مبيعات شيري من 2000 الي 2007

[CryptonX]

2000: ~2,000
2001: ~28,000
2002: ~50,000
2003: ~90,000 (8th in China)
2004: ~86,000 (10th in China)
2005: ~188,000 (5th in China)
2006: ~305,000 (3rd in China)
2007: ~392,000+ (Estimated)

بدأت شركة شيري العمل في سنة 1996 و انتجت اول سيارة للركوب في سنة 2000 ( Chery a11 )
واحتفلت مؤخرا بانتاج السيارة رقم مليون و حاليا مبيعاتها فوق المليون
في اقل من 10 سنوات لشركة جديدة تماما

و هي تعتبر اكبر شركة سيارات " خاصة " في الصين ( مدعومة من الحكومة الصينية مؤقتا )
و من اكبر شركات العالم تطورا و نموا ( العـــــالـــم ) .

مبيعاتهافي 2007 فقط الي يومنا هذا 390 الف سيارة تقريبا ( 53 % منهم تصدير )
و ده رقم اكبر من عدد السيارات التي بتاع في مصر سنويا :)

و تحتل شيري حاليا رقم 13 عالميا في المبيعات , و متوقع وصولها مع ال 10 الكبار في سنة 2012

خطة شيري حاليا هو انتاج مليون سيارة سنويا بعد افتتاح المصنع الجديد الدولي في السنة الفادمة .

[douha_wise]

بسم الله ما شاء الله معلومات تفتح النفس يا كريم أنا كنت قرأتها قبل كدة لكن مردتش اكتبها احسن اتهاجم
و انت عارف اللى بيتكلم على الصينى بيتخطف لكن انت حماية يا عم ماشية معاك يا بختك
و جزاك الله خيرا و كل عام و انت بصحة و خير
------------
الإدارة4

[eng_mkhalaf]

الله ينور يا باشا على المعلومات الجامدة دية - بكدة أنا همشى فى الشارع وأقول انا معايا شيرى :-)
-----------------
الإدارة4

[CryptonX]

بسم الله ما شاء الله معلومات تفتح النفس يا كريم أنا كنت قرأتها قبل كدة لكن مردتش اكتبها احسن اتهاجم
و انت عارف اللى بيتكلم على الصينى بيتخطف لكن انت حماية يا عم ماشية معاك يا بختك
و جزاك الله خيرا و كل عام و انت بصحة و خير

لا يااستاذ دوحة , محدش يقدر يهاجمك في المعلومات دي لسبب بسيط , ان دي FACTS حاجات ثابتة و حصلت ! مفيهاش رأي شخصي عن تجربة او خلافه .... دي ارقام :) كرهت الصيني ولا حبيته .. الارقام لن تتغير .

وربينا يجعلكوا سعداء دائما بسيارتكم .

[dr_roufa]

أنا أسف اني هعدل على حضرتك يا أستاذ Cryptonx , بس في غلط في ترتيب شركة شيري عالميا اللي حضرتك زكرته , هيا ترتيبها لسنة 2006 كان ال 27 عالميا مش ال 13 وكان يسبقها كمان 3 او 4 شركات صينية زي chana و faw

وده حسب ترتيب منظمة OICA
www.oica.net

و دا لينك لملف ال PDF اللي عليه الترتيب الكامل

http://oica.net/wp-content/uploads/2007/07/ranking06.pdf

وممكن حضرتك تشوف ترتيب اكبر 15 ماركه مبيعا على ويكيبيديا

http://en.wikipedia.org/wiki/Automotive_industry

اوعى حد يفتكر اني بهاجم شركة شيري و للا حاجه انا بس بحاول اصحح معلومه واضحه جدا

[CryptonX]

أنا أسف اني هعدل على حضرتك يا أستاذ Cryptonx , بس في غلط في ترتيب شركة شيري عالميا اللي حضرتك زكرته , هيا ترتيبها لسنة 2006 كان ال 27 عالميا مش ال 13 وكان يسبقها كمان 3 او 4 شركات صينية زي chana و faw

وده حسب ترتيب منظمة OICA
www.oica.net

و دا لينك لملف ال PDF اللي عليه الترتيب الكامل

http://oica.net/wp-content/uploads/2007/07/ranking06.pdf

وممكن حضرتك تشوف ترتيب اكبر 15 ماركه مبيعا على ويكيبيديا

http://en.wikipedia.org/wiki/Automotive_industry

اوعى حد يفتكر اني بهاجم شركة شيري و للا حاجه انا بس بحاول اصحح معلومه واضحه جدا

فعلا ده صحيح , دي غلطة ترجمانية :)
شكرا

[som3aa]

مبيعاتهافي 2007 فقط الي يومنا هذا 390 الف سيارة تقريبا ( 53 % منهم تصدير )
و ده رقم اكبر من عدد السيارات التي بتاع في مصر سنويا

