الرد على مشاركة الأستاذ arc_sherif_81

[h_shahin]

واضح إن فيه بين الأستاذ arc_sherif_81 و العربية الإسبرانزا مشاكل كتير

مفيش مشاكل لكن ياريت تكون عن تجربة شخصية حصلت له مش مجرد واحد متغاظ من العربيات الصينى عامة و الإسبرانزا خصوصا .

عموما كل واحد حر فى رأية لكن برضه أنا مبحبش التعميم و كمان فيه كلام فى المشاركة مش دقيق و إليكم الأسباب

عليه البيئه و التكيف و الكاسيت مشاكل متكرره

أولا إبه هى المشاكل اللى فى الحاجات دى
ثانيا متكررة إزاى و لأى موديل و لأى سنة إنتاج بالتحديد
و لو كان قصدك كل عربيات الإسبرنزا فيها مشاكل فى الحاجات دى يبقى الكلام ده مش مظبوط

اسعار الصيانات الدوريه غاليه

عالية بالمقارنة بإيه يعنى مراكز صيانة العربيات التانية أسعارها إيه و الصيانة الدورية للإسبرانزا بتتكلف قد إيه مع العلم إن كل صيانة ليها تكلفة مختلفة

قطع الغيار غير معمره

أنهى قطع غيار (المستهلكة و لا الغير مستهلكة) و إبه هو معيار إن قطعة الغيار تبقى معمرة أو مش معمرة يعنى المفروض تعيش قد إيه

عربيه مش بتاعت شغل

إزاى يعنى و طول ما إنت ماشى تلاقيها ماليه الشوارع و كمان موجود منها تاكسى

غير ان التوكيل زحمه ومقرف و لما تروح فيه هتستني العربيه 7 او 8 ساعات

كلام صحيح نوعا ما لكن ده النسبة لبعض المراكز لكن الأغلبية مش زحمه و مش كل الأيام زى بعض

التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك

كلام مش صحيح فيه مركز فى الكيلو 32 طريق اسكندية الصحراوى (مركز رئيسى)
تكنو سيرفس 1 فى جسر السويس (رئيسى)
تكنو سيرفس 2 جسر السويس برضه رئيسى
تكنو سيرفس إسكندرية (رثيسى)
أما بالنسبة للضمان فالصحيح إن مركز الصيانة هو بيرجع لمهندسى الضمان فى المركز الرئيسى

[B][COLOR=black][FONT=Arial]الفرع الرئيسي مفوش حجز يعني تروح من الفجر علشان[/FONT][/COLOR][COLOR=black][FONT=Arial] تحجز دور بدري[/FONT][/COLOR][/B]

صحيح بالنسبة لأبو رواش لكن الصحراوى بالحجز

[COLOR=black][FONT=Arial][B]صيانه ال 30 الف هتكلف 1700 جنيه[/B][/FONT][/COLOR]

تقريبا صح بس و ده علشان فيها تغيير سيور و بلى و فلاتر و زيوت و تيل

[B][COLOR=black][FONT=Arial]صندوق البيئه ثمنه 1200 جنيه[/FONT][/COLOR][COLOR=black][FONT=Arial] غير المصنعيه[/FONT][/COLOR][/B]

صحيح لكن هو تمنه كام بالنسبة للعربيات التانية أصلا هو غالى علشان الفحم النشط اللى فيه

[B][COLOR=black][FONT=Arial]نصيحه العايز يشتريها يروح يوم التوكيل الرئيسي في ابو رواش و[/FONT][/COLOR][COLOR=black][FONT=Arial] يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو[/FONT][/COLOR][/B]

اللى متضايق من أبو رواش عنده :

الصيانة المتنقلة القاهرة ت : 8888830 016

أبو الفتوح : ك 32 طريق مصر الاسكندرية الصحراوي

تكنوسرفيس : الكيلو 18 طريق مصر الاسماعيلية
الكويت و البلاد العربية : 58 ش التحرير الدقى
فرست كار : ش محمود مرسى متفرع من كفر طهرمس - فيصل

العباسية : 4 شارع الطرابيشى – ميدان الجيش – العباسية
مصر الجديدة : أبو غالى موتورز – 20 ش طومان باى - مصر الجديدة
المعادى : أبو غالى موتورز ناصية 14 ش 308 من ش فلسطين – ميدان الجزائر – المعادى الجديدة

ده فى القاهرة و الجيزة بس غير بقيت المحافظات

فى النهاية طبعا برضه كل واحد حر فى رأيه بس ياريت يحاول يكون موضوعى
و شكرا للجميع

[arc_sherif_81]

