الي ملاك شيري a15 ارجو المساعدة

[foxarc]

كنت عايز اعرف شوية حاجات في العفشة عايز اغيرهم زي المساعدين و المقصات و الكبالن و تيل الفرامل و الطنابير هل ينفع اجيبهم الماني فعلا ياريت اعرف منين و بكام و ماركة ايه بالظبط
و كمان لو هاغيرهم في التوكيل يتكلفوا قد ايه ؟؟؟
و ايهم افضل التوكيل ام اغيرهم بره ؟؟؟
و شكرا جزيلا ...

[egypt123456]

باشا في مركز متخصص في الشيري في الزاويه الحمراء عباره عن 3 شغالين في توكيل شيري نفسه ممكن يدلوك اكتر من اي حد تاني وده نمره الاسطي محمد 0127154516 راجل ابن حلال انا بتعامل معاه من 2005 حتي الان شكرا

[Chery_fulwin]

انا جبت طنابيير وتيل الماني لشيري a11 واشترتهم من توفيقية من محل بتاع فولكس اسمة جورج عبد المسيح

[foxarc]

الحمد لله انا جبت مساعدين امامين الماني بتوع الجولف و الكبالن برضه الماني جولف و التيل جبته كوري من محل اسمه بكين في شارع دمشق بحوالي الف جنيه تقريبا و ركبتهم بحوالي مائة جنيه و الحمد لله العربية بقت زي الفل

[foxarc]

كنت عاوز اعرف الفتيس السيبترونيك بتاعها زي ايه من الماركات انا سألت عليه في التوكيل قالولي انه مش موجود علي فكرة هو ماركته zf يا ريت لو حد يعرف يقولي هو الحمد لله كويس بس انا بسأل للمعرفة

[foxarc]

ايه يا جماعة مفيش ملاك للشيري و لا ايه ؟؟

[tiggo80]

السلام عليكم
الصديق foxarc
معاك محمد خيرى
بصراحة أنا اليويمن دول عجبانى قوى a15 وبما إنك عندك واحدة أحب أعرف منك أخبارها إيه معاك وربنا يبارك فيها

[m_love4me]

السلام عليكم ورحمه الله وبركاته

معلش انا عندى شويه اسأله لحضرتك اتمنى لو تكرمت وتساعدني فيها

انا يادوب لسه 21 سنه ف خبرتى مش كبيره خالص ف العربيات
بس عندى شيرى A15 جديده
عامله حوالى 16000 كيلوا فقط
هي اصلا جايه من 8 شهور
بس انا بسافر بيها يوميا

المشكله ال بتواجهنى حاليا , انى بدأت احس ان السحب بتاع العربيه بقى بطيء يعنى العربيه ما بتسحبش زي ما اشتريتها

ولا من شهرين حتى

وكمان صوتها عالى اوى زياده عن اللزوم
يعنى والدى معاه cherry A11
فعلا صوتها مقارنه ب a15 فرق شاسع


اتمنى لو حضرتك واجهتك المشاكل دى تقولى ايه سببهم او خلفيتكم عنهم


واتمنى لو حضرتك تقولى , ايه سبب التغيرات ال حضرتك طلبتها
يعنى ايه فايدتها للعربيه

وايه مميزاتها , وهل لازم اغيرها ولا ايه بالظبط


وشكرا ليك

[ahmed2801]

عندى a11 جبت الطنابير الامامية من عند زكريا - بتوع جولف 3 اول شارع بعد بنزينة التعاون على اليمين من ش دمشق ب 375 جنية ايطالى

[sherifbmw]

معايا شيرى a15 اسود فبريقة بمعنى الكلمة مفهاش قلم بوية من الاكصدام للاكصدام ومفهاش خربوش فيها رخصه سنة انا تانى يد موديل 2007 تكيف باور مانيوال كاوتش جديد بس الازاز مش كهرباء مطلوب 32000 انشاء الله مهندس شريف 0100231062

[koko_nut200]

لو حد عايز اي استشارة في الشيري a15 انا تحت امرة

[emam]

لو حد عايز اي استشارة في الشيري a15 انا تحت امرة

ربنا يبارك فيك واهلا بيك معانا فى المنتدى - هو حضرتك من ملاك الشيرى ولا متخصص فى صيانتها ؟؟؟