بفكر اشتري السينوفا السيدان ال a1 الاوتو

[ehabomar1987]

السلام عليكم
انا كنت بفكر اشتري العربية السينوفا ال a1 السيدان اول فئة اوتوماتيك اللي ب 90 الف بس انا محتار جدا مع العلم ان ديه اول عربية زيرو هاجيبها انا كل اللي ركبته قبل كده كان مستعمل وكمان ديه اول عربية هاجيبها اوتو كل اللي كنت راكبه قبل كان مانيوال وناس كتير خوفتني منها وقالولي ديه لسة جديدة وما تشتريهاش قبل 5 سنين ومفيش عربية تانية اوتو ب 90 سيدان ومش عارف اعمل ايه ياترا فيه حد جرب العربية او اشتراها يقولنا رايه فيها ايه علشان انا محتار جدا فيها ومش عارف اعمل ايه الصراحة وللعلم انا هاجيبها قسط وكمان هاجيبها علشان استخدام اسرة مش شاب وانا مكنتش الصراحة مقتنع بيها لحد لما اتفرجت عليها وشوفتها وعاجبتني بس كله خوفني منها علشان هيا لسة جديدة وعلشان صيني وكمان ممكن تبقي زي اي موديل تاني صيني قعدت حبة وعملت دعاية وبعد كده العربية اختفت زي موديلات كتيرة منتشرة ومحدش عارف عنها حاجة ياريت تفيدوني علشان انا محتار جدا الصراحة ومتردد بشكل غير طبيعي
وشكرا

[Abo_Mazen]

أيون أصبر فعلا..دي عربيه لسه جديده

[Ahmed emad has]

اولا في byd f3 اوتو ودي ادجربت كتييييير اوي بس انا بفضل السينوفا واتوقع نجاحها وانها هتمسك سعر اعلي كتير بسرعة لان موتور متسيوبيشي وفتيس ياباني وفرامل من بورش وتقفيل في مصانع مرسيدس بالصين ده بيديها افضليه كبيرة علي اي عربية تانية

[Abo_Mazen]

اولا في byd f3 اوتو ودي ادجربت كتييييير اوي بس انا بفضل السينوفا واتوقع نجاحها وانها هتمسك سعر اعلي كتير بسرعة لان موتور متسيوبيشي وفتيس ياباني وفرامل من بورش وتقفيل في مصانع مرسيدس بالصين ده بيديها افضليه كبيرة علي اي عربية تانية

معلش سؤال ..هو حضرتك جبت منين المعلومات الميكس اللي حضرتك بتقولها دي ..يعني حكاية إنها متجمعة في مرسيدس وبعدين طلعوها من مرسيدس وودوها لبورش عشان تركب الفرامل وبعدين تقوم طالعه على موتسبيشي عشان تسقط مكنه وبعدين تعدي على تيوتا عشان تسقط فتيس وبعدين تقوم راجعه تاني لشركة سينوفا ..أنا مش بتريق والله ..بس أنا بقول إن فيه معلومات بتكون متداوله كده وخلاص ..وأكيد بيكون مصدر المعلومات دي الوكيل عشان يعرف ببيع

[Yehya Badr]

شركة BAIC المصنعة لسينوفا هي اللي بتصنع المرسيدس في الصين و مرسيدس أشترت فيها حصة مؤخرا Beijing Automotive Group - Wikipedia, the free encyclopedia Beijing Benz - Wikipedia, the free encyclopedia فالكلام اللي قاله Ahmed emad has مش بعيد عن الحقيقة أما عن موتور المتسوبيشي فالموتور دة القاسم المشترك في عربيات كثير زى البرليناس و غيره و نفس الشيىء بالنسبة للفتيس. باقي نعرف أذا كان الوكيل حيعرف يعمل أسم و خدمة للعربية و لا لا.

[Abo_Mazen]

شركة baic المصنعة لسينوفا هي اللي بتصنع المرسيدس في الصين و مرسيدس أشترت فيها حصة مؤخرا beijing automotive group - wikipedia, the free encyclopedia beijing benz - wikipedia, the free encyclopedia فالكلام اللي قاله ahmed emad has مش بعيد عن الحقيقة أما عن موتور المتسوبيشي فالموتور دة القاسم المشترك في عربيات كثير زى البرليناس و غيره و نفس الشيىء بالنسبة للفتيس. باقي نعرف أذا كان الوكيل حيعرف يعمل أسم و خدمة للعربية و لا لا.

