إعـــــــلان

Collapse

.

,
See more
See less

محتاج رأيكم بأمانة ربنا وتكون عن دراسة وتجرية

Collapse
X
 
  • Filter
  • الوقت
  • Show
Clear All
new posts

  • محتاج رأيكم بأمانة ربنا وتكون عن دراسة وتجرية

    أنا اخ جديد ليكم فى المتدى الجميل ده وارجوا نى اكون من اسرتكوا الجميلة ومحتاج رايكوا بصراحة لأنى قررت انى اشترى عربية من كتر بهدلتى فى الموصلات انا والمدام وولادى وبفضل ربنا قدرت اجمع مبلغ ادفع منه مقدمة عربية و أقسط الباقى والمبلغ الى قدرت أجمعة حوالى 30 الف جنية والباقى بالتقسيط ومتحير بين 4 عربيات فى حدود امكانياتى ( فيرنا و لا سبيرنزا ولا دايوو لانوس ولا أكسبلوجان من المسلمى الى شبة التريوس أكيد عارفنها ) والمشكلة الى محيرانى انهم تقريبا متقاربين فى الفئة السعرية ، لكن الى محيرنى أكتر انى مش عارف الصينى ولا الكورى الأحسن ولا مبقتش فرقة فى رأيكم أنهى أفضل ويكون عن تجربة وهل الصينى اثبت نجاحة وكفائتة ولا مشاكلة عادية زى الكورى الى اتعودنا علية منذ فترة ولا فعلا معظم الى اشتروا الصينى وخصوصا الى سبرنزا حاسيين انهم اتدبسوا وبيفكروا يبيعوها زى ماهم كاتبين ولا دى قلة كان حظهم فى النسبة الى فى كل العربيات الى بيصبها عيوب الصناعة واللى اشترى الفيرنا ياريت يشارك برأيه وبرضوا ال لانوس والاكسبلوجان .أسف انى طولت عليكم بس بجد أخوكوا مزنووووووووووووووووق يا جدعان ومحتاج مساعدتكوا .. ماحدش يفهمنى غلط مش عشان تدفعولى الأقساط أنا بس عايز نصيحة لله مش هتكلفكوا جنية وكل سنة وأنتوا طيبين ( قال رسول الله صلى الله عليه وسلم :- الدال على الخير كفاعلة ) ربنا مايعطلكوا عربية أبدا وجزاكم الله كل خير
    أخوكم فى الله
    وائل جمال wael _ecs
    اود ان اشارك فى هذا المنتدى الجميل وذلك للأسهام فى رواج المعلومات عن السيارت فى مصر بغية تحقيق افضل نصائح لشراء السيارات للمواطنين المصرين املا ان تكون مشاركتى فعالة ومفيدة لجميع الأعضاء
    أخوكم وائل جمال

  • #2
    دايو لانوس افضل اختيار في العربيات اللي حضرتك كاتبها انا كنت بفاضل بردو بين العربيات دي و اتدبست وجبت عربية صيني ماشكلها كتير و نصيحة ابعد عن الصيني كمان اللانوس سعر اعادة البيع بتاعها افضل من كل اللي انت قلته وي وم ماتقول عايز ابيع هتلاقي مليون مشتري و العربية حلوة مش واحشة في فئتها و حدود سعرها

    Comment


    • #3
      بالنسبة للدايو الانوس و الفيرنا انا شخصيا اخترت الانوس لموتورها و عفشتها و بعض مشاكل عاصرتها مع ملاك الفيرنا
      لكن بصراحة الأتنين تقريبا واحد و مسألة أذواق لكن ممكن تجيب الصيني طقم للسفرة بس لا أكثر

      Comment


      • #4
        انا ماركبتش ولا واحدة فيهم
        بس من اللي باسمعه
        مافيش حد اشتكى من اللانوس ,أما الباقي فحدث ولا حرج
        [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

        Comment


        • #5
          الأخ الفاضل نصيحة مخلصة إبعد عن الصيني علي الأقل دلوقت......لانوس تكسب الفيرنا في كل حاجة....... لو مايفرقش معاك الزيرو فيه إختيارت كتيرفي حدود ميزانيتك والله الموفق
          [CENTER] [/CENTER]

          Comment


          • #6
            المشاركة الأصلية كتبت بواسطة Chicco
            الأخ الفاضل نصيحة مخلصة إبعد عن الصيني علي الأقل دلوقت......
            +10000000000000
            انا كنت عامل زيك بس ما بين لانوس و فيرنا 1600 و الحمد لله جبت الفيرنا العربية معايا زى الفل و للعلم انا كنت راكب لانوس 1 مدة كبيرة و بجد الفيرنا سيارة تستحق الاحترام فى رأى و كمان عربية على قد تمنها و لا ارى اى مشاكل فيها.
            و ربنا يوفأك ان شاء الله.

