عربيتى فى توكيل مودرن جروب من اسبوع وبيتهربوا

[محمد سليم الدي]

السلام عليكم

أنا عندى شنجان cs35 موديل 2015 عملت بيها حادثة.
وديتها توكيل مودرن موتورز بقالها اسبوع وبيتهربوا من معاد تسليم العربية بحس ان مفيش قطع غيار عندهم
العربية مطلوب ليها تغيير حاجات كتير:
الكبوت والرفرف اليمين والسربنتينة للتكييف وقربة المساحات والبربيز الامامى والفانوس اليمين وفوانيس الشبورة والباب اليمين الامامى ..

راح مهندس التأمين يعاين العربية الاسبوع اللى فات ، اتصلت بشركة التأمين قالوا انهم سعروا المقايسة وعاينوا وادوهم امر شغل يعنى قالوا ليهم اشتغلوا

شركة مصر للتأمين اتصلوا بيا وقالوا تابع العربية فى التوكيل ولما تخلص ادفع وهات الفواتير لينا وهات العربية نعاينها فى فرع الزقازيق لمصر للتأمين.
كده كله تمام .. اتصلت طول الاسبوع بالتوكيل ما حدش بيرد لحد امبارح رد علينا المهندس المشرف ع الصيانة اسمه محمد كمال وكذب عليا وقال : مهندس شركة التامين قال سعروا المقايسة وابعتوها وهنرد عليكم ..
اتصلت بشركة التامين اكدوا ليا ان المهندس عاين وسعروا المقايسة فى ساعتها وقالهم اشتغلوا
اتصلت بموبايل المهندس النهاردة لقيته حاطط رقمى فى الحظر .. بعتله رسالة وقلتله لو جيت لك هزعلك .. طبعا انا فى الزقازيق ومش هينفع كل شوية اروح ليهم
المهم انا حاطط فى العربية جهاز تتبع بيتصل عليا لما حد يحاول تحريك العربية .. اتصلت على الجهاز وحطيت كود التصنت سمعتهم بيتكلموا واحد بيقول طلع العربية دى برة فى الشارع ، ودخل العربية بتاعتك وفهمت من كلامهم ان العربية بتاعتى مش هيشتغلوا فيها .. وانهم ركنوا عربيتى فى الشارع دلوقتى ..
الرجاء من خبراء موقعكم الجميل
حد يقولى اعمل معاهم ايه ؟

[man1974]

ربنا يعوض عليك
حضرتك في الزقازيق وعايز تخلص مصلتحك في القاهرة، أنت فاكر نفسك عايش فين، في ألمانيا
يا باشا البكاء عن راس الميت، يعني إيه؟
روح اقعد فوق راس المهندس لغاية عربيتك ما تخلص أو لو مش فاضي
شوف حد تبعك يوقف على دماغ اللي خلفوهم لغاية الموضوع ما يخلص

الناس دي مينفعش معاها الذوق والأدب والهدوء

وربنا يوفقك

[محمد سليم الدي]

ربنا يعوض عليك
حضرتك في الزقازيق وعايز تخلص مصلتحك في القاهرة، أنت فاكر نفسك عايش فين، في ألمانيا
يا باشا البكاء عن راس الميت، يعني إيه؟
روح اقعد فوق راس المهندس لغاية عربيتك ما تخلص أو لو مش فاضي
شوف حد تبعك يوقف على دماغ اللي خلفوهم لغاية الموضوع ما يخلص

الناس دي مينفعش معاها الذوق والأدب والهدوء

وربنا يوفقك

شكرا على الرد .. كلامك صح احنا فى مصر يا عزيزى .. حاضر هبعت حد من عندى يقعد على ايده

[scientist9508]

السلام عليكم

أنا عندى شنجان cs35 موديل 2015 عملت بيها حادثة.
وديتها توكيل مودرن موتورز بقالها اسبوع وبيتهربوا من معاد تسليم العربية بحس ان مفيش قطع غيار عندهم
العربية مطلوب ليها تغيير حاجات كتير:
الكبوت والرفرف اليمين والسربنتينة للتكييف وقربة المساحات والبربيز الامامى والفانوس اليمين وفوانيس الشبورة والباب اليمين الامامى ..

راح مهندس التأمين يعاين العربية الاسبوع اللى فات ، اتصلت بشركة التأمين قالوا انهم سعروا المقايسة وعاينوا وادوهم امر شغل يعنى قالوا ليهم اشتغلوا

شركة مصر للتأمين اتصلوا بيا وقالوا تابع العربية فى التوكيل ولما تخلص ادفع وهات الفواتير لينا وهات العربية نعاينها فى فرع الزقازيق لمصر للتأمين.
كده كله تمام .. اتصلت طول الاسبوع بالتوكيل ما حدش بيرد لحد امبارح رد علينا المهندس المشرف ع الصيانة اسمه محمد كمال وكذب عليا وقال : مهندس شركة التامين قال سعروا المقايسة وابعتوها وهنرد عليكم ..
اتصلت بشركة التامين اكدوا ليا ان المهندس عاين وسعروا المقايسة فى ساعتها وقالهم اشتغلوا
اتصلت بموبايل المهندس النهاردة لقيته حاطط رقمى فى الحظر .. بعتله رسالة وقلتله لو جيت لك هزعلك .. طبعا انا فى الزقازيق ومش هينفع كل شوية اروح ليهم
المهم انا حاطط فى العربية جهاز تتبع بيتصل عليا لما حد يحاول تحريك العربية .. اتصلت على الجهاز وحطيت كود التصنت سمعتهم بيتكلموا واحد بيقول طلع العربية دى برة فى الشارع ، ودخل العربية بتاعتك وفهمت من كلامهم ان العربية بتاعتى مش هيشتغلوا فيها .. وانهم ركنوا عربيتى فى الشارع دلوقتى ..
الرجاء من خبراء موقعكم الجميل
حد يقولى اعمل معاهم ايه ؟

بسم الله الرحمن الرحيم

الزميل المحترم محمد سليم

لا أدرى من أين أبدأ . . . و لا كيف أرتب ما سأقوله لك . . لذلك سأكتب لك نقاط محدده.

