أسبرانزا A213

[mmaty]

السلام عليكم أعضاء المنتدى الكرام
أنا عايز أشترى عربية سبرانزا A213 - رجاء اى حد لى تجربة مع العربية دى أو يعرف عنها أى حاجة يرد عليا ضرورى ؟؟؟؟؟؟url][/IMG]

[evram]

كل الي اعرفة عنة انه جميلة جدا جدا جدا انا معيا اي 516 جميلة و ناعمة هاتة و ربنا يبارك فية

[ahmedabdelhamid]

التصميم بتعها مش حلو ممكن عربية حلوة بس الشكل 113 احلى فى الشكل

[drshata]

التصميم بتعها مش حلو ممكن عربية حلوة بس الشكل 113 احلى فى الشكل

+1111111111111

[AhMeD EzZ]

نصيحة هات ال 113 احسن
اولا شكل احسن
ز ثبات احسن

[diaa222]

bass ya gma3a mesa7et el slaoon ,hall heyya awsa3 mn el a113,we el shanta kaman?
rgaa2 al efada

[SAAA]

هى مع واحد صاحبى وانا جربت سواقتها جميلة جدا

[mero2008]

العربية كويسه في كل حاجه بس سحبها مش حلو نصيحة لو حتجيب جيب الـ113 شكلها حلو وهي هي نفس حجمها من جوه ولكن سحبها أحسن وبعدين ياراجل دا انت لو بصيت عليها تحس انها شبه الضفدعة, لا شكلها وحشه قوي وكمان في ملاحظه قويه جداً عايزك تجربها في الشكل بتاعها انا عملت كده , بص عليها من ورا حتلاقي العربيه ضيقه من تحت وطالعه على واسع من فوق طول عمري بشوف أي عربيه من ورا تلاقيها واسعه من تحت وطالعه ضيقة من فوق لغاية اما توصل لسقف العربيه

[falkon2010]

a113 shklha a7sn

[Terrible_DaRsH]

a 113 تكتسح الكارو دى :)

[SharpArrow]

السلام عليكم
مش عارف يا جماعة اقول ايه
العربية دي انا مش عارف اتخلقت على الوجود ليه اساسا
شكلها استغفر الله العظيم و صيني و 1300 و مش عارف كام حصان
لقيت كذا موقع كاتب 100 حصان تقريبا ولا مش عارف كام
بالذمة ده كلام عشان ايه يعني 100 حصان

بصراحة اللى يشتريها او يشتري اي سبيرانزا بالذات يبقى رمى فلوسه في الارض
و بصو على اي عربية صيني بقالها سنة او 2 او 3 بالكتير ماشية في الشوارع و الله كأنها متفككة من بعضها و اكيد انتو شفتو الصورة دي قبل كده

انا الحمد لله معايا بونتو 1200 و 60 حصان
و لقيت واحد معاه A213 سخن و حب يشد معايا
و الله العظيم انا لمست بنزين و قلت مش هسحب اوي عشان اشوف هيعمل ايه
و الشاب الاسبيرانزي كان منشكح و واثق من الفوز و فعلا حرق بنزين و انا دست الدوسة الرقيقة التى ذكرتها بجد عربيته سحبت فعلا.... بس لورا !
و الله لقيت عربيته في مرايتي بتبعد لورا استغربت قلت الصيني ردىء اوي للدرجادي

انا فعلا مليش اي مصلحة في اني اذم في العربية دي او اي عربية صيني بس انا ضميري هو اللى خلاني اقول الكلام ده
بجد اللى هيجيبها هيندم ندم فظيع
يمكن مش هيحس بالموضوع دلوقتى بس اكيد بعد فترة لما يمشي بيها شوية هيحس بغلطة عمره
اللهم بلغت اللهم فاشهد
فكروا كتير قبل ما تقدمو على خطوة زي دي لان الغالي تمنه فيه
سلام عليكم

[evram]

انا اسمي افرا من احد ملاك العربية اسبرانزا A516 موديل 2008 و صدقني والله العظيم شديت مع لانسر 2007 اتوماتيك و كسبتة و عربية اشهد من اي حاجة زي فرنا و زية زي افيو و زي نيو اكسنت انا عربيتي حلوة اوي ممكن لو عايز تناقشني كلمني علي ايميلي evramandbavly@yahoo.com

[evram]

معلش نسيت اقول حاجة بص علي برليانس جالينا و فرف و مع زلك صيني

[sasamasasa]

بص انا معايا 113 وبصراحه تحفه بس بلاش 213 شكلها يقرف
وهما الاتنين نفس الموتور فرق الشنطه

[SharpArrow]

انا اسمي افرا من احد ملاك العربية اسبرانزا A516 موديل 2008 و صدقني والله العظيم شديت مع لانسر 2007 اتوماتيك و كسبتة و عربية اشهد من اي حاجة زي فرنا و زية زي افيو و زي نيو اكسنت انا عربيتي حلوة اوي ممكن لو عايز تناقشني كلمني علي ايميلي evramandbavly@yahoo.com

باشا انا بقول وجهة نظري بس
اولا انت متأكد ان اللانسر اللى شد معاك 1600؟ لان فيه 1300 اوتوماتيك برضه
مواتير الياباني محترمة جدا و اكيد اللى كان سايق مكنش عارف يجمع معاك صح بس او هو 1300 زي ما قلتلك
بس كل اللى انا بقوله ان الغالي تمنه فيه
مفيش عربية كل الكماليات و بسعر عربية تانية مفيهاش كل الكماليات دي
و بعدين البريليانس سبلندور مثلا نفس فئة a516 بس 110 الف مش ب 65000 و انا عارف ان السبلندور و الجالينا عربيات نضيفة جدا و انا اصلا كنت بفكر اجيب frv بس قلقت و قلت اجيب بونتو ايطالي اضمن رغم اني بحترمها
هي وجهات نظر
بس قارن ما بين الـ A516 و السبلندور و هتعرف ان الصيني بريليانس و بس
و في راي الشخصي الباقى كله فشنك و زي ما قلت عمره ما هيعيش زي الياباني و الاوربي
عموما ربنا يبراكلك فيها و حافظ عليها.