إعـــــــلان

Collapse

.

,
See more
See less

تقييم الm11 من الاول للاخر

Collapse
This is a sticky topic.
X
X
Collapse
 
  • Page of 57
  • Filter
  • الوقت
  • Show
Clear All
new posts
السابق 1 2 3 4 5 6 7 11 51 57 template التالي
  • #1

    تقييم الm11 من الاول للاخر

    بسم الله

    نيجي بقي للتقييم المبدأي .... العربية تقفيلها رائع .... مفيش حاجة مش راكبة او راكبة معوج.. مافيش فراغات واسعة من جنب و ديقة من جنب..كل خطوط العربية سليمة و مظبوطة الحمد لله .... محمد ابو حمد من ابو غالي سالني تحب اشرحلك حاجة ولا انت هتتعايش قولتلوا ال2 فدحل جوة العربية و ابتدا يقول اللي يعرفة و شكر جزيل للراجل ده علي شان مواعيده مظبوطة و كلمته واحده و متعاون ......
    اعدنا بقي ده النور كده و دي الشبوره قدام و وره وده العالي والواطي و الاشارات و العدادات و اماكن التخزين و الولاعة و الطفاية .. التكييف شغل يا عم سقع اه يالا اطفي ... و طلع فيها فتخة في درج التبلو علشان تسقع من التكييف للشوكلاتة او كدة ... زي تلاجة علي سغنطط... تمام يا باشا قولتلو تمام ....
    بدأو يغسلو العربية علي ما خلصنا الورق.... كل دة انا مقعدتش علي كرسي السواق...
    اللي جاي بقي اعدتي انا

    تفتح الباب تلاقي النور اللي فيه تحت منورلك الارض علشان متدوس في حاجة و انت داخل... سمي الله و ادخل باليمين و قول دعاء الركوب ....
    اول ما تقعد علي الكرس و تظبطه علي مقاسك هتحس انه واخدك في حضنه... عارف لما كنت صغير طول متر كدة و كانت تيجي والدتك تحضنك و تحس بالدفا مع عصرت الحضن مع الامان و الحنية مع بعض؟؟؟؟؟؟
    قاعد متملك كل حاجة في العربية توزيع العدادات كويس .. نورها رائع.. احمر شيطاني وليه زرار يعلي و يوطي قوة الاضاءة
    شغلت العربية .. جربت الزجاج كل واحد من زراره و بعدين كلهم من عندي و بعدين شيكت علي زرار القفل للزجاج و بعدين السنتر... شغلت التكييف و جربت الهوايات كلها .. الكلاكس الاشارات الرعاش ..كل انوار الصالون .. اربع زراير قدام و 2 ورا....الانتظار ..الفرامل بتنور .. الcd و وصلة الusb و الراديو علي القرأن الكريم علشان ربنا يبارك ان شاء الله ....


    نزلت اتأكد ان خلاص محدش ليه حاجة عند حد و اديت محمد ال50 اللي كان ناسيها - مطلبهاش مني من ساعة ما روحت - و سلمت عليه و شكرته و توكلت علي الله.... هانبدأ نسوق

    ظبط كرسيك ..مراياتك 3 .. دريكسيونك فوق تحت.. حزامك بدل ال تن تن تن تن ... سمي الله و ادي اشارة و ياللا .....

    الشارع زحممممممممممممممممممةةةةةةةةةةةةةةةةةةةة استر يا رب... تبتدي تتحرك تلاقي العربية مابتفكرش فبل ما تتحرك ... ما شاء الله موتور غريب بيدوس بنزين قبلك..... تمشي متحسش بأي حاجة من الارض .... عفشة عايزة تصفيق حاد للي عملها طرية و مش مايصة ... متحسش بعين قط و متترقصش في مطبات الهوا .... ده كله تقدير مبدأي علي سرعة لم تزيد عن 80 في جسر السويس و مناطق مجاورة ......
    الفرامل .... مانا عمري ماسوقت abs جربتها .... الفرامل لما تستخدمها عادي تحفة ... ال abs بقي لما تدغط مفاجئ للاخر تلاقي كانك دست علي بطن قطة .... حاجت بتجري و تتزق تحت رجلك بس تقف في خط واحد زي الفل .....