1 - أولآ . . قدر الله و ما شاء فعل . . أدعو الله أن يخلفك فى مصيبتك خير و يؤتيك أجرآ على ألمك

2 - لو أنك قرأت تجارب ملاك السوزوكى و النيسان على المنتدى (التى هى أصدق بكثير من أخبار صفحات الملاك على الفيس بوك . . ولا أعيب أحد أو أو صفحة بعينها . . و لكن على صفحات الفيس بوك كل ما يفعله الجميع هو كيل المدح و الثناء للسياره) لما ذهبت إليهم أصلآ

3 - مودرن موتورز من أشهر صناع الفشل . . و الوكيل المعروف بإسم صاحب الفضائح المتعدده . . و من تجاربى معهم فهم خبراء و عباقره و لكن للأسف ليس فى الصيانه بل فى خداع العميل . . و لى مشاركة سابقه على المنتدى عنوانها زيارة فاشلة أخرى إلى مودرن موتورز

4 - للأسف مودرن موتورز هو أكبر عقبه تقف أما تسويق السوزوكى . . . فهناك بعض الناس (لا أعرف عددهم و لكننى واحد منهم) نرفض أن نشترى موديلات السوزوكى المختلفه خوفآ من الوقوع تحت رحمة هذا الفاشل.

5 - لا أعرف السبب الحقيقى وراء تجاهلهم لسيارتك و إهمالها بهذا الشكل المتعمد . . و لكننى أستطيع أن أخمن عدد من الأسباب و لا أزعم أن أيآ منها هو السبب الحقيقى يقينآ

6 - إحتمال ألا يكون عندهم قطع الغيار المطلوبه حاليآ

7 - إحتمال أن سيارتك بالنسبه لهم مكسب بطىء . . و المكسب السريع أولآ و أهم . . فلنقل أن سيارتك تشغل مكانآ . . هذا المكان قد تشغله فى يوم العمل الواحد سيارتين أو ثلاثه تحتاج صيانات دوريه سريعه . . و بحسبة صغيره و بسيطه
مكسب صيانة دوريه لعدد ثلاث سياراتx عدد أيام إنتظار سيارتك=مكسب أكبر من تصليح سيارتك

8 - إحتمال وجود خلافات أو مشاكل بين شركة التأمين و بين مودرن موتورز و أنت لا تعلمها . . أو هناك عداء شخصى بين مهندس الصيانه و بين مهندس مصر للتأمين و أنت لا تعلمها أيضآ . . و تطور الموقف لعناد

9 - قدر الله و ماشاء فعل . . إن كنت سالتنى قبل ذلك لما كنت نصحتك بالذهاب إليهم و لكنت قد أرشدت حضرتك للذهاب إلى بعض مراكز الخدمه التى توافق على تصليح سيارتك و إن لم يكن تخصصها . . على الأقل كنت تستطيع المرور عليهم و الوقوف على حالة تصليح سيارتك و تراها بعينك كل يوم إن أحببت لتطمئن.

10 - أعجبتنى فكرة أن تضع جهاز تصنت و تتبع داخل السياره . . . أخبرنى عن كل تفاصيل ذلك من سعر و ماركه و تركيب و كيفية تشغيل إن أحببت

أدعو الله أن يفك كربك و أن ينهى أزمتك بأسرع ما يمكن

السلام عليكم و رحمة الله و بركاته

[aftr]

للاسف حصل معايا نفس القصه فى m11 خايف اقولك العربيه فضلت 5 شهور على ماخلصت وعلى ماصرفت الشيك من التامين ربنا معاك بس الاشكال دى محتاجين طولت بال وعشان تعمل حسابك التوكيل حرامى انا نزلت من 19 الف الى 12 الف التامين شال 10 وانا شلت 2000 جنيه بس رجعت حاجات بحوالى 7000جنيه بعد تصوير التامين للعربيه
جنط بالكاوتش 2400 جنيه ركبت بتاع الحادث وكان زى الفل فانوس امامى 1200 جنيه رجعت الجديد والمهندس ركب واحد كان عنده وقال اخد منك 200 جنيه وكان اكيد طالع من عربيه شغل حرميه كساحه اقصدام 500 جنيه ركبت الاقديم وزى الفل شبكة اماميه كروم 600 جنيه شيل وركب الاقديم وكانت ايام سوده بعيد عنك عشان التامين يصرف الفلوس اضرب كده شهرين رايح جاى واتصالات وشكاوى وطبعا ده كله والعربيه مركونه وعليها اقساط ومن الاخر حاول تشوف المهندس اللى بيكتب التلفيات خليك مفتح عشان العربيه تخلص والف مليون سلامه عليك

[ahmed.biso13]

روح لجهاز حماية المستهلك فرع المهندسين وصور الضمان والبطاقة وفاتورة الشراء الرخصة
مع الاحتفاظ بالاصل للاطلاع