            Comment


            • #7
              verna 1
              lanos 2

              bs keda

              Comment


              • #8
                أولا أهلا بيك فى هذا المنتدى وندعو الله أن تستفاد وتفيدنا بأحس المعومات إن شاء الله
                ثانيا - طبعا من ردود الأخوة الزملاء لانجد أحد منهم أقتنى عربية صينى إلا الأخ العزيز تربو - ومن هذة النقطة سو أبداء سرد حديثى
                معلومة هامة - من خبرتى فى السوق المصرى لمدة طويلة أحب أنوهك أن العلربيات الصينى فى بعضها مقلب وبعضها ملوش حل بالنسبة لسعرة وذلك عن تجربة متابعة لمدة طويلة وتجربة أقتناء أتمنى إن شاء الله أن تدوم
                لشراء عربية صينى - من رأى الشخصى - يفضل بشدة أن تكون كسر زيرو علشان نغطى تماما نقطة أعادة البيع وقيمتها
                من مميزات السيارات الصينى أنك بتاخد مميزات وكماليات لو موجودة فى عربية كورى أضرب التمن فى 2 ولو يابانى أضربة فى 3 - بس فى سبيل دة أنت بتتنازل عن بعض الأشياء وأهمها توافر قطع الغيار ودية نقطة مهمة جدا لازم تأخذها فى الأعتبارسواء حتجيب يابانى أو كورى أو أروبى
                ثالثا
                لآبد من تحديد أحتياجاتك ومتطلباتك فى السيارة قبل أختيار الماركة لأن قرار شراء سيارة فى مصر ليس بالسهل أبدا - وللرد الوافى عليك فأنى محناج منك للرد على الأسئلة الأتير بنعم أو لا
                1- هل تفكر فى بيع السيارة بعد فترة قصيرة
                2- هل مهم لك سعر ما بعد البيع
                3- هل بأستمرار بيكون موجود 5 أو 4 أفراد فى العربية
                4- هل تسافر كثيرا
                5- هل يهمك موضوع أستهلاك البنزين
                6- هل تريد عربية ملفتة للنظر وغير منتشرة حفاظا على البرستيج
                7- هل أنت ممن عندهم طرق للحصول على قطع الغيار الأستيراد
                8- هل يهمك عامل ألأمان
                9- هل تهمك أن تكون العربية فيها جميع الكاماليات وأنواع الرفاهية
                10- هل يهمك أن يكون أداء الموتور عالى فى العزم والتسارع تحسبا لأى ظرف
                11- هل يهمك أن تكون العربية متوازنة على السرعات العالية فوق 140
                12- وأخيرا وليس أخرا ما هو أقصى مبلغ ممكن دفعة فى العربية وما هو توقعاتك بالسعر فى حالة البيع
                والله المستعان
                [CENTER][sor2]http://www2.0zz0.com/2012/03/20/06/448963560.jpg[/sor2]
                [FONT=Book Antiqua]TAHOE THE LEGEND[/FONT]
                [/CENTER]

                Comment


                • #9
                  اهلا بيك في المنتدي ومنورنا
                  انا كنت في حيرة من امري زي حالاتك كده بالضبط
                  وكنت برضة محتار بين نفس العربيات بس بصراحة قررت اجيب اللانوس بعد تفكير عميق
                  لانها
                  1- اقل عربية فيهم الناس ذكرت فيها مشاكل تليها الفيرنا ثم الصيني
                  2- سعر اعادة البيع
                  3- الفلوس اللي الواحد بشتري بيها العربية دي بتبقي تحويشة عمرة وسالف عليهم كمان فمعتقدش انه ممكن يشتري عربية لسه بتتجرب في السوق ويخاطر بتحويشة عمرة ويبقي مديون
                  وربنا يهديك للصالح ان شاء الله
                  محمد إسماعيل

                  Comment


                  • #10
                    مرحبا بك عضو جديد معنا دى اولا
                    ثانيا من الاخر و من غير تفكير كتير
                    1- لانوس
                    2- فيرنا
                    3- بلاش الصينى هو اخره فعلا زى ما صديقنا الصاوى قال طقم سفرة

                    Comment


                    • #11
                      • اهلا بيك يا وائل فى المنتدى

                        انا هقولك رأيى بصراحة لانى كنت فى نفس الحيرة

                        لاكن بعد تفكير ومقارنة اشتريت اللانوس

                        نصيحة ابعد عن الصينى بجميع انواعه تماماااااا

                        وقارن بين اللانوس والفيرنا
                      [CENTER]
                      [FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]

                      [img2]http://www8.0zz0.com/thumbs/2009/10/06/18/187809311.jpg[/img2]
                      [/CENTER]

                      Comment


                      • #12
                        زى ما قالو ابعد عن الصينى ده اولا وبعدين فكر بالترتيب لانوس وبعدين فيرنا

