس عكس ماكنت اري---
==نيجي لموضوع سيارة المستشار--اعتقد لو العيب كان ممكن حلة في مركز الصيانة ماكانوش يتاخروا خاصة انة (مشتشار ومش هايستني عليهم 70 يوم من غير مايعمل لهم قلق)
انا اعتقد ان لو المشكلة صبابات وبساتم يعني قلب الموتور ا\ا الحل قطع غيار واعتقد --عمرة للموتور--وممكن جدا لا توجد قطع الغيار دي لانها علشان تتطلب هاتاخد وقت للشحن وخلافة بس مش 70يوم دي يبقي استهبال---لان ممكن شحن جوي لو فية احترام واهتمام من صاحب التوكيل اللي لازم ينصب علية اللوم ----لان المهندسين اكيد طلبوا القطع الخاصة بالاصلاح وماجاتش---الا اذا كانت موجودة وبيلاعبةا سيادة المستشار----ودة شئ استبعدة تماما----لانهم اكتر ناس عارفة يعني اية سلطة قضائية في ارض الكنانة------
الخلاصة انا لما شكرت النوكيل ماشكرتش اصحابة
------------------------------------------------------
هذة كانت الرسالة بعنوان (شكر واجب لتوكيل الصحراوي:
-------------------------------------------
وهي المره الاولي التي اتمكن فيها من متابعة الصيانة عن قرب
واريد تسجيل الاتي:
1-م/وليد--جنرال في ضبط صالة الصيانة والمتابعة-شكراجزيلا له
2-م/محمد عناني--فاهم صبور مخلص (مهندس ممتاز)---شكرا جزيلا
3-العاملين والفنيين الصغار---منتهي التعاون---شكرا
4-الاستقبال--مبتسم كالعادة--شكرا
---الخلاصة-----امبارح كان التوكيل يرتدي ثوب التالق---بعد ثيابة القديمة---اتمني ان يكون اللبس الجديد عهدة مش سلف وهايرجعوه لاصحابة----التوكيل كان بالامس مختلف----كان رائع
dr/ehababdelhafeez

[mohamed yousry]

وياريت تقرأ ما يفعلة المسمى غبور افندى

معلش مع احترامى غبور ليس بهذا السوء......عيب غبور ان العربية الزيرو بتطلع فيها عيوب لكن ساعة ما تروح وتشتكى فى الصيانة بيحلوا كل المشاكل.....انا اخر يوم ليا فى الضمان السبت اللى فات فى الهيونداى اكسنت وغيرت بوبينة وشكمان بالكامل والعربية اتظبطت كويس بقت احسن من يوم ما استلمتها كانت مكتومة ودلوقت بتسحب كويس وياريتنى كنت خليتهم يغيروا الحاجات دى من زمان بس كنت مكسل....
اما عن الفرنا1600 فهى عربية ممتازة فعلا موتور وعفشة وكان فيها مشكلة بسيطة المية كانت بتنقص على فترات (كل اسبوعين ازودها) وطلع الردياتير فية ثقب صغير جدا وغيروة بالكامل فلى الضمان....مشكلة غبور فى الاجزاء المصرى اللى بيستخدمها فى العربية زى الشكمان والردياتير والغريبة انة بيغيرهم فى الضمان بقطع افضل من اللى متركبة فى العربية اصلا...!!!!!!

[ابوحميد]

الاستاذ محمد المشد كتب

اما بالنسبة للزميل الذى ذكر اننا سواسية فى الوطن فأقول له هل رفع قضية على الوكيل مشكلة من الجميع فالمحاكم مفتوحة للجميع ولك ان تقدم وترفع قضية على الوكيل ان كان هناك مشكلة وهذا المستشار عرف كيف يأخذ حقة وياريتنا جميعا نحذو حذوة

يا استاذ محمد ارجو انك تقرا الرد بتاعى اللى كتبته وتلاحظ انى قلت لو كان الخبر دا صحيح وتلاحظ كمان انى كنت اول او تانى واحد يرد على الموضوع ومكنتش قريت نص الخبر اللى اتنشر فى الجرنان اللى اتفضل بكتابته ا/حسام حسن
ثم انه اكيد حضرتك عارف ان جهاز حماية المستهلك بطىء فى التحقيق من شكاوى العملاء
اشمعنى المرة دى على ما اذكر ا/بايو مقدم شكوى فيه حتى الان مكتبش انه تم حاجة فى موضوعه
اخيرا

فالمحاكم مفتوحة للجميع ولك ان تقدم وترفع قضية على الوكيل

طيب ما هو سعادة المستشار مرفعش قضية لان المحاكم حبالها طويلة
وشكرا

[Powert]

مكان الخبر في الجريدة على النت

http://212.103.160.28/algomhuria/200...detail09.shtml

[baher]

انا فعلا يا جماعة اتأكدت من المصنع ذات نفسة انة حينتج طول شهر 8 نوبيرا ولانوس بس
علشان فى تأخيرات جامدة فى تسليم الدايو نوبيرا ولانوس 2007 وبعد كدة بقى يفضوا للاسبرانزا 2008
اما بالنسبة للحصل للمستشار وهل هو دة السبب ولا لا معتقدش ان فى البلد دية دلوقتى مستشار ممكن يمنع واحد من اكبر مجمعى العربيات فى مصر انة يوقف انتاجة بسبب كام عربية بتصفر ولا بتفصل

انت متأكد من الكلام ده لأني حاجز اسبيرانزا2007 ومستلمتش لحد دلوقتي والمفروض كنت استلم من شهر سبعه فمعنى كلامك اني موش هستلم قبل شهر تسعه كده ولا ايه

[محمدايهاب]

لو نيل مصر صلصة ميكفيش كوسة مصر

هاهاها :D :D :D جميلة جدا جدا

[معاذ الشرباصى]

انت متأكد من الكلام ده لأني حاجز اسبيرانزا2007 ومستلمتش لحد دلوقتي والمفروض كنت استلم من شهر سبعه فمعنى كلامك اني موش هستلم قبل شهر تسعه كده ولا ايه

انت يبقى حظك حلو لو الاستلام اتأخر يا باهر

يعنى حكاية المستشار و الشوشرة الللى اتعملت هيخليهم يحترموا نفسهم و يكشفوا كويس على العربيات قبل التسليم

و ده كله فى مصلحة اللى حجزوا و لسه مستلموش