تيل فرامل شيرى A11 2006

[eng_mkhalaf]

تم بحمد اللة تغير تيل الفرامل والخلاصة
1- لمعرفة مدى تأكل التيل لاتعتمد على قوة الفرملة - فقط أعتمد على مستوى زيت الفرامل فى الخزان
2-بعد السؤال فى التوكيل على سعر التيل وجد أنة يوجد نوعين من التيل لموديل 2006 واحد ب 80 جنية والأخر ب 160 ولازم أروح أكشف الأول لمعرفة نوع التيل
3- طبعا :D أنا مليشى فى مواضيع التوكيل المعقدة وبحب أنهى رحت فكيت التيل وطيرت على فتح الباب بتاع قطع غيار الجولف وسألتهم لقيتة هناك ب 110 وإلمانى وشكلة تيل تحفة ولقيتة هناك بيسموة تيل الأنكا وهى عربية مشهورة قوى تبع شركة سيات وصورتها

ولأول مرة أغير تيل وميصفرشى وحاسس كأنى مركب تيل مش جديد - فعلا الألمان لا يعلى عليهم -
** وبكدة الواحد قدر يغير التيل من غير توكيل ولا قرف وسعر غالى بدون داعى فى تيل لا يستحق سعرة ودية ميزة أن الواحد يجيب عربية معتمدة على تكنولوجيا عربية مشهورة من شركة قوية

[Hossam_Hassan]

يا ريت كل الناس بيفكروا زيك يا باشمهندس

[eng_mkhalaf]

يخليك ليا يا باشا - واللة الواحد ما يصدق غى حاجة صغيرة تحصل معاة علشان يفيد المنتدى الجميل دة -
أية اخبار الصحة يا معلم تمام ولا أية طمنا - البرد شادد حيلة اليومين دولت كان اللة فى العون

[douha_wise]

مبروك عليك التيل يا محمد
و أظن إن فتح الباب دة فى شارع رمسيس أمام نقابة المهندسين صح كدة ؟
اصلى انا سألتة قبل كدة و قالى إنة عندة بعض قطع غيار الشيرى A11 و على فكرة معايا الكارت بتاعة

[eng_mkhalaf]

تمام يا دوحة - أنت كدة غرست معايا
ممكن تقوللى أية هية قطع الغيار إللى عندة بالتفصيل

[Hossam_Hassan]

يخليك ليا يا باشا - واللة الواحد ما يصدق غى حاجة صغيرة تحصل معاة علشان يفيد المنتدى الجميل دة -
أية اخبار الصحة يا معلم تمام ولا أية طمنا - البرد شادد حيلة اليومين دولت كان اللة فى العون

الحمد لله الصحة بمب (منفث) و البرد مظبطنى فى ضهرى جامد، بجد شوية شوية هقوله (كابتن كابتن ..... هو كله ضرب ضرب .... مفيش شتيمة؟)

[أبو عمار المصرى]

يا سلاااااااام أهو كدة الشغل المضبوط و ننتظر المزيد يا ريس