محتار بين الـ m11 والـ a516

[strongdeveloper]

السلام عليكم ورحمه الله وبركاتة

أخوانى الأعزاء

أنا محتار بين العربية الجديدة m11 والوزة a516 أنا نزلت إمبارح اتفرجت على m11 فى توكيل أبو الفتوح اللى على كورنيش المعادى بصراحة العربية شكلها جميل لكن الناس اللى كانوا معايه قالوا ان العربية ضيقة ومتعرفش تاخد راحتك فيها

فكنت عايز أعرف العربية ضيقة فعلا ولا لأ وانا شايف ان فيه عربيات كتيرة فى نفس الطول زى الأفيو والأوبترا فكنت عايز أعرف المسافة بين العجل الأمامى والعجل الخلفى فى ال m11 والعربيات التانية

وحاجة كمان العربية ب 75000 وال a516 ب 68000 فهل فعلا العربية تستاهل فرق الفلوس دة ولا ايه ولو تستاهل ايه الفروق الجامده اللى تخليها تفكر فى السعر

على فكرة انا صورت العربية فيديو وحرفعة ان شاء الله وحبعت اللينك

الرجاء أفيدونى ياأهل الخبرة علشان انا فعلا عايز أحجز فى خلال أسبوع أو اتنين بكتيرة ان شاء الله

جزاكم الله كل خير

والسلام عليكم ورحمه الله وبركاتة

[mantoros]

طبعا ال 11m
very nice modernized car,excellent outlook (looks like proton persona a little) excellent interior not small but fair enough inside
excellent quality of internal fabriques,great dash board (rubber not plastic) and so elegent

the body is well formed and chic
safety profile excellent.......5 stars in crash test

good value for money in current cars in same price

don't hesitate توكل علي الله

d.shamel soaida

[aly_hosny]

هي العربية ضيقة بالنسبه لل A516 لان الاخيرة واسعة جدا
بس انا رغم ان ال a516 كعربية جملية جدا بس مش عاجبني شكلها خااااااااااااااالص
وال m11 احلى بكتير في الشكل وتقريبا الاتنين نفس الموتور ونفس الكماليات وتقريبا ميفرقوش غير الشكل
رغم ان انا شايف ان انت لو معاك 75 هات تيجو 1600 شكلها وكل حاجة اجمد من الاتنين

[blazer]

75 الف
شوف برده العربيات اللى فى نفس الفئه السعريه "الجين 2 "
واستخير ربنا

[Hacker5]

الـ M11 طبعا
الفرق بينها و بين الـ 516
مقاس الجنط فى الـ M11 مقاسه 16
الخامات افضل كتير من الـ 516
بودى الـ M11 اقوى
الصالون اشيك بكتير من الـ 516
الـ m11 فيها EBD + ESP
شكل الـ m11 افضل طبعا و فيها روح اوروبية حيث انها تصميم ايطالى
يعنى من الاخر هيا احسن سيارة فى فئتها
توكيل على الله و انا انشاء الله هاحصلك قريب :)

[Mostafa Hessen]

m11 فعلا تحفة

[arc_sherif_81]

A516

عليه البيئه و التكيف و الكاسيت مشاكل متكرره

اسعار الصيانات الدوريه غاليه

قطع الغيار غير معمره

عربيه مش بتاعت شغل

غير ان التوكيل زحمه ومقرف و لما تروح فيه هتستني العربيه 7 او 8 ساعات

التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك

الفرع الرئيسي مفوش حجز يعني تروح من الفجر علشان تحجز دور بدري

صيانه ال 30 الف هتكلف 1700 جنيه

صندوق البيئه ثمنه 1000 جنيه غير المصنعيه

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو

[Hacker5]

هو فى حد مصلطك علينا ؟
حضرتك جاى من انهى شركة ؟
بصراحة كدة اوفر اوى

[karim2001]

يا جماعه انا كمان شويه هتجن
هل هناك فرق بين ماتور الa516 و m11 يا ريت الرد ضرورى لان المشاكل اللى بتاعنى منها ال a516 من علبة البيئه و قطع غيار التكييف والكلام دا كله انا شايف انها حجات ميكانيكيه اكتر من كونها كماليات ترفيهيه ودى النقطه لان لو المواتير مختلفه يبقى ممكن ميكونش فيه مشكله وانا اخويا فى القاهره بيقولى العربيه زايطه فى الشوارع وزى الفل كله مبسوط منها