    صحيح كمان .... العربية معاها
    1 الولاعة
    2 زراير الجنوط اللي بتقفل علي صواميل الطنابير- كانوا في اكياسهم و ركبوا قدامي-
    3 وصلة usb
    4 مثلث بيتفك و يتركب في علبة بلاستك معمول فيها لزق -من بتاع الكوتشيات- علشان يلزق في بطانة الشنطة -علشان ميعدش يتفسح و يروش السواق-
    5 شنطة اسعافات
    6 جنط خامس بنفس مواصفات العجل
    7 عدة كاملة مع كوريك في علبة فوم تدخل جوة الاستبن
    [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:
    الكلمات الدلالية (Tags): 1600, abs, chery, m11, ابو الفتوح, اسبيرانزا, استهلاك بنزين, اسعار, الm11, الاول, الضمان, الوكيل, اوتوماتيك, ايرباج, تجربة, تقييم, تقييم اسبرانزا m11, تقييم اسبرانزا أم 11, سبيرانزا, شيرى, صيانة, كماليات, للاخر, من, مواصفات
    • تثبيت
  • #2
    بسم الله يا اخوانا .... روحت ركبت العربية امبارح في مشوار من الحلمية-زهراء ابو غزالة- لحد اخر جسر السويس كدة في جمال عبد الناصر عند الحرفيين ..... و العربية كالاتي :-

    اداء الموتور

    انا ماعدتش rpm3 و العربية سحبها رائع و مش محتاج اضغط علي البنزين حتي مع early shift كانت بتجمع كويس جدا ... و جابت ال100 علي الرابع قبل ما المؤشر يجيب 3 علي rpm....وانا رايح مشغلتش تكييف .... بس وانا راجع شغلته.... و ولا كانه اشتغل ... التكييف مابيأسرش علي الموتور تقريبا خالص... انا فاكر الكيا الاسبكترا كانت بتتقل مع التكييف كأنك محمل انما دي والله ماحسيييت بيه علي الموتور خالص مع مراعاه ان انا برضو معدتش 3 rpm


    العفشة يا معلم .... و سمعني الكلام بقي

    العربة في وصفها سهل ممتنع .... هيه مش ناشفي بس برضه مش طريه .... يعني شارع جمال عبد الناصر للي مايعرفوش مدغدغ زي ما الكتاب بيقول و العربية كانت بتهاند المطباط و الحفر زي الفل ... في الشوارع المسفلتة مش هاتحس بأي كسور صغيرة لأن مقاس الكاوتش ماشاء الله مع العفشة الماكفرسون مظبطين الاداء 10 علي 10 .... وانا في طريق السندباد و الشارع فاضي عملت كأني باخد غرزة علي 100 -110 و العربية ماشاء الله عادي خالص ولا كانك بتركن ....
    الحاجة الوحيدة اللي حسيت بيها طول الطريق الملف اللي تحت كوبري طريق الاسماعلية و انت رايح من طريق القاهرة لطريق الاسماعلية ... الملف دة الاسفلت فيه عامل عقد في الارض من المياه و التريلات اللي بتاخد الملف .... كنت ايام ال 128 لو دخلته اسمع صوت المارش بيخبط في مكانه انما امبارح حسيت بس كدة برجة في الملف دة علشان كدة بقول انها مش طريه اخر حاجة يعني بس بصراحة اللي عمل العفشة عايز سقفة جامدة ....


    العزل ....

    لراغبي الهدوء لا تنازل عن العربية دي ... لما قفلت الازاز بقيت بسمع الكلاكسات بالعافية والله .... عدت من جنبي فيزبا بسوط شكمانها المميز و برضه مسمعتلهاش صوت .. مع مراعاه عدم تشغيل التكيف للحكم علي قوة العزل .... و علي فكرة ده بيخلي العربية تتلج في ثواني ... مستحملتش 3 دقائق تكييف اساسا و فتحت الازاز تاني و رجعت للأرض

    اخر حاجة بقي .....العين يا اخوانا
    كل واحد يقرا المعوذتين في باله علشان امبارح انا راكب و بادئ المشوار زي الفل بس في وسط المشوار لقيت خربوش في المرايه الشمال .... و الحمد لله انها علي قد كدة ...خربوش كان واحد جاب مسطره و في جنب المراية البراني علي الازازه مشي بسن مسمار ... حاولت انشف عليها ماتكسرتش بس الخربوش شكله رخم .... بس برضه الحمد لله



    تم دمج المشاركات الخمس الأولى
    مشرف عام.4
    [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

    Comment

    • #3
      الف مبروك عليك
      و انا سامع فعلا انها تقفيلها كويس عن باقي اسبرانزات ابو الفتوح ( أو يمكن ابو الفتوح بدأ يتعدل و يعمل الحاجة صح )
      فعلا ال abs بيديك الاحساس ده
      مستنيين أخبار الثبات و السرعة القصوي بعد 3000 ( بس خد بالك )
      أنصحك بتغيير زيت العربية و الفتيس ( من غير ما تقول للوكيل ) بعد أول 1000 كيلو ( بالذات في الصيني )
      [FONT="Comic Sans MS"][B]To Get The Best In Life
      You Have To Start With Yourself
      And Do Your .. BEST :B4_033:[/B][/FONT]