معلش احب اصحح بس المعلومة دى , شيرى صنعت فى 2007 381000 عربية و صدرت منهم 119800 عربية (طبعا لدول العالم التالت اللى زى مصر) و دا يمثل 31% بس من انتاجها مش 52% و كمان ايه ال27 عالميا :D :D :D , مسخرة و الله , هو فى كام مصنع للعربيات فى العالم؟؟؟؟؟؟
احب اوضحلك ان السوق المصرى دا مش سوق بالنسبة لصناع العربيات اساسا فمعنى ان عدد الشيرى اللى بتتصنع اكبر من عدد العربيات اللى بتتباع فى مصر مش معناه اى اساسا , دى هيونداى بتبيع فى امريكا بسسسسسس من مركة الالنترا بسسسسس98,853 عربية ومركة السوناتا بس 149,513 عربية فى السنة يعنى الاتنين على بعض اكتر ب حوالى 50000 عربية من اللى بتصدرها شيرى كلها :d:d و انا بقول امريكا كمان مش الدول العالم التالت (خلى كدا شيرى و لا اى مركة صينى تعبانة تبيع اساسا فى امريكا و لا حتى اوروبا؟) , طبعا انا مش راضى اكتبلك مبيعات تيوتا علشان متتخدش و لا حاجة و لا اكتب مبيعات مركات مش موجودة فى مصر زى الكامرى.
بعدين السؤال لمحبى الصناعة الصينية , ليه الصين طالما جودة عربياتها كويسة او معقولة مبتبيعش فى اوروبا او امريكا؟؟ و ليه مركة ضعيفة زى بروتون و جودتها مش اوى بتبيع فى انجلترا و استراليا؟؟

بلاش يل جماعة ندافع على حاجة وحشة على الفاضى و خلينا موضوعيين و كمان عارف لو كان الصينى فى مصر بيتباع ارخص بكتير كنت قلت معلش اللى عايز يشترى عربية رخيصة يشترى الصينى (و مش مهم سلامته الشخصية) انما الهايما (على وشها) لما تتباع ب 75000-90000 يبقى فى حاجة غلط اكييييد و لا البريليانس اللى نفس موتور و فتيس الa-620 تتباع ب 145-160 الف يبقى انت اكييييييييد اكييييييييد فى مصر

[eng_mkhalaf]

مش عارف يا بوب أنت بتكلم فى إية إصلا على العموم لو مش عاجبك الصينى متشترهوشى وجيب إللى أحسن
طبعا من غير ما تقول الكورى أم 90 و 100 إلف مش زى الصينى أبو 50-60 إلف بس الموضوع ميتحسبشى كدة بيتحسب أنت دفعت إية وخت إية قدامة وزى ما بيقولو Best Value

[som3aa]

مش عارف يا بوب أنت بتكلم فى إية إصلا على العموم لو مش عاجبك الصينى متشترهوشى وجيب إللى أحسن
طبعا من غير ما تقول الكورى أم 90 و 100 إلف مش زى الصينى أبو 50-60 إلف بس الموضوع ميتحسبشى كدة بيتحسب أنت دفعت إية وخت إية قدامة وزى ما بيقولو Best Value

يا ريت الصينى كان ب 50000, الصينى وصل ل 160000 و دا اللى انا بقوله
لو كان ب 50000 او 40000 كنت سكت
بس 60000 كدا دخلت فى اللانوس و الفرنا
اما الهايما على وشها لا تعليق و كمان انا بعيب على العربيات اللى فوق ال50000 بالذات.

[eng_mkhalaf]

يعنى انت هتجيب الفيرنا زى الشيرى A11 طبعا لا وإلف لاة أنا جربت الأتنين وفرق شاسع ياعم فى كل حاجة لصالح الشيرى - وكمان الصينى أم 60 إلف لو جيبت نفس العربية كورى مش هتقل عن 100-120 إلف جنية يعنى ضعف المبلغ طبعا الكورى أحسن بس فرق الجودة عمرة ما هيجيب فرق السعر الكبير دة خالص
فهمت دماغى بتفكر أزاى
تعالى نحسبها تانى
أنا لو معايا فلوس أجيب عربية كورى مستعملة أستعمال خفيف وفيها كماليات لا حصر لها ب 100 إلف - ولقيت قدامى عربية صينى من شركة محترمة زى الشيرى وبنفس الكماليات وكسر زيرو وبالكتير هتعمل 50-55 إلف يعنى نص التمن يعنى وفرت 50 إلف معايا مدفين صدرى :)
بعد سنة أو أتنين زهقت منها وعايز أغير لموديل جديد عصرى وجيت أبيع
أولا الصينى قول هخسر فيها 10 إلف يعنى هبيعها على 40 إلف ودة فى أسوء الأحوال والخمسين إلف إللى أنا وفرتهم من الأول عملو فى السنتين دولت 15-20 إلف على الأقل لو شغلتهم صح يبقى أنت معاك 100-110 إلف
نقول أنت لو بقى بيعت الكورى إللى أنت دافع فيها 100 إلف لو حظك حلو حتجيب 90 إلف
كدة بحسبة بسيطة الصينى جابت 10-20 إلف فرق فى الأخر وأنت مخسرتش حاجة لأن مواصفات العربيتين زى بعض
معلشى طولت عليك

[جمال]

الاخ سمعه زعلان اوى من الهايما مش عارف ليه
كان هايم فيها و معرفش
انا من ملاك الهايما ومستريح فيها جدا ومعى كثيرون
واذا كانت الهايما مش عاجباك فأنت حر فى رأيك و لاتشتريها