بس نرجع نقول هل العربيه هو دا سعرها ولا ايه انا شايف انها غاليه شويه

[AhMeD EzZ]

a516

عليه البيئه و التكيف و الكاسيت مشاكل متكرره

اسعار الصيانات الدوريه غاليه

قطع الغيار غير معمره

عربيه مش بتاعت شغل

غير ان التوكيل زحمه ومقرف و لما تروح فيه هتستني العربيه 7 او 8 ساعات

التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك

الفرع الرئيسي مفوش حجز يعني تروح من الفجر علشان تحجز دور بدري

صيانه ال 30 الف هتكلف 1700 جنيه

صندوق البيئه ثمنه 1000 جنيه غير المصنعيه

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو

اموت و اعرف مين الي قال كدة
العربية معايا بقالها سنة و زي الفل مفيهاش اي حاجة
ثابتة علي الطريق
عملت بيها حدثة قبل كدة و الكل اجمع علي قوتها " 132 دخلت فيا من قدام و كانت ماشية بسرعة كل الي حصل تطبيق في الرقرف و الاكصدام اتعوج "
سحبها كويس بس تقيل شوية علي الاول

[egypt0777]

ال516 احلى بكتير

[hesham_soaida]

لا يوجد وجه مقارنة بين السيارتين ال m11 تكسب فى كل شئ. العربية شوفتها النهاردة فهى رائعة, ولكنها في رايي تصلح أكثر عربية شبابي أكثر منها عائلية, صالونها واسع ولكن حجم الشنطة صغير.









هل هناك فرق بين ماتور الa516 و m11 يا ريت الرد ضروري


هو نفس الموتور, وهو أيضا نفس موتور التيجو 1600 , ولكن ال m11 أثقل وزنا من ال 516 ب 105 كيلو , واثقل من التيجو ب 20 كيلو, وهذا الفرق الوحيد الموجود برأيي لصالح ال516

[egypt0777]

ال 516 عائلية
ال m 11 شبابية

الاتنين احلى من بعض ( اللى مش موجود فى واحده موجود فى التانية و العكس )

رائ استنى لما تنزل السوق و يبان عيوبها و مميزتها

[bishoy02010]

فين الفيديو

[amr.elsayed]

يا جماعه انا كمان شويه هتجن

سلامتك يا كيمو من الجنان

هل هناك فرق بين ماتور الa516 و m11 يا ريت الرد ضرورى لان المشاكل اللى بتاعنى منها ال a516 من علبة البيئه و قطع غيار التكييف والكلام دا كله انا شايف انها حجات ميكانيكيه اكتر من كونها كماليات ترفيهيه

يا كريم العربية الاسبرانزا a516 انتشرت انتشار جامد جدا والمشاكل دى اكيد مشاكل فردية
بتظهر فى ماركات كتير ومش معقول عربية يكون فيها كل المشاكل دى تكون منتشرة الاتشار دة

ودى النقطه لان لو المواتير مختلفه يبقى ممكن ميكونش فيه مشكله

ما سمعتش قبل كدة ان حد اشتكى من مواتير اسبرانزا يعنى مفيش مشكلة اصلا
ان يكون نفس ماتور اسبرانزا a516 هو هو ماتور m11

وانا اخويا فى القاهره بيقولى العربيه زايطه فى الشوارع وزى الفل كله مبسوط منها

عشان اخوك مش حايقولك حاجة مضللة وفعلا انا لاحظت انتشار العربية الكبير (a516)

بس نرجع نقول هل العربيه هو دا سعرها ولا ايه انا شايف انها غاليه شويه

ما ينفعش نحكم على سعرها دلوقتى هى سعرها رخيص بالنسبة للسيارات السيدان فى مصر
لما نشوف الايام وهى اللى حتحكم وممكن يكون فرق السعر بين m11 و ال a516
تلافى بعض العيوب اللى كانت موجودة فى الموديل القديم ودى مش حاجة وحشة بالعكس
كويس اوى انهم يطوروا من نفسهم وكلوا فى مصلحة المستهلك
انا ماعيش اسبرانزا ولا سيارة صينية بس انا مقتنع ان كل واحد بيجيب العربية اللى تلبى احتياجاته
بغض النظر عن كونها صينى ولا هندى ولا من القمر المهم السيارة تلبى احتياجاتى
كل سنة وانت طيب وان شاء الله ربنا يرشدك للاختيار الموفق