طيب جميل ..كده عرفنا إن الشركة دي لاقت ثقة شركة مرسيدس ..باقي بقى حكاية المكنه الميتسوبيشي والفتيس التيوتا ..دي برضه عايزه مصدر ..معلش انا بسأل كتير بس أنا بحب أئصل المعلومه عشان أنا أستفيد وغيري برضه يستفيد ..والفرامل بتاعة البورش برضه ..محتاج لمصدر

[virse]

اعتقد ان المصنع والفرامل والكلام دة كلو اشاعات بيطلعها الوكيل بس علشان يسوق العربيه بس الحقيقه بتبان عند التجربه مش من كلام الناس

[Ahmed emad has]

طيب جميل ..كده عرفنا إن الشركة دي لاقت ثقة شركة مرسيدس ..باقي بقى حكاية المكنه الميتسوبيشي والفتيس التيوتا ..دي برضه عايزه مصدر ..معلش انا بسأل كتير بس أنا بحب أئصل المعلومه عشان أنا أستفيد وغيري برضه يستفيد ..والفرامل بتاعة البورش برضه ..محتاج لمصدر

حضرتك انا مقلتش ان الفتيس تويوتا الفتيس ده aisin ياباني وده ركب في بعض موديلات التويوتا والفيستا والاوبترا والخ اما المكنه اكيد متسيوبيشي مايفك وده انا اتاكد منه بنفسي عمليا اما فرامل البورش دي الحاجة الوحيدة اللي متاكدش منها بنفسي غير كده كلامي مضبوط 100%

[hugan]

شخصيا مقتنع ان العربيات الصيني شغاله وافضل او ماتقلش عن كتير من الكوري
لكن اي عربيه حتي لو كانت اﻻفضل في العالم مالهاش تواجد في الشارع
تبقي عديمه القيمه
ا ﻻنتشار مقياس نجاح اي عربيه
استني شويه

[eng.m7md.ali]

اولا في byd f3 اوتو ودي ادجربت كتييييير اوي بس انا بفضل السينوفا واتوقع نجاحها وانها هتمسك سعر اعلي كتير بسرعة لان موتور متسيوبيشي وفتيس ياباني وفرامل من بورش وتقفيل في مصانع مرسيدس بالصين ده بيديها افضليه كبيرة علي اي عربية تانية

.

[eng.m7md.ali]

اولا في byd f3 اوتو ودي ادجربت كتييييير اوي بس انا بفضل السينوفا واتوقع نجاحها وانها هتمسك سعر اعلي كتير بسرعة لان موتور متسيوبيشي وفتيس ياباني وفرامل من بورش وتقفيل في مصانع مرسيدس بالصين ده بيديها افضليه كبيرة علي اي عربية تانية

مع احترامي لحضرتك مفيش الكلام ده
كله اشاعات فعلاً من الوكيل عشان يبيع والعربية اكيد صيني 100% زي اي صيني مفيش فرامل بورش ولا تصنيع في مرسيدس ولا موتور متسوبيشي زي مابيتقال .. بورش مبتصنعش غري عربيات سبور او عربيات سريعة ملهاش في الييدان الرخيص او الاقتصادي فااكيد دي حاجة متتصدقش ... ومرسيدس مش محتاجة تطلع عربية من مصانعها غير عربياتها بس اما قصة الموتور المتسوبيشي دي اتهرست كتير في عربيات كتير منها البريليانس وفي الاخر طلع الموتور صيني سواء ال 1600 او ال 1500 .. متنساش بردو ان البريليانس عشان تتباع طلع عليها اشاعات كتير زي عفشة جولف 4 وتقفيل في مصانع bmw والجو ده ....

عمتاً في مصر محدش بيدور ورا التوكيلات ولا الكلام اللي بيتقال احنا لو في بلد محترمة مكانتش كل العربيات دي نزلت اصلا

[Ahmed emad has]

مع احترامي لحضرتك مفيش الكلام ده
كله اشاعات فعلاً من الوكيل عشان يبيع والعربية اكيد صيني 100% زي اي صيني مفيش فرامل بورش ولا تصنيع في مرسيدس ولا موتور متسوبيشي زي مابيتقال .. بورش مبتصنعش غري عربيات سبور او عربيات سريعة ملهاش في الييدان الرخيص او الاقتصادي فااكيد دي حاجة متتصدقش ... ومرسيدس مش محتاجة تطلع عربية من مصانعها غير عربياتها بس اما قصة الموتور المتسوبيشي دي اتهرست كتير في عربيات كتير منها البريليانس وفي الاخر طلع الموتور صيني سواء ال 1600 او ال 1500 .. متنساش بردو ان البريليانس عشان تتباع طلع عليها اشاعات كتير زي عفشة جولف 4 وتقفيل في مصانع bmw والجو ده ....

عمتاً في مصر محدش بيدور ورا التوكيلات ولا الكلام اللي بيتقال احنا لو في بلد محترمة مكانتش كل العربيات دي نزلت اصلا

مع كامل احترامي لحضرتك اولا : الموتور متسيوبيشي مايفك ياباني وانا شوفت الكلام ده بعيني .

ثانيا : انا مقلتش ان بورش هي اللي عملت العربية انا قولت الفرامل قصدي جهازين abs و ebd من صناعة بورش وانا متاكدش من النقطة دي بنفسي .


