حاجة جديدة اكتشفتها في الاسبيرانزا !!!

[aboaya]

إيه الجمال ده

[TAREK ZIAD]

أي أوبشن موجود في أي سياره لازم يكون موجود في الأسبرانزا سواء الكبيره أو الصغيره

يعني مافيش ما يدعو للدهشه

علي فكرة احنا ما بنقولش دي موجوده في عربية تانيه ولا لأ

أحنا بنقول انا اكتشفت أوبشن ما كانش معلن عنه في البورشور ... أو السايتات ...

لأن مالك الأسيرانزه مالوش دعوه بالعربيات التانيه ....

عزيزى بايو و عزيزى أ/طارق
تحياتى لكما، وسبقتنى يا طارق باشا.... كنت هاقولها.... وهى فعلا إكتشاف جديد لنا إحنا غير مذكور فى الكتالوج و لم يسبق لى معرفته و بالتأكيد موجود أحسن منه فى كل السيارات الأخرى و ربنا يبارك للجميع....
تحياتى
م/طارق زياد

[asaber]

علي فكره البيجو 504 فيها كده

[Tarek Ibrahim]

يا فندم من بعض ما عندكم ....

[TAREK ZIAD]

منذ فترة، وأنا واقف أتأمل فى سيارتى الA620 ، شكيت فى إن الفانوس الأمامى الضخم شكله كدة بلاستك مش زجاج كما هو معتاد ودة يبقى ساعتها أكبر مقلب كلته، وفعلا دقيت عليه بسن المفتاح و تأكدت إنها ليست رنة زجاج بل بلاستك. قلت أة كدة بقة إبتدى يظهر التجميع المصرى.... بالصدفة كنت وقتها راكن فى شارع دمشق بركب فرش للكراسى وركنت جنبى سيارة لانسر لسة طازة بدون نمر فانوسها كبير يشبه اللى عندى، سلمت على صاحبها و إستئذنته وبالفعل خبطت غلى الفانوس لقيت الصوت بلاستك....طبعا صاحبنا كان مستغرب جدا و بيقول ربنا يشفى ....عنده حق بصراحة.... جنب المحل كان محل إكسسوارات و معلق فوانيس ضخمة بس كانت كلها ماركات أوروبية شديدة، سألت صاحب المحل هل هى أصلى ولا تقليد فرد على سخافة السؤال... أصلى طبعا... قلتله بس دى شكلها بلاستك... قاللى طيب ما هو الجديد كله كدة إنت عاوز إيه؟؟؟؟ بصراحة حمدت ربنا جدا جدا جدا لأنه لو كنت فى مكان تانى كان زمانى متأكد إن الموضوع دة فزلكة من التوكيل و سؤ نية و نصب...و بصراحة دى كانت أول مرة أعرف أو أسمع فيها عن الفوانيس البلاستك دى و بعد كدة إتأكدت منها فعلا خاصة أنها لا تظهر سوى فى حالة الحوادث أو الإحتكاكات. هو إكتشاف جديد لى و طبعا مش جديد على الكل.
تحياتى
م/طارق زياد

[aamerbebo]

الله يا استاذ طارق انت اضحكتني جدا جدا
وازداد حبي ليك من حبك في العربية :)

[وائل عطية]

م/طارق زياد
بالفعل ده تطوير جديد في مجال التصنيع بيضمن خفة الوزن وبالتالى تقليل الأحمال على المحرك، هذا بالإضافة إلى عملانية الاستخدام ومقاومة الكسر.
وده اتجاه سائد في صناعات كثيرة حتى إنه موجود في صناعة الموبيليا الحديثة:
يعني أضربلك مثل أنا عندي نيش في البيت تصميمه واخد دوارانات كلها متركب فيها بلاستيك لو شفته استحالة تقول إن ده بلاستيك ولكن لو خبطت عليه بالمفتاح بتاعك :lol: هاتقتنع إنه بلاستيك وهو بالفعل شكل الزجاج تماماً ولا يوجد أي اختلاف بينهم إلا أنه سهل التشكيل علشان كده خد الدوران الحاد المطلوب مع الحفاظ على المتانة وعدم الكسر.

[ashraf_hisham]

والله أنا فعلا أول مره أعرف مواضيع كتيره فى العربيات والفضل يرجع للعزيزه أسبرنزا لأنها السبب فى البحث والتدقيق

وأرجع وأقول أن الواحد لوراكب العربيه ومقتنع بيها حتبقى طياوه ولو ركب BMW ومش مقتنع بيها حتبقى توك توك :lol: :lol:

[Abdallah]

فعلا منذ فترة يتم تصنيع الفوانيس الامامية من الزجاج لانها اكثر تحملا للصدمات من الزجاج وسهلة التشكيل وقد لاحظت هذا فى سيارتى موديل 93 فهو ليس شيئا جديدا يا سيدى.

[Tarek Ibrahim]

تحياتي العطرة للأستاذ أشرف هشام

وأرجع وأقول أن الواحد لوراكب العربيه ومقتنع بيها حتبقى طياوه ولو ركب BMW ومش مقتنع بيها حتبقى توك توك

و نعم القول

[عبدالرحمن]

دا غير ان الشركات المصنعة اكتشفت ان مركبات البولى كربونايت ( مواد بلاستيكية )

لها قودرة على تحمل الصمدات و قدلر عال من الشفافية عن الزجاج !!!!!!!

ولكا عملوها اول مرة كانت الفوانيس بتصفر بسرعة جدا ( زى البيجو 206 ) القديمة

و منذ ذلك الحين تم اضافة مركابت اخرى و عناصر اضافية ( مش فاكر اسمها اية والله )
بتعطى للكشاف شفافية وتجعلة ناصع مثل الزجاج !!!

ولاحظوا الفرق بين ال 206 الموديلات القديمة وال 206 الموديلات بتاعت السنتين اللى فاتواا!!