Tweet
العربية بتستخدم قاعدة عجلات ميتسوبيشي كولت و سمارت فور و دي كانت نفس القاعدة المستخدمة فى الb class...العربية نفس قصة الشيري الA11 تقريبا...شركة زي مرسيدس كانت عاملة عربية b class و محققتش المبيعات المتوقعة قامت باعت خط اﻹنتاج القديم لشركة صينية...دي بيبقا فيها ميزة إنك لو عايز تجيب قطعة غيار فى العفشة فا برقم القطعة ممكن تجيب البديل ليها من ميتسوبيشي و صاج الb class كله تقريبا يركب....بس برضه أي حد بيفكر يشتري لازم يعرف إن سعر إعادة البيع هيبقى مش كويس و إن اللوجان مثلا هتبقى أريح فى إعادة البيع و إنتشار قطع الغيار
-
من موضوعاتي
[URL]http://www.nilemotors.net/Nile/81803-320-2005-a.html[/URL]
[URL]http://www.nilemotors.net/Nile/114761-bmw-x3.html[/URL]
[URL]http://www.nilemotors.net/Nile/9108-bmw-520i-2001-a.html#post97004[/URL]
[URL]http://www.nilemotors.net/Nile/115595-2002.html[/URL] -
الحقيقة انا مستغربة جدا من كلام الاستاذ MIF و الصورة اللي هو حاططها لأنهاا مش صورة موتور السينوفا اللي انا اشتريتها أصلا.. صورة الموتور اهه.. و عليه علامة ميتسوبيشي و لما دخلت على موقع الشركة الصينية برده مكتوب ان موتور العربية مايفك بتاع ميتسوبيشي.. و الأغرب انه بيقول ان بي واي دي و جيلي اهم عربيات في الصين و أقل سيرش على جوجا هيبينلك انها عربيات مش موجودة ف أهم 5 شركات أصلا!!!!
أهم 5 شركات للسيارات بالصين مفيش منهم ف مصر غير شانجهاي و بايك (سينوفا)
Comment
-
الاستاذة/ داليا
انتي فعلا اشتريتي السينوفا
طب عايزين نعرف اخبارها معاكي ايه .................. بامانه
وليها معاكي قد ايه[SIGPIC][/SIGPIC]:verygood:Comment
-
ممكن نعرف العربيه معاك من امتي واخبار الحجم الداخلي للسيارة ايهالمشاركة الأصلية كتبت بواسطة hany_bek مشاهدة المشاركة[SIGPIC][/SIGPIC]:verygood:Comment
-
حضرتك لومتابع فى الموضوع ده باالذات هتعرف إن هيونداى فى بدايتها وحتى الألنترا موديل التسعينات كان راكب فيها اثنين من مواتير المتسوبيشى الواحد كامة والأثنين كامه وده عادى من المصانع الكبيره لأنها إما ان تعطيك تصريح بتركيب مواتير لها اوتجميع فى بلدك يعنى زى الصين اوتعطيك حق التكتنولوجيا الخاصة باالمنتج وممكن حضرتك كامصنع جديد ان تدخل بعض التعديلات من خلال مركز ابحاث بيكون تابع للشركات الرائدة والجديدة فى هذا المجال زى مثلاً دايوا هيا كمان المواتير الخاصة بسياراتها بدأت بمواتير اوبل الألمانية ثم صنعت هى مواتير كورى بتكنولوجيا المانية حتى الفتيس وده الموجود فى موديلات النوبيرا واللانوس ودى البيسموها السيارات الهجين وده متبع فى كل دول العالم وباالذات الدول الناهضه فى صناعة السيارات زى الهند والصين وماليزيا وإحنا لما كنا عايزين نبقى دوله زيهم كده من 40 سنه حاولنا فى السيارات الرمسيس وكان الموتور بيجى من المانيا ...مع تحياتىالمشاركة الأصلية كتبت بواسطة eng f3lix مشاهدة المشاركة[SIZE=6][SIGPIC][/SIGPIC][/SIZE]
[SIZE=6][/SIZE]
[SIZE=6] جاك العقرب[/SIZE]Comment
-
انا رأيى ان العربية دى ليها مستقبل كويس فى مصر ان شاء الله
وسبب رأيى كام حاجة
الأولى التوكيل المحترم واللى هيبان تعامله مع الملاك
واللى يدى ثقة انه مش من اللى يطلع فجأة بعربية ويختفى بعد ما يسوق شوية منها
التانية اسعار الصيانة وقطع الغيار اللى حسب ما الزملاء الأفاضل وضحوا: تعتبر مناسبة ومعقولة
التالتة ان تكنولوجيا المحرك المجربة قبل كده فى مصر واللى اتقال من البعض ان من عيوبها انها من 2004.. انا شايف انها ميزة مش عيب.. لأن ده مش هيخليه معقد فى الصيانة برة التوكيل كمان لو اضطر مالك السيارة او اختار ده
الرابعة:
ديتها العربية دى تبقى تاكسى.. ساعتها هتغرق مصر..وهتبقى التوزيعة كالتالى: السيدان تاكسيات.. والهاتش باك ملاكى.
