استفسار من مالكى التيجو؟؟؟؟؟

[bishoo33]

استنى نزول الكارينز وبعدين قرر تجيب ايه

[ASKAFRAWY]

استنى نزول الكارينز وبعدين قرر تجيب ايه

هو ايه الكارينز دة يا باشا؟

[alkhawga]

الكارينز من كيا بس دي عربيه 7 راكب زي الرينو مش suv ولا ايه رايكم

[Mohamedtayel]

؟؟؟

استنى نزول الكارينز وبعدين قرر تجيب ايه

ممكن حضرتك تقولنا هى ماركتها و مواصفاتها
و لو امكن صور ليها
نكون شاكرين لك جدا

[MaZaG]

سيبك انت وانت وانت الأسبيرانز دي حكاية كفاية الشكل ومقاس العجل ولا كفائة الماتور حاجة روعة يعني من الأخــر أن شاء الله هاجيبها هاجيبها بس أدعولي.

[aboomarr]

السلام عليكم
لسه كنت فمعرض ابو الفتوح وبشوف التيجو --- العربيه تحفه بجد بس ربنا يستر لان هجيبها بدل التريوس ومحتار بس المقارنه ليها تقريبا وفصالحها
بس يا ترى عشان ارخصها 3 سنين هدفع 1600 *3= 4800 ---؟ بجد مبلغ كبير شويه ياريت بس لو المعلومه صح حد ياكدها وكمان انا سالت ؟ التريوس Glx ولا التيجو؟ ارجو الافاده

[Mohamedtayel]

؟؟؟؟

السلام عليكم
لسه كنت فمعرض ابو الفتوح وبشوف التيجو --- العربيه تحفه بجد بس ربنا يستر لان هجيبها بدل التريوس ومحتار بس المقارنه ليها تقريبا وفصالحها
بس يا ترى عشان ارخصها 3 سنين هدفع 1600 *3= 4800 ---؟ بجد مبلغ كبير شويه ياريت بس لو المعلومه صح حد ياكدها وكمان انا سالت ؟ التريوس Glx ولا التيجو؟ ارجو الافاده

هى مصاريف الترخيص للسنه الواحده 1100 يتقل 2% للسنين المتتاليه
يعنى هتلاقى نفسك دافع فى حدود 2900 او شىء من هذا القبيل
مازال بردوا مبلغ
ليه متستناش ال 1600 زيى هتكون فى حدود 300 فى السنه
و يا ترى سألت عليها فى زيارتك ولا لأ
و يا ريت لو تكرمت تقولنا بنيت مقارنتك على ايه
و هل سمعت اى كلام عن العفشه؟؟؟؟

[aboomarr]

السلام عليكم
المبلغ برضو عالى بس يمشى -- انا لسه جى الثانيه دى من مركز خدمه ليها والمهندس قاللى ان فى مشكله صغيرة حصلت فالباور زى زنة كده واتعالجت --وقاللى انها عربيه كويسه
قابلت شخص راكبها وقفته زنقت عليه بالعربيه ووقفته هههههههههه قلتله قولى بقه الاخبار ---قاللى كويسه جدا والمقارنه لصالحها مع التريوس بقالها معاه حوالى 4 شهور وقلتله لو فى حاجه لقدر الله ادينى رينج على طول وربنا يستر

[alkhawga]

انا كمان النهارده كنت في ابو الفتوح اسكندريه بسألهم علي التيجو 1600 وقالوا نازله قريب بس مفيش منها اتوماتيك

[aboomarr]

والله شكلها بقه هترسى ع التريوس لان تقيل التيجو لو بصيتله وبصيت للى اقل منها وهيا اسبرانزا 516 طبعا فرق السما من العمل لان 516 تقفيلها رائع انما التيجو لاء وربنا يوفق

[attiahf]

العربية 1600 نازلة شهر 7 وياريت تقفيلها يكون احسن من 200 سى سى
فى حد سمع مشاكل عن العفشة

[adelkhalil]

العفشة كويسة وممتازة مادمت محافظ عليها وبتاخد المطبات بالراحة وتراجع تربيطاتها كل 5000 كم ( مدة الصيانة ) وهى افضل بكثير من انواع سيارات اخرى فى مثل مستواها وارتفاعها ميزة فى شوارع القاهرة مش حتحس بيها اللا لما تركب سيارة سيدان واطية وانا لما كنت فى التوكيل لم اسمع عن اى مشاكل فى العفشة من اصحاب السيارات التيجو ولكنى سمعت عن مشاكل فى ال 1600

[adelkhalil]

تكلفة الترخيص فى العام حوالى1350 بالنامين الاجبارى علشان هى 2000 سى سى لو المبلغ كتير ممكن تستنى الشهر القادم لما ينزل الموديل الجديد فئة 1600 سى سى حتكون ارخص والضريبة حدود 350 جنيه

[Mohamedtayel]

العفشة كويسة وممتازة مادمت محافظ عليها وبتاخد المطبات بالراحة وتراجع تربيطاتها كل 5000 كم ( مدة الصيانة ) وهى افضل بكثير من انواع سيارات اخرى فى مثل مستواها وارتفاعها ميزة فى شوارع القاهرة مش حتحس بيها اللا لما تركب سيارة سيدان واطية وانا لما كنت فى التوكيل لم اسمع عن اى مشاكل فى العفشة من اصحاب السيارات التيجو ولكنى سمعت عن مشاكل فى ال 1600

لا استنى من فضل حضرتك
ده انت تحكيلنا بالتفصيل سمعت ايه بالظبط
علشان لو فى مشاكل نعرفها من الأول
هنكون شاكرين فضلك

[attiahf]

بس مفيش لسة 1600 نزلت السوق لحد دلوقتى يبقى المشاكل من فين
هل سمعت الكلام دة من بتوع الصيانة؟؟؟