ثالثا : انا مقلتش انا مرسيدس جمعت العربية دي مثلا زي ما في مصر شركة الامل بتصنع وتجمع byd و لادا وغبور بيصنع ويجمع هونداي وجيلي في الصين شركة بايك بتصنع وتجمع مرسيدس وهيونداي في مصانع بايك و بايك دي هيا اللي انشأت سينوفا وصنعت اجزاء واستوردت اجزاء وجمعت العربية دي في نفس المصانع اللي بتطلع مرسيدس وهيونداي في الصين وتتصدر لدول تانيه كمان .

رابعا : حضرتك بالنسبة لمواتير الكلام ده طلع فعلا في بعض الموديلات زي byd و زي اسبيرانزا وكانت الموتير تقليد وصيني فعلا وانا اتاكد بنفسي اما في ساوايست مثلا الموتير كلها مايفك ياباني وانا اتاكدت بنفسي برضوا ويقال انها ياباني في زويتي بس انا مشفتهاش علي الطبيعة للامانه والبيرليانس كل الموضوع ان البفاريه للسيارات اللي واخدها bmw هيا اللي واخده البيريليانس زي ما نيسان مصر واخده شنجان

[ehabomar1987]

حلو الكلام ده كله وانا مقتنع بيه بس انا برده لسة محتار الصراحة وبالنسبة للموتور انا اتاكدت بنفسي انه مايفك من ميتسوبيشي وعادي ان الصين ما تصنعش مواتير او حتي تصنع مواتير بتصريح من شركة ميتسوبيشي المهم مش كده انا اللي قلقان منه موضوع الانتشار ومش قلقان من موضوع انها صيني والكلام ده علشان الصراحة انا في راي ان الصيني زي الالماني مش علشان الاتنين زي بعض ونفس التقفيل بس علشان المصاريف ليه اجيب مثلا الماني واصرف عليه قد كده علشان الشوارع بتاعتنا الصراحة مبتسبش اي عربية في حالها بتخلص عليها ف كده الاحسن الكوري والصيني وكمان علشان رحم الله امرا عرف قدر نفسه وكمان احنا معناش تمن الالماني وكمان ماله الصيني ماهو شغال ومبيقولش لا وبقاله حوالي 10 سنين في مصر وبكرة ينافس الكوري

[Ahmed emad has]

حلو الكلام ده كله وانا مقتنع بيه بس انا برده لسة محتار الصراحة وبالنسبة للموتور انا اتاكدت بنفسي انه مايفك من ميتسوبيشي وعادي ان الصين ما تصنعش مواتير او حتي تصنع مواتير بتصريح من شركة ميتسوبيشي المهم مش كده انا اللي قلقان منه موضوع الانتشار ومش قلقان من موضوع انها صيني والكلام ده علشان الصراحة انا في راي ان الصيني زي الالماني مش علشان الاتنين زي بعض ونفس التقفيل بس علشان المصاريف ليه اجيب مثلا الماني واصرف عليه قد كده علشان الشوارع بتاعتنا الصراحة مبتسبش اي عربية في حالها بتخلص عليها ف كده الاحسن الكوري والصيني وكمان علشان رحم الله امرا عرف قدر نفسه وكمان احنا معناش تمن الالماني وكمان ماله الصيني ماهو شغال ومبيقولش لا وبقاله حوالي 10 سنين في مصر وبكرة ينافس الكوري

موضوع الانتشار مسئلة وقت لان العربية علي ما اعتقد لسة متسلمتش . عاما العربية متوقع انتشارها لكن ليس مضمون انتشارها

[eng.m7md.ali]

مع كامل احترامي لحضرتك اولا : الموتور متسيوبيشي مايفك ياباني وانا شوفت الكلام ده بعيني .

ثانيا : انا مقلتش ان بورش هي اللي عملت العربية انا قولت الفرامل قصدي جهازين abs و ebd من صناعة بورش وانا متاكدش من النقطة دي بنفسي .


ثالثا : انا مقلتش انا مرسيدس جمعت العربية دي مثلا زي ما في مصر شركة الامل بتصنع وتجمع byd و لادا وغبور بيصنع ويجمع هونداي وجيلي في الصين شركة بايك بتصنع وتجمع مرسيدس وهيونداي في مصانع بايك و بايك دي هيا اللي انشأت سينوفا وصنعت اجزاء واستوردت اجزاء وجمعت العربية دي في نفس المصانع اللي بتطلع مرسيدس وهيونداي في الصين وتتصدر لدول تانيه كمان .

رابعا : حضرتك بالنسبة لمواتير الكلام ده طلع فعلا في بعض الموديلات زي byd و زي اسبيرانزا وكانت الموتير تقليد وصيني فعلا وانا اتاكد بنفسي اما في ساوايست مثلا الموتير كلها مايفك ياباني وانا اتاكدت بنفسي برضوا ويقال انها ياباني في زويتي بس انا مشفتهاش علي الطبيعة للامانه والبيرليانس كل الموضوع ان البفاريه للسيارات اللي واخدها bmw هيا اللي واخده البيريليانس زي ما نيسان مصر واخده شنجان

حضرتك مقتنع بالكلام ده؟؟!!!