نظرتى متفاءلة ليها بصراحة رغم انى ماشفتهاش بعينى لحد النهاردة لتواجدى خارج مصر
لكن من تحليلى لقراءاتى عنها واراء الزملاء ومقارنة ظروفها بظروف عربيات كتيرة فى بداياتها ومغرقة السوق المصرى دلوقتى.Comment
-
السيارة حالياً بدأت تنتشر وشوفت منها اكثر من سيارة[img3]http://s11.postimg.org/5u651o4eb/bsmlhe41104899dnj0zx5.gif[/img3]Comment
-
ماتورها ياباني فعلا
يا جماعه الخير انا شفتها عالطبيعه اولا محفور علي الماتور كلمه مايفك وغطاء الماتور مكتوب عليه متسوبيشي
انا كان معايا الbyd f3 وكان ماتورها مكتوب عليه متسوبيشي بس مش بنفس اداء المتسوبيشي لكن السينوفا بشهاده ملاكها بيقولوا ان سحبها كويس وصوت ماتورها هادي عكس ال byd كانت عامله زي الجرار وفعلا انا شفت تقفلها وصاجها فعلا حاجه كويسه انا معايا الbyd l3 الجديده هابيعها واجيب السينوفا اوتوماتيكComment
-
موتور تكنولوجيا يابانى (بدأت فى التسعينات ) زى كل العربيات الصيني .... مصنع بالكامل من خامات و بتكنلوجيا تصنيع صينية .المشاركة الأصلية كتبت بواسطة Ahmed emad has مشاهدة المشاركة
اليابان بتبيع تكنولوجيا ميكانيكا الموتور و لكن لا تبيع اطلاقا تكنولوجيا التصنيع او الخامات المستخدمة .... اللى من خلالها المكن اليابانى عمره بيبقى طويل جدا جدا .
الفتيس نفس الحكاية مش يايبانى و لكن تكنولوجي فقط . موجود فى كل العربيات الصيني فى مصر .
الصين بتعتمد على الشراكات فى مقابل التكنولوجيا و اكيد العربية اللى بتخرج من الصين لو شايلة علامة مرسيديس او رينو او اى ماركة عالمية بيكون ليها كواليتي كونترول بيختتلف تماما عن المنتجات الصيني .... و القانون عندهم بيسمح بكدا علشان يزودوا الانتاج لاقصى كمية ممكنة .
مفيش اى افضلية لاى عربية صيني على التانية الا بالتجربة فقط .... لان الكلام سهل و ارض الواقع هى الفيصل .
BYD انتشرت اه بس توكيل تعبان و بيضيعها و خاصة بال L3 اللى تقريبا فشلت .
geely مقبولة و انتشرت و كويسة لو غبور ينزلها بجنوط و كاسيت مختلف يبقى تمام .
اسبيرانزا الافشل فى الصيني بالتجربة ماعدا التيجو فقط .
فماعتقدش ان السينوفا حتبقى وحش الشاشة يعنى ... حتبقى بطيخة يا تطلع قرعة يا تطلع اقرع من القرعة ... عادي يعني .
