سؤال مهم جداً ؟؟؟

[محمد المرسي]

بسم الله

اولا: احيى مشرفي المنتدى والسادة الأعضاء على الحوارات الهادئة المنيرة لكل من لا يعرف اى شئ عن الأسبرانزا واشكركم من القلب على هذه الروح الجماعية التى يملاؤها الود....
ثانيا : اعرفكم بنفسي اسمى محمد اسبرانزا او مجنون اسبرانزا لكن للأسف لم امتلكها بعد لكنى بالفعل مجنون بهذه السيارة وسأقول لكم لماذا فيما بعد...
ثالثا : من خلال قراءتى في المنتدى والحوارات على كونتكت كار وجدت المؤيد والمعارض للسيارة ...
المؤيد يقول انها سيارة جيدة وبها امكانيات كبيرة (اكتر من حقها) وتوكيل ابو الفتوح توكيل محترم وليس امامه إلا هذه السيارة بعد الأنتهاء من الدايو..
والمعارض يقول يكفى انها سيارة صيني وخاصة بعد ظهور بعض عيوب التصنيع ولماذا ادفع هذا المبلغ في سيارة صيني لم تجرب بعد....
في الحقيقة انا لى رآى فى هذا الموضوع وارجو ان تتقبلوه
بالنسبة لى اقتناعى بالسيارة هو لوجود توكيل قوى يدعمها بقوة وخاصة انه يجمعها هنا ...لكن هل هذا هو الدافع وراء اقتناء السيارة ؟ بالطبع ليس دافع قوى وخاصة انه لدينا انواع اخرى من السيارات يقارب سعرها من سعر السيارة مثل الهيونداى وهى كورى ولها توكيل قوي جداً وتصنع هنا ايضاً ... لكن لماذا الصيني .. ؟
في الحقيقة رغم علمى انها سيارة صيني وتابعة لشركة شيرى باسم A5 لكن احس ان هذه السيارة هي سيارة مصرية إإإإإإإإ
نعم احس انها سيارة مصرية وليست صينية وخاصة ان لشركة شيرى توكيل هنا وبعد الحملة الأعلانية الضخمة التى قام بها ابو الفتوح عند نزول السيارة .....
لكن لماذا احس انها سيارة مصرية ؟ احد زملائي بالعمل وهو يمتلك شيرى a11 عندما عرفته عن نيتي بشراء الأسبرانزا قال لي أبعد عن المصري (التقفيل المصري).......؟؟؟؟؟؟؟؟
أسف لقد اطلت عليكم لكن السؤال الذى يلح فى راسى (لماذا لا نصنع سيارة)؟؟؟
عند قرائتي لمواصفات السيارة وبعد تعليق احد السادة الأفاضل على مواصفات السيارة وجدت ان ......
الموتور يصنع لدى شركة AVL
نظام التعليق فى المانيا شركة ماكفرسون
والجير بوكس من مكان أخر
فلماذا لا تقوم شركة مصرية بصناعة سيارة وكل ما نحتاجه هو تصميم فقط ....
عند رؤيتي للسيارة PYD وجدت انها سيارة عبارة عن تويوتا بأختلاف الموتور القادم من ميتسوبيشي
بمعنى دقيق لماذا لا يتم تجميع سيارة بمواصفات مصرية......؟؟؟؟؟
آسف على الأطالة ...... ولكم جزيل الشكر ......

[aamerbebo]

اخي العزيز محمد اهلا بيك في منتداك الجديد وان شاء الله ينول على اعجابك وان شاء الله تصبح احد مالكي الاسبيرانزا
بالنسبة للتقفيل المصري فهو موجود بالفعل في اكثر من سيارة وطبعا على رأسهم ال bmw طبعا
بس ان احنا نصنع في مصر لأ طبعا لسة بدري على الموضوع ده لأن ببساطة فيه تدرج مش اول لما نبدأ نصنع نصنع عربية لأ طبعا
ولن انسى الخبر اللذي قرأته في الصحف منذ حوالي عامين وهو (تصنيع اول ممحاه مصرية مئة في المئة) يعني استيكة يعني برضة لسة بدري اوي اوي اوي على موضوع العربيات ده

