مشكله بسيطه قي speranza a113 اريد النصيحه

[AbO_FaRaH]

سعر الشراء 53000

تكاليف الترخيص حوالي 1500

وفي مندوب طلع معايا من المعرض خلصلي كل حاجه

ومتقلقش من العفشه مش نشفه لدرجة الازعاج على حسب العربيات اللي انت كنت متعود عليها قبل كده وانعم من اللادا شويه

الف مبروك ياباشا

هو حضرتك رخصت العربيه 3 سنين ولا ايه؟؟؟؟؟
اصل 1500 كتير اوى.............عاوزين نعرف الضريبه لوحدها كم؟؟؟

[sasamasasa]

الف مبروك ياباشا

هو حضرتك رخصت العربيه 3 سنين ولا ايه؟؟؟؟؟
اصل 1500 كتير اوى.............عاوزين نعرف الضريبه لوحدها كم؟؟؟

اه فعلا 3 سنين

الضريبه كانت على ما اتوقع 600 ومتسألنيش الباقي راح قين لاني مش فاكر

[أبومعاذ]

طيب ممكن تقولنا ايه كماليات العربية؟

[sasamasasa]

طيب ممكن تقولنا ايه كماليات العربية؟

اربعه زجاج كهرباء

2مرايا كهرباء

CD راديو usb


الفوانيس الاماميه قابله للتعديل للاعلى والاسفل


ABS و EBD


فوانيس شبوره امامي وخلقي


Heater للزجاج الخلفي لازالة الضباب


مقاعد خلفيه قابله للطي

حامل اكواب

باور وسنتر وريموت

[أبومعاذ]

كويس ما شاء الله بس مفيش اير باجز ولا واحدة؟

[sasamasasa]

لا للاسف مافيهاش اير باج

[mero2008]

شكرررررررررررررررا عالرد ولكن انا مش عارف اذا النظار شغال ولا لأ

وبخصوص السياره فهي ممتازه في كل حاجه موتورها ممتاز والساوند سيستم جامد ولكن وثابته عالارض عيبها اللي انا مش شايفه عيب جامد هو ان العفشه نشفه شويه وده انا شايفه انه في مصر يبقى كويس جدا عشان انت اكيد عارف شوارعنا عمله ازاي الله ينور
وان العربيات اللي عفشتها نشفه زي اللادا والشاهين هي اللي مشيه مع الشوارع دي

واللون اللي اخترته هو الفضي بس كنت محتار بينه وبين الرصاصي الاتنيم جامدين اوي عليها ودي حاجه ترجعلك

اشترتها من المهندس اتو موتبف اكتوبر لاني ساكن في اكتوبر رحت هناك واخترت اللون واستلمتها تاني يوم عشان ورقها كان لسه ماجاش من المصنع

واستلمت معاها العادي يعني كوريك وعده وشنطة اسعاف ومثلث وغطا ليها

وبعدين ولا بايخ ولا حاجه انت تؤمر واي سؤال تاني ان قي الخدمه

انت استلمت غطا ليها ؟ دا على كده الحرامي ابن الحرامي بتاع المعرض خد الغطى بقى لاني استلمتها من غير غطا ولا شنطة اسعافات

[mero2008]

قللي لو سمحت انت فعلاً أخد غطا للعربية لان المعرض اللي انا جيبت منه العربيه جابها من نفس الموزع ده ولو كنت أعرف انو حيجيبها من عندو كنت رحت أخدتها من عند الموزع على طول انا ساكن في اكتوبر بردو على فكره بس أكدلي موضوع الغطه بتاع العربيه علشان اروح اهزق صاحب المعرض ده

[mero2008]

وعلى فكره أحسن لون ليها الشامبين اللي هو بيج على دهبي تقريبا لونها تحفة جداً ومن الالوان الفاتحه وبلون التراب يعني لما تترب ميبنش فيها التراب

[أبومعاذ]

طب يا اخوانا يا ملاك العربية دي ممكن كل واحد يقول تجربته معاها بما يرضي الله
بقالها كام كيلو معاك و ايه اخبارها والعيوب اللي ظهرت - هل الموتور كويس على العربية - موفر في البنزين؟ العربية ثابتة؟ التكييف كويس؟ و اي معلومة تانية ممكن تفيد الاعضاء

[aelmostafa76]

هل فيه فصال عند الشراء كاش؟؟؟

طيب يا ترى فيه فصال في ثمن العربية للي هيشتري كاش وللا مش ممكن العربية سعرها ينزل عن سعر الوكيل 52900 جنيه و يا ريت تقييم من الناس اللي اشتروا.
شكرا

[a2morsy]

اه فعلا 3 سنين

الضريبه كانت على ما اتوقع 600 ومتسألنيش الباقي راح قين لاني مش فاكر

ايه ده كله 600 كتير قوى
الضريبه والنمره وكله 304ج
والتأمين الاجبارى 68ج
بس كده والباقى الشاى والتبس انت وتقديرك

[a2morsy]

طب يا اخوانا يا ملاك العربية دي ممكن كل واحد يقول تجربته معاها بما يرضي الله
بقالها كام كيلو معاك و ايه اخبارها والعيوب اللي ظهرت - هل الموتور كويس على العربية - موفر في البنزين؟ العربية ثابتة؟ التكييف كويس؟ و اي معلومة تانية ممكن تفيد الاعضاء

الحمد لله
بجد العربيه كويسه والله يعنى انا لسه جايبها وماكملتش الالف كيلو بس لغايه دلوقتى الحمد لله كويسه جدا
والتكييف بشغلو على 2 وبعدين اجيبه على 1 عشان ماباستحملهوش يعنى زى الكورى واليابانى
ومابيأثرش على السحب خالص سواء ماشى او واقف ولسه طالع.
وان شاء الله ابقى اقولك الباقى بعدين لما اكمل الالف ان شاء الله