Comment
-
فعلا زى توكيل mg اللى اتعمله قضية بسبب تضليل المستهلك .المشاركة الأصلية كتبت بواسطة virse مشاهدة المشاركة
ما يطلع و يسترجل زى غبور و الامل و غيرهم و يقولوا دي صيني 100%
و امكانيات حلوة و سعر كويس و شكرا على كدا
Comment
-
كلمة متسوبيشي مش محفرة على المكنة .... دى غطا المكنة .... المكنة صيني 100% و راكب عليها غطا عليه علامة متسوبيشي عادي جدا و مش دا اللى يقول ان المكنة يابانى و نفتكر لانسويل اللى هى شبيهة لانسر كريستالة كانت بتنزل بمكنة صيني 100% و كان باين من اداءها التعبان بعد ما بتعدي ال 50 الف كم و كانت المكنة عليها علامة متسوبيشي .المشاركة الأصلية كتبت بواسطة Dalia Mohamed مشاهدة المشاركةالحقيقة انا مستغربة جدا من كلام الاستاذ MIF و الصورة اللي هو حاططها لأنهاا مش صورة موتور السينوفا اللي انا اشتريتها أصلا.. صورة الموتور اهه.. و عليه علامة ميتسوبيشي و لما دخلت على موقع الشركة الصينية برده مكتوب ان موتور العربية مايفك بتاع ميتسوبيشي.. و الأغرب انه بيقول ان بي واي دي و جيلي اهم عربيات في الصين و أقل سيرش على جوجا هيبينلك انها عربيات مش موجودة ف أهم 5 شركات أصلا!!!!
أهم 5 شركات للسيارات بالصين مفيش منهم ف مصر غير شانجهاي و بايك (سينوفا)
انا بتكلم عن السيارات الصيني الاكثر مبيعا فى الصين و السيارة الصيني الاعلى مبيعا فى الصين جيلي ايمجراند و بعدها بشوية حلوين ال BYD
اما المصنع الصيني سياك بينتج بيويك اكسيل و هى السيارة الاكثر مبيعا فى الصين فى اغسطس 2015
جيلي ايمجراند رقم 17 فى 100 عربية الاكثر مبيعا فى الصين
و الbyd f3 رقم 33 فى 100 سيارة اكثر مبيع فى الصين
و اول سينوفا فى 100 سيارة اكثر مبيعا داخلة قريب تحتل المرتبة ررقم 88 و اسمها senova d50 اللى هى تقريبا senova a3
المصدر Best-selling New Cars in August 2015 | ChinaAutoWebComment
-
اللى شدنى الحقيقه تقدم جاك s3 رقم 4 تقريبا وكمان شنجان سواء cs35 او cs75 فى المركز السادس والثامن شىء رائع الحقيقهComment
-
السلام عليكم
انا عايز اشتري العربيه ... دي ماشاء الله عليها
انا معايا بيني ميني اوتوماتيك
انا بحب المانيوال اصلا وكمان السينوفا اكبر شويتين من البيني
بس ان عايز اسال على كام حاجه كده قبل ما اغير ان شاء الله لسينوفا ..
العربيه ال 1300 سي سي المانيوال .. اول فئه
1. متوسط استهلاك الوقود اد ايه ؟
2. متوسط rpm يعني مثلا لو ماشي 120 ال rpm بيكون على كام ؟
3. اسعار قطع الغيار ؟
4. مكان التوكيل ومده الضمان ؟
بس كده وربنا يهدينا للخير ان شاء الله وجميع المسلمين
شكرا جزيلا واسف للاطالةComment
-
أخى الفاضل شوف الرابط https://www.facebook.com/SenovaEgyptالمشاركة الأصلية كتبت بواسطة batigol2020 مشاهدة المشاركة[a7la1=#000000][CENTER]" استودعكم الله واترككم في حفظ الله وأمنه ورعايته سبحانه وتعالي أرجو من الله أن يوفقكم جميعا وان يحفظكم من كل سوء ويقيكم كل شر"[/CENTER][/a7la1][B][COLOR="Green"][/COLOR][/B]Comment
-
لو سمحتم سؤال يا جماعه للى يعرف هل ينفع يتغير فلتر زيت وبنزين وهوا بمركات تانيه مثلا زى المتسوبيشىComment
Comment