[محمد المرسي]

أشكرك م/آمر على الرد ....
لكن اسمح لي سيدي الفاضل اذا اخذنا هذا الموضوع انها بعيد عنا فلن نفعل شئ لآن اهم شئ ان تؤمن انه بأمكانك تطوير أدواتك ....
فى عدد اخبار السيارات الملحق مع أخبار اليوم لهذا الأسبوع كان الموضوع عن معرض شنغهاى وقد كتب أ/خالد اباظة عن نفس الموضوع تقريباً ...
وعلى حد علمى التجميع فى مصر بدأ منذ حوال 10 سنوات تقريباً واتا بتكلم عن التصنيع أنه من الممكن تطور الأدوات ..
و التجميع هو أول خطوة للتصنيع ثم اذا رأينا على سبيل المثال ايران اخذت خط انتاج العصفورة وانتجته تحت اسم الشركة الجديدة ....
فلا بد ان يكون لديك معرفة بأدواتك حتى يمكنك من تطويره وفى اعتقادى أن الأمر اصبح بسيط فهناك شركات متخصصة فى انتاج المواتير وتنتجه على حسب مواصفاتك وكذلك بالنسبة للجيربوكس ونظام التعليق
كل ما هنالك هو التصميم الذي يناسب احتياجك.....

وأشكرك مرة آخرى م/آمر
وآسف على الأطالة

[aamerbebo]

انا معك يا استاذ محمد في كل ما قلتة
ولكن هل بامكانك ان تنتج سيارة بسعر وكفائة وامكانيات تنافس بها الاخرين؟؟؟؟
سؤال لا اجد له اجابة

[osman hisham]

العمليه مش مجرد موتور فأى شركه تستطيع شراء موتور من أى شركه عالميه مثلا ميتسوبيشى بتدى المواتير لأغلب الشركات الصينى و الكورى بس المشكله أن مصر مفبهاش مصانع للصناعات المغذيه للسيارات بمعنى أن مافيش مثلا حد بينتج كبالن مصرى أو مسعدين مصرى أو حتى صاج سيارات مصرى يعنى مينفعش نستورد 50% من السياره و نقول عليها مصرى

[hazem_khidr]

وعلى حد علمى التجميع فى مصر بدأ منذ حوال 10 سنوات تقريباً واتا بتكلم عن التصنيع أنه من الممكن تطور الأدوات ..
و التجميع هو أول خطوة للتصنيع ثم اذا رأينا على سبيل المثال ايران اخذت خط انتاج العصفورة وانتجته تحت اسم الشركة الجديدة

مع احترامي للجميع مصر فيها تجميع عربيات من سنه 1955 علي ما اعتقد عندما بدات شركه النصر للسيارت و لسنا حديثي العهد في التجميع
و جنروح بعيد ليه الصين بدأت انتاج او تجميع عربيات امتي و احنا ابتدينا امتي؟؟و وف هما بقو فين و احنا بقينا فين؟؟
بلاش نكون متفائلين و نقول قدامنا شويه علي ما ننتج احنا عمرنا ما حننتج علشان اسلوبنا غلط اتعودنا علي اننا نستهلك و ما اتعودناش علي اننا نبدع
انتو عارفين العربيات الصيني دي بتفكرني ب ايه؟؟بتفكرني بالياباني اوائل السبعينات لما نزلت و الكل كان بيهرب منها و بيقول ايه دا ابعد دي عربيه ياباني!!!و العربيات الكوري ايضا في اوائل التسعينات لما الكل كان بيروح لها بحذر و دلوقتي شوفو بقت خلاص قريب حتتساوي باليابني و الصيني برضه فاضلها كام سنه وتبقي كده
انما احنا بقي مكتفيين اننا واقفين نتفرج و نقول نركب دي لاء نركب دي

[mo3tazelgamal]