                        Comment


                        • #13
                          أولا" احب اشكر الى كل اهتموا بيا بالترتيب كل الى شاركوا برأيهم وخدت من وقتهم فى الرد عليا الأخوة الأعزاء ( توربو والصاوى وأحمد سامى وشيكو وبيكو ومحمد الحسين والمهندس مخلوف ومحمد اسماعيل وأبو علم وساكسون وأيمن الخولى بجد بشكركوا من كل قلبى ويارب دايما تكونو فى صحة وأحسن حال.
                          وأخص بالشكر المهندس محمد مخلوف لأنة طالب منى اجابات بنعم أو لا عشان يرشحلى حاجة كويسة لأنى حاسس أنة حاطط نفسة مكانى كأنه هيشترى العربية دى ليه هو بجد شعور نبيل منك
                          1- هل تفكر فى بيع السيارة بعد فترة قصيرة لا
                          2- هل مهم لك سعر ما بعد البيع لا
                          3- هل بأستمرار بيكون موجود 5 أو 4 أفراد فى العربية نعم
                          4- هل تسافر كثيرا لا
                          5- هل يهمك موضوع أستهلاك البنزين نعم
                          6- هل تريد عربية ملفتة للنظر وغير منتشرة حفاظا على البرستيج لا
                          7- هل أنت ممن عندهم طرق للحصول على قطع الغيار الأستيراد لا
                          8- هل يهمك عامل ألأمان نعم
                          9- هل تهمك أن تكون العربية فيها جميع الكاماليات وأنواع الرفاهية نعم
                          10- هل يهمك أن يكون أداء الموتور عالى فى العزم والتسارع تحسبا لأى ظرف نعم
                          11- هل يهمك أن تكون العربية متوازنة على السرعات العالية فوق 140 نعم
                          12- وأخيرا وليس أخرا ما هو أقصى مبلغ ممكن دفعة فى العربية وما هو توقعاتك بالسعر فى حالة البيع
                          والله المستعان الأجابة :- أنا كل الى هاقدر ادفعة 30 ألف و هاقسط الباقى وتوقعى لتنزيل السعر فى حالة البيع لا يتعدى 10 ألاف جنيه

                          - بالنسبة للأخ شيكو عايز اعرف منك ايه هى الأختيارات الكتير الى فى دماغك الى فى حدود ميزانيتى وعايز رأيك فى الكيا البيكانتو لو اتحتط فى مقارنة مع الانوس والفيرنا مشكوووووووور

                          - ياريت الأخ توربو تطمنى عملت ايه فى عربيتك الصينى بعتها ولا لسة مستحمل مشاكلها وايه هى مشاكلها بالظبط يعنى فى العفشة ولا السحب ولا الزوايا ولا الصوت العالى ولا مشاكل فى الكماليات زى التكييف والكاسيت والسنترلوك ياريت تحددلى مشاكلها بالظبط
                          - وبالنسبة للصاوى ميرسى أوى على النصيحة الغالية بتاعة طقم السفرة لأن مراتى فعلا" محتاجة طقم بدل الى أتكسر فى عزايم رمضان بس أنا بقترح عليها نجيب عربية صينى ونبيع السفرة أهى منها ناكل عليها ومنها المدام تتفسح بيها فى الشقة شوية عبان ما أرجع من الشغل أهى حاجة تسليها هى والأولاد
                          بالنسبة للأخوة أبو علم ومحمد اسماعيل أنا مقتنع جدا" برأيكوا أنتوا بجد زى العسل ربنا يديم المعروف بينا
                          - تحية خاصة جدا" لبيكو ومحمد الحسين وأحمد سامى وساكسون وأيمن الخولى على على أهتمامكوا بيا ورأيكم غالى عندى أوى
                          وإن شاء الله هاخد القرار النهائى بعد ما المهندس مخلوف يدينى رأية النهائى بعد ماجاوبتة على أسئلتوا ويارب يجزيكو عنى كل خير
                          طلب أخير : ياريت تضفونى على الماسنجر ياهووو أو هوت ميل للتواصل
                          wael_ecs@hotmail or yahoo
                          أخوكم وائل جمال
                          اود ان اشارك فى هذا المنتدى الجميل وذلك للأسهام فى رواج المعلومات عن السيارت فى مصر بغية تحقيق افضل نصائح لشراء السيارات للمواطنين المصرين املا ان تكون مشاركتى فعالة ومفيدة لجميع الأعضاء
                          أخوكم وائل جمال

                          Comment


                          • #14
                            LANOS
                            Thanks
                            Ahmed Hassan
                            [I][SIZE=3][SIZE=2]When all you have is a hammer, everything looks like a nail

                            [/SIZE][/SIZE][/I][CENTER][SIGPIC][/SIGPIC][/CENTER]

                            Comment


                            • #15
                              1.لانوس
                              2.لانوس
                              3.فيرنا

                              Comment

                              Working...
                              X