      Comment

      • #4
        المشاركة الأصلية كتبت بواسطة hegazio مشاهدة المشاركة

        أنصحك بتغيير زيت العربية و الفتيس ( من غير ما تقول للوكيل ) بعد أول 1000 كيلو ( بالذات في الصيني )

        طب ماهو كده كده هوما بيعملوها ب موبيل 1 او ما شاباه ؟؟؟ و ليه في السر يعني؟؟؟؟
        [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

        Comment

        • #5
          التوكيل مش بيغير الزيت أيا كان نوعه الا بعد انقضاء فترته سواء 5000 أو 10000
          بينما يؤكد البعض علي ضرورة تغييره بعد من 500 ل 1000 كيلو لأنه توجد شوائب معدنية من بدء تشغيل الأجزاء لأول مره يجب التخلص منها و إلا ستتسبب في تأكل الأجزاء مع الزمن
          و في السر .. عشان فيه وكلا بيتلككو أحيانا و يقولك أنا ما سمحتلكش تغير زيت بره .. و يمكن حطيت زيت مش مطابق للمواصفات و الهجص ده
          و لو سألته عن موضوع الشوائب ده حيقولك كلام فاضي .. لأنه فعلا مش حيبان دوقتي .. بعد زمن ممكن حاجة تبوظ تغيرها عنده و يطلع هو الكسبان
          [FONT="Comic Sans MS"][B]To Get The Best In Life
          You Have To Start With Yourself
          And Do Your .. BEST :B4_033:[/B][/FONT]

          Comment

          • #6
            مبروك ياباشا....بس فى شويه استفسارات...
            1-العربيه صناعه صينى ولا موتور موتسوبيشى زى ال byd
            2-استهلاك البنزين اخباره ايه
            3-ايه عيوب العربيه...لان حضرتك كاتب المميزات فقط
            م/ احمـد عـزت

            Comment

            • #7
              بالإنابة عن صاحب الموضوع
              1 - العربية صيني مصري نمساوي ( الموتور من avl النمساوية )
              1 بشرطة - لا BYD or FRV بيركبو مواتير صناعة ميتسوبيشي .. دي تكنولوجيا ميتسوبيشي بتاعة اللانسر بطة
              2 و 3 .. أكيد الزميل بعد شوية كمان حيقول بس يمر وقت كافي
              بس ماتنساش .. افضل أداء و استهلاك بعد 3000 كم .. و لازم ما تبقاش حنين قوي علي الموتور في التليين خليك في المعقول و لازم بعد الألف التالتة توصل ال RPM ل 5 و بعدين 6 و إالا مش حيطبع علي أقصي أداء خالص
              [FONT="Comic Sans MS"][B]To Get The Best In Life
              You Have To Start With Yourself
              And Do Your .. BEST :B4_033:[/B][/FONT]

              Comment

              • #8
                المشاركة الأصلية كتبت بواسطة Hegazio مشاهدة المشاركة
                بالإنابة عن صاحب الموضوع
                1 - العربية صيني مصري نمساوي ( الموتور من avl النمساوية )
                1 بشرطة - لا BYD or FRV بيركبو مواتير صناعة ميتسوبيشي .. دي تكنولوجيا ميتسوبيشي بتاعة اللانسر بطة
                2 و 3 .. أكيد الزميل بعد شوية كمان حيقول بس يمر وقت كافي
                بس ماتنساش .. افضل أداء و استهلاك بعد 3000 كم .. و لازم ما تبقاش حنين قوي علي الموتور في التليين خليك في المعقول و لازم بعد الألف التالتة توصل ال RPM ل 5 و بعدين 6 و إالا مش حيطبع علي أقصي أداء خالص

                ربنا يكرمك يا معلم ....

