لماذا تهاجم السيارات الصيني؟؟؟

[medo_2060]

قمة الغباء ، او على حد تعبيرك ، الغباء الكبير فعلا هو شراء العربيات الصيني !!!!!!!!!!!

متشكر جدا لمداخله حضرتك الى كلها ذوق واذا كان غباء انك يبقى عندك صينى سيبلنا الغباء دا واركب انت مازدا وخليك ذكى ولما حضرتك منتدى الصينى تاعبك كدا متتعبش نفسك وتدخله تانى...احنا مش عايزين الا راحه حضرتك

[ممدوح عباس]

كلمة مدير تسويق رينو : ان الكلمة الفصل في سوق السيارات سوف تكون للصين في ظرف 5 سنوات ولا تعليق بعد هذا

[amr.elsayed]

كلمة مدير تسويق رينو : ان الكلمة الفصل في سوق السيارات سوف تكون للصين في ظرف 5 سنوات ولا تعليق بعد هذا

يا ريت يا باشا تقولنا مصدر الخبر

[mantis7806]

قمة الغباء ، او على حد تعبيرك ، الغباء الكبير فعلا هو شراء العربيات الصيني !!!!!!!!!!!

السيد العضو اللي واضح انه محترم جدا وابن ناس جدا جدا جدا
يسعدني اني اكون واحد من الأغبياء الكبار اللي اشتروا الصيني
أنا عربيتي اسبيرانزا A516
معلش ياسيدي على أد فلوسي
بس أنا عاوز أأكدلك اني لو معايا في حدود 130 او 140 ألف ومفيش عربيات في العالم غير المازدا مش هاجيبها عشان خاطر سيادتك تفرح بالمازدا بتاعتك وزي ما قالو زمان المازدا فاسدة ولا نسيت

ولا عزاء لأصحاب الاسبيرانزا

معلش ياجماعة لو جت من حد تاني راكب حاجة غير المازدا كنا اتكلمنا

[mantis7806]

كلامكوا مظبوط
انا عن نفسى واحد من اللى راكبين عربيات منعدمة الامان (لانوس) يعنى حتى لو جبت بريلينس Frv اللى بـ 75000 كان زمانى راكب عربية فيها امان عالى
و دلوقتى انا مقتنع بالصينى بس مش كله
فى عربيات صينى كويسة و بقت زى الرز فى شوارعنا المكسرة و منها اللى شغال تاكسى
انا من سنة كنت بهاجم الصينى لكن لما جربت و شوفت بنفسى و مقولتش اصل واحد صاحبى مش عارف ايه كان معاه العربية و ولعت بيه و هو ماشى
المشكلة الناس بتنقل كلام و خلاص من غير حتى متجرب و لا تستفسر
انا نفسى كنت كدة لكن لو جربت بنفسى اقتنعت و شيلت من دماغى حاكية الصينى دى خالص و ايه يعنى صينى ؟

الاخوة اللى بيقرنوا العربيات الصينى بالفوانيس الصينى
معاك حق ان الفوانيس الصينى تعبانة لكن مش عارف ليه بتقارنها بالعربيات الصينى
الفانوس ممكن المستورد يطلب الخامة اللى تريحوا و طبعا هايطلب اسوء خامة
لكن العربيات مفيش حاجة اسمها اطلب خامة معينة
الوكيل ممكن يطلب يقلل من امكانيات و كماليات العربية لكم مايقدرش يقول انا عايز العربية خاماتها كذا
يعنى ابو الفتوح منزل الـ 516 بدون وسائد هوائية و هى فى بلدها بتنزل بوسائد هوائية فهى دى العملية كلها
فى عربيات صينى زى الزفت لكن برضو فى عربيات صينى كويسة
فبلاش نهاجم بدون فهم و اقتناع و خلاص
مع انى مستعد اراهن ان معظم الناس اللى بتهاجم عربياتها الجاية هاتكون صينى
و انا بأذن الله مقتنع اقتناع تام بالاسبيرانزا M11 و نازى اجيبها ان شاء الله مع انى معايا عربية كورى لكن لما اشوف عربية صينى متطورة و بها وسائل امان و صاجها جامد و اوبشن ممتازة و بسعر معقول و متفوقة على سيارتى الكورى منعدمة الاوبشن و الامان ماجبهاش ليه ؟

[mantis7806]

أنت جبت خلاصة القول

السيد العضو بتاع الخلاصة
حضرتك معاك لانوس مش كدة
ممكن حضرتك تقوللنا ببعض التفصيل الجودة العالية والامكانيات الرائعة ووسائل الأمان الجبارة اللي عند حضرتك في معجزة العصر ومحطمة الأرقام القياسية العالمية (اللانوس) عشان بس اقارنها بالغلبانة اللي معايا (a516) بس بالراحة عليا عشان متحسرنيش قوي

[جمال]

حضرتك متتعبش نفسك بعد كدا والايام هتثبت للصينى زى ما ثبتت للكورى

انا حضرت ايام ماكانت الناس بتشتم فى اليابانى وماحدش كان بيرضى يشتريه وكان مافيش غير الامريكانى و الاوروبى

[aboomarr]

جدل على الصينيى رهييييييييييييب ---يا جماعه مش مستاهله انا مثلا محروق على فلوسى اللى خسرتها فالتيجو فجى منتدى اسبيرانزا اتكلمممممممممممممممممممم وافضفض عادى يعنى --- اللى عاوز يركب صينى ميسالش عن تقفيل ولا جوده فالخامات وكل مشوف كلمة اسبيرانزل هفضل اقول كده من هنا للسنه اللى جيه

بحق ال 25 الف بتوعىىىىىىىىىىىى وبحق مضرب التوكيل المحترم العربيه ال 2000 سى سى بال 1600 وخلاها متسواش وكل مخش لحد اقوله اشترى يقولى هههههههههههه والله على عينى بس ماليش فالصينى

[waleedrahmy]

السيد العضو بتاع الخلاصة

أسلوبك في الحوار بيتجه الي الشخصنة وده كده أنحراف عن طريق المناقشة المحترمة الهادفة لتوضيح وشرح كل وجه نظر بأسلوب راقي.................. وبالتالي الحوار معاك انتهي........... وسبنالك الخلاصة يا خلاصة...........؟؟؟؟؟؟؟؟؟؟

[medo_2060]

انا حضرت ايام ماكانت الناس بتشتم فى اليابانى وماحدش كان بيرضى يشتريه وكان مافيش غير الامريكانى و الاوروبى

حضرتك عندك حق مع انى محضرتش الايام دى بس الى حضرته ان والدى اشترى لانوس سنه 1999 زيرو وفى بدايه السنه كمان ياسلااااااااااااااااام على الكلام والشتايم الى سمعناها على اللانوس اكتر من الى بيتقال على الصينى دلوقتى وبعد 10 سنين بقت زى الرز فى الشوارع وثبتت نفسها

[mantis7806]

أسلوبك في الحوار بيتجه الي الشخصنة وده كده أنحراف عن طريق المناقشة المحترمة الهادفة لتوضيح وشرح كل وجه نظر بأسلوب راقي.................. وبالتالي الحوار معاك انتهي........... وسبنالك الخلاصة يا خلاصة...........؟؟؟؟؟؟؟؟؟؟

وهو المطلوب
باااااااااي