الرد على مشاركة h_shahin
-أولا انا اتكلم بناء علي تجربه شخصيه مع A516 مو 2007
-التكييف عندي تم تصليحه ثلاث مرات من نفس العيب و كل مره يوم كامل يضيع في التوكيل اما بالنسبه لعلبه البيئه ضمانها سنه فباظت بعد شهرين من نهايه الضمان و اجد في كل زياره للتوكيل اكثر من فرد يشتكو نفس الشكوي اما بالنسبه للكاسيت ففي التوكيل بلغوني ان عيب الترس هو عيب متكرر و يصلح في الضمان
-اسعار الصيانه غليه يعني اغلي من النيسان و الفورد فوكاس رغم فارق الفئه السعريه
-قطع الغيار غير معمره مثل علبه البيئه في اللنوس و النوبيرا مثلا من 1999 لم يتم تغيرها و سير الكاتينه يتم تغييره في اي سياره عند 60000 كم اما الاسبرنزا فتغييره عند 30000 كم وطالما قطع غيار مش معمره تبقي مش بتاعت شغل
-صندوق البيئه في النوبيره + مصنعيه تركيبه في التوكيل 400 جنيه (شوف الفرق كام)
-انا مبروحش ابو رواش غير للضمان بس ده بيبقي كثير لان عيوب العربيه كثير و ايضا بعض قطع الغيار لا توجد إلا في الفرع الرئيسي نظرا لكثره السحب عليها مثل صندوق البيئه ( و المعلومه ديه مبلغهالي مهندس التوكيل بعد لما دوخت علي صندوق البيئه )

[h_shahin]

أولا أشكرك أخيرا على الرد
و توضيح أكثر لمشاكل التى تعرضت لها مع التوكيل

المهم أنا كمان معايا السيارة موديل 2009 من أربعة شهور (طبعا فترة صغيرة) لكن أنا امل بالعربية 13000 كم خلال الفترة دى
لم أقابل أى من المشاكل إللى حضرتك ذكرتها دى بامانة

بالنسبة للكاسيت فيه ناس بتقول إنه بيعلق (محصلتش معايا) لكن المشكلة مش فى ترس و لا حاجه كل الحكاية إن ميكانيزم دخول و خروج السى دى محتاج تزيت أو تشحيم فقط و ذلك باستخدام سبراى يباع فى السوق بـ 8 جنية أسمه akai و نوع تانى إسمه star و هم مخصصين لتنظيف الفيديو و السي دي و خلافه

التكييف كان فيه مشكلة فى موديلات 2006 و 2007 لكن بعد كده معدش فيه مشاكل فى التكييف و المشكلة كانت فى صمام خاص بدورة التدفئة كان بأثر على قوة تبريد التكيف و المشكلة دى إختفت حاليا

علبة البيئة بتعمل مشكلة لو إتخبطت كذا مرة أو إتخبطت خبطة جديدة لكن فى العادى مفيش أى مشكلة و عموما ممكن علاجها و لحامها خارج التوكيل و كمان ممكن تركيب سوستة للشكمان و الحكاية دى ما بتكلفش كتير .

أسعار الصيانات الدورية عالية

صيانة 1000 تتكلف 300 جنيه عبارة عن زيت موبل وان و فيلتر زيت
صيانة 5000 تتكلف 75 جنية
صيانة 10000 تتكلف 380 جنيه متضمنة تمن زيت موبل وان و فيلتر الزيت
و هكذا حتى صيانة 30000 إللى بتتكلف من 1500 إلى 1700 جنيه متضمنة ثمن الزيوت و الفلاتر و سير الكاتينة و بلى الشداد و أشياء أخرى و للعلم عند تغيير هذة القطع تكون تقريبا بحالتها يعنى عمرها الإفتراضى أكبر لكن التغيير على 30000 من إشتراطات الشركة الصينى (ممكن أتفق معاك إنه يمكن يكون إستغلال ) - و بالمناسبة يمكن إجراءها حاليا خارج التوكيل بتكلفة لا تزيد عن 1000

موضوع عربية مش بتاعة شغل دى أنا مش مقتنع بيها خالص لإن العربية عاملة معايا 13000 خلال أربعة شهور و بسافر بيها مرتين تلاتة كل أسبوع ، ده غير الناس إللى معاهم العربية من تلات سنين و معندهمش المشاكل إللى حضرتك بتقولها دى.

بالنسبة للتوكيل أنا ممكن أتفق معاك إنه أحيانا بيبقى مزعج ومعطل لكن فى أحيان تانية بيكون كويس و بيحل مشاكل و بيغير حاجات مهمة و مكلفة فى الضمان .

المشكلة مش فى إن حضرتك مخنوق من العربية و نفسك تولع فيها بجاز لكن المشكلة فى التعميم يمكن يكون حظ حضرتك كان وحش لكن ناس كتير تانية محصلهمش المشاكل دى كلها و أعتقد هم الأغلبية .