والله يا جماعه فكرة عربيه مصرى فكرة بترتبط بأشياء كتيرة منها الصناعات المغذيه وحجم السوق والتسويق داخل وخارج مصر وذوق العميل يعنى مثلا الهند من سنه 1960 لحد من تلات سنين فاتو بس كانت بتصنع الفيات القردة (الباب الأمامى بيفتح للأمام يعنىعكس معظم العربيات المعروفه) وفيه ضرايب جامدة جدا على إللى عايز يشترى عربيه مستوردة بس الناس هناك بتشجع المنتج المحلى فعلا عن إقناع مش مجرد إجبار من الحكومه للوزارات والشركات الحكوميه بشراء أوتوبيسات النصر
على فكرة بيتهيألى إن أبو الفتوح بيضحك على الحكومه المصريه إزاى؟ حقولكم
القانون بيقول إن العربيه الجمعه فى مصر بيتبقى الجمارك على المكونات المستوردة فيها 10% بس دة ليه شرط إيه هو؟
أن المكون المحلى يصل أو يزيد عن 45%
وأغلب المصانع فى مصر بتوصل للنسبه دى عن طريق الصناعات المغذيه فى مصر زى الفرش والكراسى والأرضيات والأجزاء البلاستيكيه داخل الصالون وأجزاء فى الكهرباء زى البطاريه والضفيرة وتصنيع الفوانيس والكشافات وكمان الكاوتش النسر (الممتاز :D )
طب فين الضحك على الحكومة
من حواى شهرين فكيت كل الفرش فى الأرضيات والكراسى علشان تركيب فرش إضافى وجلد فى الأرضيات
المفاجأة كل البلاستيكات إللى مثبته الفرش مكتوب عليها بالصينى (حاجه كدة يعنى) ومفيش أى حاجه تدل إن الحاجات دى متصنعه فى مصر!!!!!!!!!!!!!!
البطاريه سعودى
الحاجه الوحيدة إللى شوفتها مصرى هى الكراسى تاكى والموكيت فى الأرضيه
طبعا فيه ناس حتقول طب يمكن أجزاء تانيه فى الموتورأو الشاسيه وأنا أعتقد إن دة صعب جدا
لأن على حسب ما أعرف أن سبيكه الموتور الوحيدة(كلامى كله على عربيات البنزين مش الديزل) إللى أتعملت فى مصر الفيات 125 وأخر أيام للسوزوكى سويفت
طبعا electronics فى العربيه إستحاله بعنى إستحاله تكون مصرى
طبعا دة مش عيب فى العربيه (علشان الناس ما تفهمنيش غلط) أنا كل قصدى إنه بيضحك على الحكومه وبس
يمكن علشان لسه الأسطمبات الخاصه بالتصنيع ما أتعملتش - يمكن لسه ما كنش يعرف حجم السوق قد إيه -يمكن مفيش حد عارف يعمل الأجزاء دى ودة إحتمال صعب
مش عارف

[baher]

انا فوجئت من كام يوم ان سوريا وايران عملوا عربيه اسمها شام شوف بقى احنا قدامنا قد ايه

[mo3tazelgamal]

كتير أوووووووووووووووووووووووووووووووووووووى

[محمد المرسي]

في الحقيقة انا لم ادرك عند سؤالى هذا ان الأمر بهذه الصعوبة لأنه ببساطة شديدة يوجد هنا عمالة ماهرة جدا وعقول غاية في الذكاء والترتيب بدليل انه فى الماضى كان الصنايعي يعدل سيارة من موترها الأصلي إلى موتور سيارة أخرى متوافق معها والمرور منع هذا الكلام الا بشرط ان يكون هذ الموتور من نفس الشركة المنتجة للسيارة هذا من جانب العمالة الماهرة ومن جانب التصميم فقد قرأت من فترة عن مصري يرسل تصميماته إلى اكبر الشركات العالمية .....

هذا من ناحية ومن ناحية أخرى يوجد فى منطقة الحرفيين صنياعية مهرة جدا وبيعملوا كل حاجة .....


السؤال : لماذا لا يتم الأستفادة بهذه العمالة وهذه العقول النابغة...

أسف عل الأطالة

ولكم جزيل الشكر