انظر للامام

[OSHA]

ان كان السائد بين الناس هو الاهتمام باظاهر فمن حق ابو الفتوح ان يفعل ما يشاء بتلاعبه برغبات الناس الراغبين فقط فى الكمليات وحسن المظهر وان لم يطول حسن المظهر طويلا....
اريد شراء سياره من حوالى سنه وانا متابع مواضيع كتر ولكن من الواضح ان اغلب الناس الىبتكتب ناس منتفعه او نتقصهم الخبره وانا لا اتوقع ذلك.. اسبيرانزا مظهر لا جوهر ولتمنى العكس فشكل العربيه يزغلل ولكن سعر اعاده البيع وقطع الغيار يرعب فانا لا انظر تحت اقدامى ولان الكلمه امانه فانا اراعى الله فيما اقو. او اسكت.... يا ريت لو حد هيعلق يتكلم على عمر المتور الافتراضى فى اى عربيه وسعر اعاده البيع هما دول جوهر العربيه لتمنى النجاح لل m11

[ahmad--ezzat]

استاذ osha ارجو توضيح الهدف من الموضوع والمطلوب...لانى الحقيقه مش فاهم؟

[OSHA]

با ريد حد يتكل على اهم جاجه فى العربيه زى الاداء والعفشه والمتور مش بس المظر الجامد ولا الكمليات الى مفيش زيها يعنى الاهتمام بالجوهر وليس فقط المظهر شكرا للهتمامك

[Lord_Fouad]

استاذ osha ارجو توضيح الهدف من الموضوع والمطلوب...لانى الحقيقه مش فاهم؟

111111111+
Me Too

[ahmad--ezzat]

ياباشا انهى عربيه تقصد...ال m11 ?????????????/

[OSHA]

m11 محدش جربها انا بتكلم على الاسبيرانزا عموما المتجرب زى 516 وغيره

[ash257]

مش فاهم
هو حضرتك مع ولا ضد ولا بتسأل

[OSHA]

انا بسائل عن اداء المتور والعفشع وعمر المتور انا محايد لا معا ولا ضد بس لو حد هيرد بمعلومه يا ريت تكون بخصوص الاداء وليس بخصوص المظهر ولا الكمليات البتبوظ بسرعه

[medo_2060]

حضرتك الموضوع غريب وبعدين فى عربيات كتير عمر موتورها الافتراضى قليل ومع ذلك منتششره جدا زى اغلب الكورى وكمان سعر اعاده البيع لو كان عيب فيبقى عيب للميجان والسيات والسوبارو والمازدا فهل معقول ان كل العربيات دى وحشه؟

[dedi]

أنا بأضيف ألي سؤال الأستاذ osha أسعار قطع الغيار و أسعار الصيانة المبالغ فيها

[h_shahin]

أنا برضه شايف إن كل المواضيع التانية فى قسم الإسبيرانزا بتناقش الأداء و الصيانة و قطع الغيار و قليل قوى إللى بيتكلم عن المظهر أو الكماليات (هم الناس إللى ضد العربية فقط هم إللى مركزين أكتر على الكماليات )

[h_shahin]

أما العمر الإفتراضى للمحرك فده ما بانش لغاية دلوقتى لإن العربية بقالها أقل من أربعة سنين يعنى كل مواتيرها لسه جديدة و عموما مسمعناش حد إشتكى لغاية دلوقتى إن الموتور فوت أو دخن أو جاب هوا أو زيت أو أى مشاكل من النوع ده
و علشان الإمانة مشاكل العربية تتخص فى
العفشة إللى صوتها عالى و ممكن تكون ناشفة شوية لكن فى مقابل ثبات أكيد على السرعات العالية
السحب الضعيف و ده بتختلف فيه وجهات النظر علشان طبيعة المحرك و عدد اللفات العالية إللى بيطلبها علشان يطلع أحسن عزم ليه
بمعنى علشان تاخد أداء محترم من المحرك لازم ترفع عدد لفاته بسرعة فوق 3000 لفة فى الدقيقة و أقل من كده هتلاقى العربية سحبها ضعيف

[OSHA]

شكرا للرد عن المتور والعفشه .. ينقصنا التعليق على اعاده سعر البيه الى هو طبعا مش فى صالح العربيه واتمنا لكم دوام التفوق

[OSHA]

اقصد اعاده سعر البيع

[kesmat]

السلام عليكم ورحمة الله وبركاته

بعد أذنكم أنا لى تعقيب على الكلام ده وأن كان لم أرد من قبل أن أتحدث وأشارك فى الردود أو التعقيب على نوعية السيارات الصينية وخاصة أسبرنزا لأنى لم أستخدمها من قبل ولكن أحب أن أنوه عن الأتى :
أولا : أن شاء الله أنا حاجز سيارة تيجو 1600 وذلك عن بعض الأراء التى تكونت لدى من هذا المنتدى الجميل والقيم المفيد بأراء السادة الأعضاء به ، وكان رأى بمنى على أنه لم تكن هناك شكوى فعلية من الأشياء المهمة بالسيارة مثل الماتور والفبيس ونظام التعاليق وهذا الأهم لى ولكل مستخدم سيارة دفع فيها دم قلبة ، ولكن كانت معظم الشكوى من أبواب لم تغلق بسهوله أن الفرش والتقفيل الداخلى فقير نسبيا بأى سيارة تانى وهذا كلام عبيط أوى عشان نقيم به السيارة وأن كان لى تحفظ على التوكيل من ناحية أنه غير ملتزم بموعد التسليم والأسلوب السئ للعاملين به فى المعاملة العملاء .
ثانيا : أحب أن أحكى عن تجربة فعلية معى عن السيارات الكورية وهذا ما لم أحب أن أحكية من قبل ، وهو أننى أشتريت سيارة هونداى i10 وكان الصدمة الأولى لانا هو تغير عدد 2 كوبلن من دون أن نكمل 1000 ك يعنى فى التلين وده كان مرتين وعند الشكوى فى التوكيل كان الرد ده ممكن يكون عيب تصنيع وعند التغير للمره الثانية حدث وأن طلعت لينا مطالبة بتكلفة تغير عدد 2 كوبلن ( غلط على أساس أن العربية بره الضمان ) وكانت الصدمة لما عرفنا التكفلة (5000 خمسة ألاف جنيها ) أتصورو المبلغ فى عربية لعبة زى دى ، أدى أسعار قطع الغيار للكورى لمن يريد أن يعرف ، وده غير أن السماعات بايظة وغير المعاملة الزبالة فى التوكيل .
هذا رأى الشخصى ودون الخوط فى أحد ولكن كثر الكلام دون أى دلائل لأى شئ يعنى واحد بتكلم عن عربية دون أن يستخدمها وكمان عاوز يقارن بينها وبين عربيات لم ستخدمها أيضا طب أزاى .