                اما بالنسبة للعيوب ....
                1 العربية مش واسعة زي ال 516 مثلا بس اوسع من ford focus بتاعت زميلي

                2 العربة انا مش شايف من حدودها حاجة ... دا عيبي انا لاني بقيسها علي ال128 اللي كونت وانا سايق اقدر المس من كبوتها لشنططها انما دي محسساني اني غرقان جواها بالرغم من اني وانا ماشي بكون اعلي من عربيات تانية كتير

                3 لسه الحمد لله مقيش


                و نوافيكم بكل جديد
                [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

                Comment

                • #9
                  ربنا يباركلك فيها ياباشا و يبعد عنك العين
                  بس الموضوع ناقصة شوية صور :)
                  [aldl]http://iofimages.dmotorworks.com/images/xTiUm_6YOFf8Fgzr1cqPc0Sf53falxQB/0.JPG?WIDTH=640&HEIGHT=480[/aldl]

                  Comment

                  • #10
                    شغال من 9 ل 9 والله و مش هاصاورهالكو بالليل اكيد :) ان شاء الله الاسبوع اللي جاي
                    [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

                    Comment

                    • #11
                      استاذ ابراهيم معلش لو فيها غلاسة بما اننا جيران ومن سكان جسر السويس طبعا انت عارف المنطقة عاملة ازاي يا ترى ارتفاع العربية مناسب للمطبات الصناعية والبلاعات ولا بتاخد المطب بالجنب علشان العربية ماتحكش من تحت
                      وشكرا ليك على التقييم الجميل ده
                      و 1000000000000000000 مبروك على العربية
                      [CENTER][FONT=Comic Sans MS][SIZE=4][COLOR=navy][FONT=Comic Sans MS][SIZE=4][COLOR=navy][FONT=Comic Sans MS][SIZE=4][COLOR=navy]بسم الله الرحمن الرحيم[/COLOR] [COLOR=darkred](ادخلوا مصر إن شاء الله آمنين)[/COLOR] [COLOR=navy]صدق الله العظيم[/COLOR][/SIZE][/FONT][/COLOR][/SIZE][/FONT][/COLOR][/SIZE][/FONT][/CENTER]
                      [CENTER][aldl]http://img689.imageshack.us/img689/4961/18354359.jpg[/aldl][/CENTER]

                      Comment

                      • #12
                        ربنا يحفظلك العربية من كل عين ويفضل انك تطلع حاجة لله تفدي بيها العربية
                        [CENTER][FONT=Comic Sans MS][SIZE=4][COLOR=navy][FONT=Comic Sans MS][SIZE=4][COLOR=navy][FONT=Comic Sans MS][SIZE=4][COLOR=navy]بسم الله الرحمن الرحيم[/COLOR] [COLOR=darkred](ادخلوا مصر إن شاء الله آمنين)[/COLOR] [COLOR=navy]صدق الله العظيم[/COLOR][/SIZE][/FONT][/COLOR][/SIZE][/FONT][/COLOR][/SIZE][/FONT][/CENTER]
                        [CENTER][aldl]http://img689.imageshack.us/img689/4961/18354359.jpg[/aldl][/CENTER]

                        Comment

                        • #13
                          المشاركة الأصلية كتبت بواسطة ash257 مشاهدة المشاركة
                          استاذ ابراهيم معلش لو فيها غلاسة بما اننا جيران ومن سكان جسر السويس طبعا انت عارف المنطقة عاملة ازاي يا ترى ارتفاع العربية مناسب للمطبات الصناعية والبلاعات ولا بتاخد المطب بالجنب علشان العربية ماتحكش من تحت
                          وشكرا ليك على التقييم الجميل ده
                          و 1000000000000000000 مبروك على العربية
                          مافيهاش و حتي لو فيها غلاسة انا تحت امركوا ان شاء الله......بالنسبة بقي لالمطب بالجنب دي تنساها خالللللللللللللللصصصصصصصصصصصص علشان ماشاء الله العربية عالية .... بس انشاء الله الرد الاكيد لما احمل عدد بكرة علشان عندي كتب كتاب بالليل و هاشيل فيها 5 افراد و ابقي اقولكوا ان شاء الله
                          [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

                          Comment

                          • #14
                            سؤال يا باشا
                            فى عضو نادى الاسبيرانزا استلم m11 و قال ان عربيته فيها حساس نور و حساس مطر
                            انا عارف انها بتنزل بالاوبشنز دى برا لكن ماكنتش متوقع انها تبقى موجودة فى المصرى
                            ياريت يا باشا تتاكد و تقولنا صح ولا مش صح
                            و لو طلع صح و انتا مش عارف يبقى استاهل لفة بالعربية بقى :)
                            [aldl]http://iofimages.dmotorworks.com/images/xTiUm_6YOFf8Fgzr1cqPc0Sf53falxQB/0.JPG?WIDTH=640&HEIGHT=480[/aldl]

                            Comment

                            • #15
                              الف الف الف الف مبرووووك و ربنا يديك خيرها و يبعد عنك شرها
                              و نببقي نعمل بقي عرض بالتيجوهات و الm11هات :-)

                              Comment

                              السابق 1 2 3 4 5 6 7 11 51 57 template التالي
                              Working...
                              X